KOMONG'U 8:8 - BUKUIT NE TILIIL Sireet ne Dutero Kanon

⁸ Ki kuur anyun `Pharaoh Musa ak Aron ak koleenji, “Oriirchi Kamuktaindet ne Toroor, si koistaena anee ak eng' piikyuk mororochik, ak amete anee piik koba kogoochi Kamuktaindet ne Toroor tiseiywot.”

Bukuit Ne Tilil

⁸ Ki kuur anyun `Pharaoh Musa ak Aron ak koleenji, “Oriirchi Kamuktaindet ne Toroor, si koistaena anee ak eng' piikyuk mororochik, ak amete anee piik koba kogoochi Kamuktaindet ne Toroor tiseiywot.”

BUKUIT NE TILIL

⁸ Kiguur Parao anyun Musa ak Aron, kolenji, Orirji Jehovah, si koistaena mororochik, ak eng’ bikyuk; ak aunde bik koba, koba koeng’ji Jehovah tiseiywot.

KOMONG'U 8:8 Referencias Cruzadas

1 LAITORINIK 13:6

Ki wolji `laitoryat chiitap Kamuktaindet koleenji, “Igaigai Kamuktaindet ne Toroor Kamuktaindeng'ung' ak isaiywa, si koweek eunnyu kogeny kosap.” Ak ki sa `chiitap Kamuktaindet ne po Toroornatet, ak ki week eutap laitoryat kogeny kosap ak koigei kiit ne ka uu eng' tai.

TIENWOGIKAL 66:3

Oleenji Kamuktaindet, Po kamuiset ne tya poisyoniguk! Iming'injiningei puuniguk amu etunatetap kimnateng'ung'.

KOMONG'U 10:16

Ki iyookto anyun Pharaoh keguur Musa ak Aron eng' chokyinet, ak koleenji, “Kaayachi tengekto Kamuktaindet ne Toroor Kamuktaindeng'wong', ak kaayaiywok okweek.

KOMONG'U 10:17

Nooto anyun, asaain ale nyoiywo kaat amu tengektonyu niito ineegei, ak osaa Kamuktaindet ne Toroor Kamuktaindeng'wong', koistoena meoni kityo.”

KOMONG'U 10:18

Ki wo eng' ole mi Pharaoh, kwo kosa Kamuktaindet ne Toroor.

KOMONG'U 14:5

Ki ngemwachi laitoryatap Misiri keleenji, “Kogoba komweiso piik,” kogiwalak muguleldanyi ak kowalagis mugulelwegap otwogikyik agobo piigap Israel ak ki ibwaat icheek kole, “Nee kii kogeyai, kot kechamji Yahudik koba kometo otwoknateet ne kootech?”

KOMONG'U 32:11

Ki igaigai `Musa Kamuktaindet ne Toroor Kamuktaindennyi, koleenji, “Ee, Kamuktaindet ne Toroor, amu nee si kolalyo nereegeguk agobo piiguk che ki imutu komang'une emetap Misiri eng' kimnateet ne oo ak eng' euut ne kiim?

KOMONG'U 5:2

koteebee Pharaoh koleenji, “Ng'oo Kamuktaindet ne Toroor, ne tos agas iit ng'aleekyik kot achamji Israel koba? Mangen Kamuktaindet ne Toroor, ak kogeny, ma chamjini Israel koba.”

KOMONG'U 8:15

Ago kingo keer Pharaoh kole ma komi mororochik, kouiit muguleldanyi ineendet, ak ki ma kas icheek, ko uu ye kiga komwa Kamuktaindet ne Toroor.

KOMONG'U 8:29

Koleenji Musa, “Keero, kawe eng' ole imi nguno si asa Kamuktaindet ne Toroor si kobiit koistoenen inyee Pharaoh, otwogiguk ak piiguk kalyang'ik mutai. Ago mat koboisyee kogeny Pharaoh kaberberisyet koetee piik koba kogoochi tiseiywot Kamuktaindet ne Toroor.”

KOMONG'U 8:32

Nga no, ko ki iuit Pharaoh muguleldanyi kogeny, ak ma meto piik koba.

KOMONG'U 8:9

Koleenji Musa Pharaoh, “Kagoonin imwa ile auyo ole asaun, ak asachi otwogiguk, ak piiguk kebar mororochik ak koistoenogei eng' korikwok ak kotebee aino kityo.”

KOMONG'U 9:27

Eng' yooto anyun, ko ki iyookto Pharaoh keguur Musa ak Aron ak koleenji, “Kaayai tengekto eng' niito; po imanda Kamuktaindet ne Toroor, ago aa kiptengekyo kobooto piikyuk.

KOMONG'U 9:28

Osaa Kamuktaindet ne Toroor amu kagoyam tuleennyi ak koik; agoonok anee obe, amat ogagei.”

KOMONG'U 9:33

Ki manda Musa eng' nganaseet kwo eng' ole mi Pharaoh. Yeityo koitoochi eunekyik Kamuktaindet ne Toroor, ak ki siis tuleet ak kong'et koiyat; ak mata korobonji ng'wony.

KAITOSYEK 21:7

Ki pa `piik kap Musa koleenji, “Kogeyai tengekto amu ko king'unyng'ung'ji Kamuktaindet ne Toroor kobooten. Saa Kamuktaindet ne Toroor si koistoenech erenochu.” Ara kisaachi `Musa piik.

POISYONIGAP CHE KIYOKTOI 8:24

Ak ki wol Simion kole, “Osaiywa Kiptaiyat, si ma pwanjo agot agenge tuguuk che kaomwaiwo.”

1 SAMUEL 12:19

Koleenji `piik tugul Samuel, “Saa igaigai Kamuktaindet ne Toroor Kamuktaindeng'ung' agobo otwogiguk si ma kibegu, amu kogetesyi tengekwogikyok tugul yaityoni, kesoomjigei laitoryat.”