KOMONG'U 9:16 - BUKUIT NE TILIIL Sireet ne Dutero Kanon

¹⁶ ago kaachamun isap, si kobiit aboorun kimnateennyu, ak kemwaita kainennyu konaak eng' ng'wony komugul.

Bukuit Ne Tilil

¹⁶ ago kaachamun isap, si kobiit aboorun kimnateennyu, ak kemwaita kainennyu konaak eng' ng'wony komugul.

BUKUIT NE TILIL

¹⁶ ago iman kaachamun itebi, si kobiit aborun kimnatennyu, ak si kobiit kemwaita kainennyu eng’ ng’ony komugul.

KOMONG'U 9:16 Referencias Cruzadas

2 SAMUEL 7:23

Ngoro pororyet ne kergei ak piiguk Israel ne ki wo Kamuktaindet kotyakyigei koek piikyik ak koyachigei kainet? Ngoro pororyet ne ki yachi tuguuk che eecheen agobo okweek ak tuguuk che po kamuiset agobo emeng'ung' eng' taitap piiguk? Icheek che ki ityaach eng' Misiri koek cheguuk, ak eng' pororyosyek ak kamuktaikwak?

2 LAITORINIK 19:35

Ki manda malaikaiyatap Kamuktaindet ne Toroor kemounooto ak kobar piik eliphuusyek pogol ak tamanwogik sisiit ak muut eng' nganaseetap piigap Assyria. Kingo ng'eetyo piik karon, ko ki muuswek tugul, che kogobek.

1 ATEPTAP PEETUUSYEK 16:24

Omwaite toroornatennyi eng' pororyosyek, poisyonikyik che kikwong'ee eng' piik tugul.

NEEMIA 9:10

Ki ibarte kaboorunoik ak kwang'utik eng' Pharaoh, ak otwogikyik tugul ak piik tugul che po emennyi, amu ki ingen ile ki inyaliil icheek eng' menoteet. Ki igoochigei kainet, nooto ne mi agoi rani.

TIENWOGIKAL 106:8

Ago ki sar icheek amu kainennyi, si kobiit konaak kimnateennyi ne po kamuktaet.

TIENWOGIKAL 64:9

Yeityo koiyweis piik tugul; ak komwaita poisyetap Kamuktaindet, ak korwoochi eng' ng'omnateet agobo poisyennyi.

TIENWOGIKAL 76:10

Iman ilasun nereegegap piik: Irategei nereegek che kang'et.

KOMONG'U 14:17

Auuiiti aneendet mugulelwegap Misiriik, si koosup icheek ak anyoorunee teegisto Pharaoh, lugeennyi tugul, kariisyekyik ak piikyik che ketei paraisisyek.

KOMONG'U 14:4

Eng' yooto kogeny auuiiti muguleldap Pharaoh si koosup icheek ak anyoorunee teegisto Pharaoh ak lugeennyi tugul si konai Misiriik kole aa Kamuktaindet ne Toroor.” Ki yai anyun piigap Israel ko uu nooto.

KOMONG'U 18:11

Angen nguno anyun ale oo Kamuktaindet ne Toroor kosiir kamuktaik tugul. Amu ki sar piik eng' eunegap Misiriik che ki yachi pichooto kiit ne ya eng' menoteet.”

KOMONG'U 9:15

Amu kata achuule eunnyu abariin ak piiguk eng' koroito, ak ta kageisten ibet eng' ng'wony,

KOMONG'U 9:17

Ta ilasugei iraanye piikyuk, ak tomo igoochi koba?

KALEWANAIK 16:4

Ki yai Kamuktaindet ne Toroor tuguuk tugul ko uu ye kimakyin, ee agot che yaach ko ki yai agobo peetuut ne ya.

JEREMIA 32:20

ne ki inde kaboorunoik ak kwang'utik emetap Misiri, agoi rani, eng' Israel ak eng' piik alak; ak ki iyai kaineng'ung' konaak, ko uu ye uu rani;

EZEKIEL 39:21

Ak ande toroornatennyu kwenutap pororyosyek ak kogeer pororyosyek tugul kirwoogennyu ne kaayai, ak eunnyu ne ki agonoor icheek.

MALAKI 1:11

Amu oo kainennyu eng' pororyosyek kobooch ole charunee asiis agoi ole roroktoe; ak kigoitoi eng' komosta age tugul nyamdutik che kibeelei agobo kainennyu, kobooto kagoochinet ne tiliil: amu oo kainennyu eng' pororyosyek, mwaei Kamuktaindet ne Toroor ne po lugoosyek.

MALAKI 1:14

Ago chuboot kaberberindet, ne tinyei mengit eng' akweennyi, ak koarorto, yeityo koeng'ji Kiptaiyat kiit ne tinyei perutyet. Amu Aa Laitoryat ne oo, ak kiywei kainennyu eng' pororyosyek mwaei Kamuktaindet ne Toroor ne po lugoosyek.

KAITOSYEK 14:21

Ago iman, ko uu ye asabe ak ko uu ye tuun nyiei ng'wony komugul toroorindap Kamuktaindet ne Toroor,

ROMANIK 9:17

Amu mwachin sireet Pharaoh koleenjin, “Kang'eetin amu ng'olyoondoniito ale, abartaenen kamuktaennyu, si keamdaat kainennyu eng' ng'wony komugul.”

ROMANIK 9:22

Tos nee anyun, ngo machei Kamuktaindet kobarta nereeknatennyi, ak kong'aany kimnateennyi, komuita eng' talasyet ne oo agobo tereenik che po nereegek che nyoljin ng'emisyet:

JOSHUA 4:24

si kobiit konai piik tugul che po ng'wony kole kiim eutap Kamuktaindet ne Toroor ak koywei Kamuktaindet ne Toroor Kamuktaindeng'wong' koigeny.”

1 PETERO 2:19

Amu chamaksei niito, ngot komuita chii eng' aragenosyek kobwaati Kamuktaindet, ye kinyaliili ama yai kiy ne ya.

1 PETERO 2:8

ak ko, koita ne inachi piich, ak ko rwandet ne riichei piich; amu kinachi icheek eng' ng'olyoot, amu ma kase iit: ki kinde icheek agobo nooto.

JUDA 1:4

Amu mi piik alak che ki chut oriit eng' ung'oot, icheek che ki kichopchi kirwoogoni kobooch keny, piik che ma iywei Kamuktaindet, che walei myeeindap Kamuktaindet nenyo koek mageet ne ya, ak koesyoi Laitoryandennyo, ne ineegei, ak ko Kiptaiyandennyo Jeso Kristo.

1 SAMUEL 4:8

Pwo acheek! Ng'oo ne sarwech eng' kamuktaichu kiimeen? Chu ko kamuktaik cho ki parei Misiriik koboree korotwo alak tugul eng' surkwen.