LUKA 11:13 - BUKUIT NE TILIIL Sireet ne Dutero Kanon

¹³ Ngo ngen okweek che oo yaach ogoochi lagokwok tuguuk che myach, siirei anyun ne tya kagoitoet ne igoochin Kwandang'wong' ne mi kipsengwet Kabuuset ne Tiliil icheek che soomei ineendet!”

Bukuit Ne Tilil

¹³ Ngo ngen okweek che oo yaach ogoochi lagokwok tuguuk che myach, siirei anyun ne tya kagoitoet ne igoochin Kwandang'wong' ne mi kipsengwet Kabuuset ne Tiliil icheek che soomei ineendet!”

BUKUIT NE TILIL

¹³ Ngongen okwek che o yaach ogochi lagokwok tuguk che miach, siirei anyun ne tia kagoitoet ne igochin Kwandang’wong’ ne mi kipsengwet Tamirmiriet ne Tilil ichek che somei inendet!

LUKA 11:13 Referencias Cruzadas

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

TIENWOGIKAL 51:5

Keero, ki kisikta tengekto; ak kimanakta kamennyu chalwok.

KALEWANAIK 1:23

Ogas oriip kateunennyu, ogeero, aroong'wok kabwaatutikyuk, ak ang'ang'wok ng'aleekyuk.

ISAIAH 49:15

Tos imuuchi kwondo koutye lakweennyi ne chuchuni, kot koma riiree weeriit ne kisichei? Ee, imuuchi chuuto koutye, ago mautyenen.

EZEKIEL 36:27

Ak andeok Kabuusennyu, ak agoonok obendate ng'atuutikyuk, ak oriip kirwoogutikyuk ak oyai.

JOEL 2:28

Ak ye ibata chooto, ko tuun aroong'jini Kabuusennyu piik tugul; ak komaoten weeriikwok ak tiibiikwok, irwotyin poisyekwok karwotitaosyek, keerei murenikwok ng'ang'utik:

MATAYO 5:16

Ongoluu lapkeiyeng'wong' ko uu nooto eng' taitap piik, si komuuch kogeer poisyonikwok che myach, ak kolas Kwandang'wong' ne mi kipsengwet.

MATAYO 5:45

si oegu weeriigap Kwandang'wong' ne mi kipsengwet; amu igoochin asiistanyi kochorchi che yaach ak che myach, ak iyookyin ropta che po imanda ak che ma po imanda.

MATAYO 6:14

Amu ngo nyochini kaat piik kachiliilutikwak, konyoiywok kaat agine Kwandang'wong' ne po kipsengwet.

MATAYO 6:30

Ago ngo laakyin Kamuktaindet ko uu nooto susweek che po keeweet, che mi rani ak mutai kewiirchi ma, ko tos mayaiywok ko uu nooto kosiir, okweek che otinye kayaneet ne ming'in?

MATAYO 6:32

Amu cheeng'ei tuguuchu tugul Pororyosyek; amu ingen Kwandang'wong' ne po kipsengwet kole omokyinigei tuguuchu tugul.

MATAYO 7:11

Ngot ongen okweek anyun nga oo yaach ogoochi lagokwok kagoochinoik che myach, ko tos yaei myeein ne tya Kwandang'wong' ne mi kipsengwet. Tos ma igoochin che soomei ineendet tuguuk che myach?

LUKA 11:12

Anan ngo soom koitap ingok, ko tos igoochi melmeldo?

LUKA 11:2

Ak ki leenji icheek, “Ye osaae, omwa ole, ‘Kwandanyo, ingoloosunok kaineng'ung'. Ingonyo laitornateng'ung'.

LUKA 18:7

Tos ma yachin Kamuktaindet imanda che lewenotin, che riirchin ineendet peet ak kemoi, ak muitoi ineendet eng' icheek?

JOHANA 4:10

Kowolji Jeso koleenji, “Nda kengen konunetap Kamuktaindet, ak ineendet ne kalenjin, ‘Inaga peek aee,’ ta kaisoom ineendet, ak ta kagogoonin peegap saboon.”

POISYONIGAP CHE KIYOKTOI 2:38

Koleenji `Petero icheek, “Osigu, si kibatisan age tugul eng' okweek eng' kaineetap Jeso Kristo agobo nyoetap kaat ne po tengekwogikwok; si otaach konunetap Kabuuset ne Tiliil.

ROMANIK 5:17

Amu ngo kiboi meet eng' pistoetap agenge; ne siirei miising' anyun, kobou eng' saboondo icheek che taachei chaang'indap myeeindo ak konunet ne po imanda eng' agenge, nooto Jeso Kristo.

ROMANIK 7:18

Amu angen ale eng' anee, nooto ko eng' poortanyu, koma menyei kiy ne myee: amu mi chameet kobooto, ago ale ayai nooto myee, koma yae.

ROMANIK 8:32

Ineendet ne ki ma riiree Weeriinnyi, ago kigon ineendet agobo acheek tugul, tos ma koonech tuguuk tugul eng' aiyebindo kobooto ineendet?

TITO 3:3

Amu ki kiberberen agacheek keny, ki ma kegase iit, ki kiberberech, keote maguutik che teerchiin ak ureryosyek, ketebye eng' yaityet ak ng'etkong', ki kiche kiwechei ak kewechegei.