LUKA 17:29 - BUKUIT NE TILIIL Sireet ne Dutero Kanon

²⁹ ago eng' peetuut ne kimanda Lot eng' Sodom koroobon maat ak koik che laldos che ki punu kipsengwet, ak kobar tugul:

Bukuit Ne Tilil

²⁹ ago eng' peetuut ne kimanda Lot eng' Sodom koroobon maat ak koik che laldos che ki punu kipsengwet, ak kobar tugul:

BUKUIT NE TILIL

²⁹ ago eng’ betut ne kimanda Lot eng’ Sodom korobon mat ak koik che laldos che kibunu kipsengwet, ak kobar tugul:

LUKA 17:29 Referencias Cruzadas

ISAIAH 1:9

Nda ki ma pagaakwech Kamuktaindet ne Toroor ne po lugoosyek ng'etunenik che ng'ering' miising', ta kiga kiwoongwech ko uu Sodom ak Gomorah.

ISAIAH 13:19

Ak Babilon, ne ineendet ko toroornatetap laitornatosyek, ne karaaranindap menoteetap Kaldeik, koigeitu Sodom ak Gomorah ye ki igabui Kamuktaindet.

JEREMIA 50:40

Ko uu ye kigabui Kamuktaindet ne Toroor Sodom ak Gomorah ak nganasook che kineegite olooto, mwaei Kamuktaindet ne Toroor; uu nooto anyun ma menyei chii olooto, ama tebee olooto lakwa ne po chii.

HOSEA 11:8

Amuktoi ano ameteen, inyee Ephraim? Amuktoi ano asaruun, inyee Israel? Amuktoi ano ayain iige Adma? Amuktoi ano ayain iige Seboim? Kagowalak muguleldanyu, kagorira moo.

AMOS 4:11

Ki ang'em ageesu alak eng' okweek, ko uu ye king'em Kamuktaindet Sodom ak Gomorah kogees, ak kio uu mecheita ne kaginemune maat; ago tomo oweekyage, mwaei Kamuktaindet ne Toroor.

SEPANIA 2:9

Mwaei anyun Kamuktaindet ne Toroor ne po lugoosyek, Kiptaiyat Kamuktaindetap Israel kole ko uu ye asabe, koigeitu Moab Sodom, ak koigei lagogap Ammon Gomorah, punjin siwek, ak keriingonigap muunyuk, ak koguber agoi: luulei piikyuk che ng'etu icheek, ak konam pororyennyu ne ki ng'et icheek koek porotennywa.

LUKA 17:28

Uu nooto agine, ole ki piitunda peetuusyegap Lot; ki amisyei, kieisei, ki alisyei, ki aldaisyei, ki koolsei, ak kiteeksei;

LUKA 17:30

uu nooto eng' peetuut ne kibooru Weeriitap chii.

2 PETERO 2:6

ak ngot ko kigabui ak kowal nganasoogap Sodom ak Gomorah koek oreek si koek kaboorunet eng' icheek che ta kotebyei koma iywei Kamuktaindet;

JUDA 1:7

Ko uu nooto, agot Sodom ak Gomorah, ak nganasook che kiga yiem, kingo kagogoochigei sokseet, ko uu chuuto, koba koosup poorwek che ma kergei ak chechwaak, ko ki kinde koek kaboorunetap chooto nyalili konyooru kergong'yetap maat ne po koigeny.

NG'ANG'UTYET 11:8

Ak tebyei muuswekwak eng' ooreetap nganaseet ne oo, ne kiguure eng' kalewenet Sodom ak Misiri, ole kiga kigartate Kiptaiyannywa agine.

NG'ANG'UTYET 14:10

koeei agine divaik che po koroomnatetap Kamuktaindet, che ki kichop ama kiburuch eng' kigombetap nereeknatennyi; ak kinyaliili eng' maat ak koik che laldos eng' taitap malaikaisyek che tiliileen, ak eng' taitap Aarwet:

NG'ANG'UTYET 19:20

Ak ki kinam tyondo, kobooto maotyondonooto ki po lembech ne kiyaei kaboorunoik eng' tainnyi, ne ki iberberi che kiga kinde perutyetap tyondo, ak icheek che ki ilasu kanamwennyi. Ki kiwiirchi chooto tuwai kosaptos araraita ne po maat ne lalei eng' koik che laldos.