LUKA 11:42 - BUKUIT NE TILIIL Sireet ne Dutero Kanon

⁴² Ago pwo eng' okweek Pharisaik! Amu ogoitoi kebebertap taman ne po heduosmon ak keetiik che mengech che ng'uu, ak che po sogeek alak tugul, ak ometoi kirwooget ak chamyetap Kamuktaindet: ago kita nyolu oyai chuuto, amomete chuun alak.

Bukuit Ne Tilil

⁴² Ago pwo eng' okweek Pharisaik! Amu ogoitoi kebebertap taman ne po heduosmon ak keetiik che mengech che ng'uu, ak che po sogeek alak tugul, ak ometoi kirwooget ak chamyetap Kamuktaindet: ago kita nyolu oyai chuuto, amomete chuun alak.

BUKUIT NE TILIL

⁴² Ago bwa okwek Parisaik! Amu ogoitoi kebebertab taman ne bo heduosmon ak ketik che mengech che ng’uu, ak che bo sogek alak tugul, ak ometoi kiruoget ak chamnyetab Jehovah: ago kita nyolu oyai chuto, amomete chun alak.

LUKA 11:42 Referencias Cruzadas

NEEMIA 10:37

Ki ibuu magatiinik che tuonen che po tongoanik, kagoochinoikyok che kinamjin parak, logoegap keetiik alak tugul, divaik ak mwanik kobwa ole mi tisiik agoi kooriik che po oriit che po kootap Kamuktaindennyo. Ki ipchini Lawiik kebeberwegap taman che po tuguugap mbareenikyok, amu iyumi Lawiik kebeberwegap taman che po kabatisyennyo eng' nganasook tugul.

KALEWANAIK 21:3

Keyaei iman ak kirwooget, ko taachaksei eng' taitap Kamuktaindet ne Toroor kosiir korosyot.

AMDOINDET 7:18

Karaaran iguiye niito komyee, ameistoe eung'ung' ng'olyoondoni agine; amu ineendet ne iywei Kamuktaindet komang'une chooto tugul.

MIKAH 6:8

Ee inyee chii, kagoboorun ineendet kiit ne myee; ak nee ne magenen Kamuktaindet ne Toroor, kobatee iyai imanda, ak icham rireenet, ak iwendote eng' kaming'inetapkei kobooto Kamuktaindeng'ung'?

MALAKI 1:6

Igoochin konyit weeriit kwandanyi, ak kogonyiti otwogindet kiptaiyandennyi. Ngot ko aa kwanda anyun, komi ano teegistanyu? Ak ngot ko aa kiptaiyat, komi ano kaiyweisyet ne kiywea? Mwaiwok Kamuktaindet ne Toroor ne po lugoosyek ee tisiik, che osase kainennyu. Omwae ole ki kisaste ano kaineng'ung'?

MALAKI 2:17

Kooiim Kamuktaindet ne Toroor eng' ng'aleekwok. Ago oteebe ole, “Ki kiime nee?” Amu omwae ole, Myee age tugul eng' taitap Kamuktaindet ne Toroor ne yaei yaityet ak koboiboitune pichooto. Anan ye oteebe ole, “Mi ano Kamuktaindet ne po kirwoogetap imanda?”

MALAKI 3:8

Tos chorei chii Kamuktaindet? Ago ochoora. Ago oteebe ole, “Ki kichoorten ano?” Ki ochor kebeberwegap taman ak kagoochinoik.

MATAYO 23:13

“Ago pwo eng' okweek, siriik ak Pharisaik, chombilik! Amu ogere piik pounatetap kipsengwet. Amu mochutei okweeget olooto, ak che machei kochut olooto ko mochamjini koba.

MATAYO 23:23

Pwo eng' okweek, siriik ak Pharisaik, chombilik! Amu ogoitoi kebebertap taman ne po heduosmon, pisalik ak kamon, ak ki obagaach chooto po kamanuut che po ng'atuutik: kirwooget ak rireenetapkei ak kayaneet. Chuuto che kanyool oyai amobagaach chuun alak.

MATAYO 23:27

“Pwo eng' okweek, siriik ak Pharisaik, chombilik! Amu oo kerge ak kereeriisyek che kigesal koleelagitu, che korooron iman parak eng' keeret, ago nyiitootiin oriit kawegap piik che ki kobek ak murwoonindo tugul.

LUKA 18:12

Arugutige konyil aeng' eng' wigiit; agoitoi kebeberta ne po taman eng' tuguuk tugul che anyooru.’

JOHANA 5:42

Ago angenok ale motinye chamyetap Kamuktaindet eng' oriing'wong'.

1 JOHANA 4:20

Ngot komwa chii kole, “Achame Kamuktaindet,” ago wechei ne tupcho, ko kiplembechwa: amu ineendet ne ma chamei ne tupcho ne ki kogeer, koma imuuchi kocham Kamuktaindet ne tomo kogeer.

1 SAMUEL 15:22

Ak ki mwa Samuel kole, “Tos, ting'ee Kamuktaindet ne Toroor poiboiyet ne oo kagoochinoik che kibeelei ak tiseiywot, ko uu ye ting'ee kasetap iit ne po ng'olyootap Kamuktaindet ne Toroor? Keero, siirei kasetap iit tiseiywot ak siirei kasetap iit mwanigap mengichik.