LUKA 10:21 - BUKUIT NE TILIIL Sireet ne Dutero Kanon

²¹ Eng' sainooto kobaibait Jeso eng' Kabuuset ne Tiliil, ak kole, “Aweegun kongoi, ee Abba, Kiptaiyat ne po kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik: ee, Abba; amu ki chamak ko uu nooto eng' taing'ung'.

Bukuit Ne Tilil

²¹ Eng' sainooto kobaibait Jeso eng' Kabuuset ne Tiliil, ak kole, “Aweegun kongoi, ee Abba, Kiptaiyat ne po kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik: ee, Abba; amu ki chamak ko uu nooto eng' taing'ung'.

BUKUIT NE TILIL

²¹ Eng’ sainato kobaibait Jesus eng’ Tamirmiriet ne Tilil, ak kole, Aweegun kongoi, ee Baba, Kiptaiyat ne bo kipsengwet ak ng’ony, amu kiiung’e tuguchu che ng’omen ak che ingen, ak kiing’ang’ji manyurunik: ee, Baba; amu kichamak ko u noto eng’ taing’ung’.

LUKA 10:21 Referencias Cruzadas

TIENWOGIKAL 24:1

Po Kamuktaindet ne Toroor ng'wony ak tugul che nyiitaat olooto; ng'wony, ak che menyei olooto;

TIENWOGIKAL 25:14

Miitei ung'ootyetap Kamuktaindet ne Toroor kobooto icheek che iywei ineendet; ak koboorchi icheek arorutyennyi.

TIENWOGIKAL 8:2

Ki ing'at kimnateet kobun kutusweegap lagok ak che reritos, ki inde irimeet amu puuniguk, si iger kong' puunyoot kosiis ak ne yaaktoi mugetuut.

ISAIAH 29:14

Ara anyun, ayae poisyet ne kitang'aang'jin eng' kwenutap pichu, poisyet ne kitang'aang'jin ak kekwong'ee. Ak kobet utaatyetap piikwak che utaatiin, ak keuny kaguiyetap piikwak che ng'oomen.

ISAIAH 35:8

Ak kobiit ooreet ne oo eng' olooto, ak kiguure oranooto Ooreetap Tiliilindo. Ma punei oranooto che ma tiliileen ama tyechei oranooto agot che perber.

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

ISAIAH 62:5

Amu ko uu ye ituni mureno pergeiyat, uu nooto tuun itunin weeriiguk: ak ko uu ye paibaitu sandet eng' murereet, ko uu nooto, tuun poiboitu Kamuktaindeng'ung' eng' inyee.

ISAIAH 66:1

Mwaei Kamuktaindet ne Toroor kole, kipsengwet ko ng'echerennyu ne po laitornatet, ak ng'wony ko ng'echereetap keelyekyuk: oteekwo koot ne uu nee? Ak komosta ano ole amuung'e?

SEPANIA 3:17

Mi kwenung'ung' Kamuktaindet ne Toroor Kamuktaindeng'ung', ineendet Kiplugotyot ne koonu katerteerisyet. Poiboitunenen eng' poiboiyet, siisei eng' chamyennyi. Poiboitunenen eng' tyendo,

MATAYO 16:17

Kowol Jeso kole, “Iberuurot inyee, Simion Barjona, amu mang'ang'un niito poorto anan korotiik, ago Abbannyu ne mi kipsengwet.

MATAYO 21:16

Ki teebe icheek ineendet koleenji, “Igase ne mwaei chu?” Kowolji Jeso icheek koleenji, “Ee, ki ma osoman keele, ‘Ki ichopchigei kosulda kalasunet kobun kutusweegap lagok ak che reritos.’ ”

MATAYO 3:7

Ago ye kingo keer che chaang' che po Pharisaik ak Sadukaik kobwonjin kabatisanennyi, koleenji, “Lagochu po erenook, ng'oo ne ki iteiywok omwee piruutyet ne nyoonei?

MARIKO 10:15

Amwaiwok iman ale, Chii age tugul ne mataachei laitornatetap Kamuktaindet ko uu lakweet ne ming'in, koma itei olooto matiny.

LUKA 15:5

Ak ye kigonyoor, konde tigikyennyi, ak kobaibait.

LUKA 15:9

Ak ye kagonyoor, koguur anyun choronokyik kobooto piigap kokwennyi koyumgei ak kole, “Ongeboiboitu tugul, amu kaanyooru fedhaiyandennyu ne koga kobet.”

JOHANA 11:41

Koisto anyun koita. Ak ki ing'eet metit Jeso ak kole, “Abba, amwaun kongoi ale kaigasa.

2 KORINTOEK 4:3

Ago ngo tugootiin logoiywekyok che myach, ko tugootiin eng' icheek che lustos:

EPESOEK 1:11

ne kiyaech eng' ineendet keegu porotennyi, ko kasip kolewenech, ko uu mageetap ineendet ne yaei tuguuk tugul ko uu kabwaatetap magennyi;

EPESOEK 1:5

ko uu ye kiga sip kolewenech kenamech keegu weeriik eng' Jeso Kristo eng' ineendet, ko uu chameet ne myee ne po magennyi,