LUKA 22:20 - BUKUIT NE TILIIL Sireet ne Dutero Kanon

²⁰ Ko uu nooto kigombet agine, kingo kagobata amitwogik che po lagat, kole, “Kigombani ko arorutyet ne leel ne po korotiikyuk, che kitumdoi agobo okweek.

Bukuit Ne Tilil

²⁰ Ko uu nooto kigombet agine, kingo kagobata amitwogik che po lagat, kole, “Kigombani ko arorutyet ne leel ne po korotiikyuk, che kitumdoi agobo okweek.

BUKUIT NE TILIL

²⁰ Ko u noto kikombet agine, kingo kagobata amitwogik che bo lagat, kole, Arorutiet ne leel kikombani eng’ korotikyuk, che kitumdoi agobo okwek.

LUKA 22:20 Referencias Cruzadas

KOMONG'U 24:8

Kingo pata konam Musa korotiik ak koisote piik komwae koleen, “Chu korotiigap arorutyet ne kagoyai Kamuktaindet ne Toroor kobootok eng' ng'aleechu tugul.”

JEREMIA 31:31

Ogeero, pwoonei peetuusyek, mwaei Kamuktaindet ne Toroor, che kiyomisigei ak kootap Israel eng' kayomiset ne leel, ak kobooto kootap Judah;

SEKARIA 9:11

Ago eng' inyee, ko ki ayookte kimonjororiniguk eng' keriinget ne ma mi peek, amu korotiigap kayomiseng'ung'.

MATAYO 26:28

amu chu ko korotiikyuk che po arorutyet, che kitumdoi agobo che chaang' ak agobo nyoetap kaat ne po tengekwogik.

MARIKO 14:24

Ak koleenji, “Chu ko korotiikyuk che po arorutyet, che kitumdoi agobo che chaang'.

1 KORINTOEK 11:25

Ko uu nooto agine kigombet, kingo kagoamis, kole, “Kigombani ko arorutyet ne leel ne po korotiikyuk; oyae niito kotugul ye oee obwaatena.”

2 KORINTOEK 3:6

ne kiyaech keegu che yamei, kiboitiinik che po arorutyet ne leel; ma che po ng'atuutyet, ago po Kabuuset ne Tiliil; amu parisyei ng'atuutyet, ago Kabuuset ne Tiliil ne igoitoi saboondo.

HEBRANIK 12:24

ak Jeso katuiyoindetap kayomiset ne leel, ak korotiigap iset, che ng'alaali ko myee kosiir che po Abel.

HEBRANIK 13:20

Ingoyaak Kamuktaindet ne po kaalyeet, ne ki imut mestowot ne oo ne po keechiirek komong' eng' che ki pek, eng' korotiik che po kayomiset ne po koigeny, ineendet Kiptaiyandennyo Jeso,

HEBRANIK 9:15

Ak amu ng'olyoondoniito ineendet ko katuiyoindetap kayomiset ne leel, si kobiit konyoor che kigeguur, arorutyetap poroteet ne po koigeny, ye kingo kagobiit meet agobo katyagetap pistaosyek che ki miitei eng' kayomiset ne po tai.

HEBRANIK 9:17

Amu tinyei arorutyet kimnateet ye kabiit meet: tos kiim kota kosabei ineendet ne kiyaei?