LUKA 10:7 - BUKUIT NE TILIIL Sireet ne Dutero Kanon

⁷ Ak otebee koyooto anyun, ak tuguuk che koonok, oam ak oee: amu nyoljin kiboityot melektanyi. Amoitote kooriik.

Bukuit Ne Tilil

⁷ Ak otebee koyooto anyun, ak tuguuk che koonok, oam ak oee: amu nyoljin kiboityot melektanyi. Amoitote kooriik.

BUKUIT NE TILIL

⁷ Ak otebe goyoto anyun, ak tuguk che konok, oam ak oee: amu nyoljin kiboitiot melektanyi. Amoitote gorik.

LUKA 10:7 Referencias Cruzadas

KAITOSYEK 18:31

Oam chooto eng' komoswek tugul, okweek ak piigap kooriikwok; amu chooto melekwekwok che po poisyeng'wong' eng' emait ne kituiyechin.

MARIKO 6:10

Ye kobe ko age tugul, otebi yooto agoi obe eng' olooto.

LUKA 10:6

Ak ngo miitei weeriitap kaalyeet yooto, kotebee kalyeng'wong' ineendet: ak ngo ma mi, koweekyinogei okweek.

LUKA 9:4

Ak koot age tugul ne omong'jini, otebee olooto agoi obe.

POISYONIGAP CHE KIYOKTOI 16:15

Ye kiga kibatisan ineendet ak piigap koonnyi, kogaigaech kole, “Ngo kaogeer ole ayani Kiptaiyat, obwa koonnyu ak otebi.” Ak kibirchech keebe.

POISYONIGAP CHE KIYOKTOI 16:34

Ara ki imut koba koonnyi ak kogoochi amitwogik, ak kiboiboitu miising' ineendet kobooto koonnyi tugul amu kagoyan Kamuktaindet.

POISYONIGAP CHE KIYOKTOI 16:40

Ki manda anyun eng' korgoreet ak ki pa agoi kootap Lydia; ak kingo kagogeer tupchosyek kogaigai icheek ak koba.

GALATYEK 6:6

Ago ingoyamda tuguuk tugul che myachen ineendet ne kineeti ng'olyoot, ak ineendet ne ineetisyei.

NG'ATUTIK 12:12

Oboiboitu eng' olooto eng' taitap Kamuktaindet ne Toroor Kamuktaindeng'wong', okweek kobooto weeriikwok, tiibiikwok, otwogikwok che murenik kobooto otwogikwok che tiibiik ak Lawindet ne mi kurgotikwok, amu ma tinyei ineendet kebeberta anan poroteet kobootok.

NG'ATUTIK 18:8

Ingoam kebeberwek che aechin kobooto che nyoorunee aldaetap tuguuk che po kwandanyi.

1 TIMOTEO 5:13

Kobooto nooto anyun koneetkei koek chorirenik, ak koiitoti kooriik; ago ma chorirenik kityo, ago chaamik ak che ibooti chemererosyek, kong'alaalote tuguuk che ma nyooljin.

2 TIMOTEO 2:6

Nyoljin kabatindet ne yaei poisyet ne uui, kosip kotongoi logoek.