LUKA 15:13 - BUKUIT NE TILIIL Sireet ne Dutero Kanon

¹³ Ak kingo pata peetuusyek che matya koyum weerooto ming'in tuguukyik tugul, ak kwo emet ne loo; kwo koserser eng' olooto tuguukyik eng' atepto ne ya.

Bukuit Ne Tilil

¹³ Ak kingo pata peetuusyek che matya koyum weerooto ming'in tuguukyik tugul, ak kwo emet ne loo; kwo koserser eng' olooto tuguukyik eng' atepto ne ya.

BUKUIT NE TILIL

¹³ Ak kingobata betusiek che matia koyum weroto ming’in tugukyik tugul, ak kwo emet ne loo; kwo koserser eng’ oloto tugukyik eng’ atepto ne ya.

LUKA 15:13 Referencias Cruzadas

TIENWOGIKAL 73:27

Amu keero, petos icheeget che looen eng' inyee: Amu ki ing'em icheek tugul che ki isup ibeetapkei koistoenengei.

KALEWANAIK 18:9

Ineendet agine ne choriren eng' poisyennyi ko tupcho ak ng'emindet.

KALEWANAIK 21:17

Egu kibananiat chiito ne chamei ureryet, ma egu mogoryot ineendet ne chamei divaik ak mwanik.

KALEWANAIK 21:20

Miitei konoraik che po kamanuutyet ne oo ak mwanik eng' meng'ootetap ne utaat, ago amei konoraikyik kobek chiito ne perber.

KALEWANAIK 27:8

Uu toriityon ne ng'eete keswennyi koombenoti, chiito ne ng'eete oldanyi koombenot.

KALEWANAIK 28:7

Weeriit ne utaat age tugul ko riibei ng'atuutik, ago iteweeri kwandanyi ineendet ne chorweetap kipkeinik.

KALEWANAIK 29:3

Iboiboi kwanda age tugul ne chamei utaatyet; ago iseerseeri tuguuk ineendet ne namegei ak chepkugonik.

KALEWANAIK 6:26

Amu ibeeti chepkugoniot chiito agoi kong'etyi kererutyet, ak cheeng'oti chepkugoniot koriich saboondo ne karaaran.

ISAIAH 1:4

Pwo! Pororyet ne yaei tengekto, piik che laei yaityet, iyoteetap yaigap yaityet, lagok che yaei ng'emisyet! Ki kometo Kamuktaindet ne Toroor, Ki kogas Ineendet ne Tiliil ne po Israel, ki kotoiyegei kochuchuigei.

ISAIAH 22:13

Ak ogeero, poiboiyet ak kagasetapkei, eng'seetap keechiirek ak ne po tuuga, oame panyeek ak oee divaik. “Ongeamisye ak keeise, amu kibegu mutai.”

ISAIAH 30:11

oistegei eng' ooreet, omaste eng' ooreet, ogoochi Ineendet ne Tiliil ne po Israel kosiis eng' tainnyo.

ISAIAH 56:12

Mwaei kole, obwa, si aip divaik, si kee maiyek konyiiech; ak kergeitu peetuuni ak mutai; peetuut ne oo, ne siirtoot.

JEREMIA 2:13

Ki koyai piikyuk yaitwogik aeng': ki kometo anee ne aa kondametutap peek che saptos, ak kobaljigei keriingonik, keriingonik che ki koterogis, che ma imuuchi kotebee peek.

JEREMIA 2:31

Ee ibini, ogas ng'olyootap Kamuktaindet ne Toroor! Tos ki aegu emetap melewet ne oo eng' Israel? Amu nee anyun si komwa piikyuk kole, “Ki kityaachech, ma kebwane kogeny ole imi?”

JEREMIA 2:5

Mwaei Kamuktaindet ne Toroor kole: “Nee kiit ne ma po iman ne kinyoorcha kwanisyekwok, kot kolooitena, ak koba kosubot kamuktaik che ma tilei kiy, ak kagoek icheek puch?

MIKAH 6:3

Ki ayaiywok nee, ee okweek piikyuk? Ak ki aiimenak nee? Obaoryanwa.

LUKA 15:12

Ki leenji weeriit ne ming'in kwandanyi, Abba, koono tuguuk che ka tatun punjino. Ak kipchechi icheek tuguukyik.

LUKA 15:14

Ak kingo kagogesta tugul, konyo rubeet ne oo emonooto; kotoi anyun kobanan.

LUKA 15:30

ago ye ka ngo nyo weeriitang'ung'et, ne kigoam tuguuguk ak chepkugonik, ieng'ji anyun moita ne neraat.

LUKA 16:1

Ak ki leenji ineendet kasubikyik kogeny, ki mi chii anum ne ki mogoryo, ne ki tinyei riibindet ne kitononjin koonnyi; ak ki kimwaita chiichooto eng' tainnyi keele, iserseri tuguugap mogoryondonooto.

LUKA 16:19

Ak ki mi chii anum ne ki mogoryo ne ki ilaachi ngoroik che arusen ne piriir, ak che po katanit ne karaaran, ak kibaibai peetuut age tugul, ak kotalbisi:

EPESOEK 2:13

Ago nguno eng' Kristo Jeso okweek che ki oo looen eng' peetuusyek alak, ko kagegoonok ooriigu eng' korotiigap Kristo.

EPESOEK 2:17

Ak ki nyo koamwok kaalyeet okweek che ki oo looen, ak kaalyeet eng' icheek che kineegiten:

2 PETERO 2:13

che nyooru nyalilda, nooto ko melektap yaityet; che iiti kole poiboiyet ye pogitos peet, perutik ak tisonok, che iboiboigei eng' igoorwekwak che po chamyet, ye oamisye tugul;