KOMONG'U 8:26 - BUKUIT NE TILIIL Sireet ne Dutero Kanon

²⁶ Ago ki wolji Musa Koleenji, “Ma nyolu keyai ko uu nooto amu tiseiywek che ma kegoochi Kamuktaindet ne Toroor, Kamuktaindennyo, ko imuuch ko kanaguut eng' Misiriik. Tos ngegoite tiseiywot ne wechei icheek eng' tainnywa, ko tos ma lachech eng' koik?

Bukuit Ne Tilil

²⁶ Ago ki wolji Musa Koleenji, “Ma nyolu keyai ko uu nooto amu tiseiywek che ma kegoochi Kamuktaindet ne Toroor, Kamuktaindennyo, ko imuuch ko kanaguut eng' Misiriik. Tos ngegoite tiseiywot ne wechei icheek eng' tainnywa, ko tos ma lachech eng' koik?

BUKUIT NE TILIL

²⁶ Ak kile Musa, Ma nyolu keyai ko u noto; amu kieng’jini Jehovah Kamuktaindennyo tiseiywot ne wechei Misrik: tos kienye che wechei Misrik eng’ tainywa, tos malachech eng’ koik?

KOMONG'U 8:26 Referencias Cruzadas

TAUNET 43:32

Ki kinde chechiik oldanyi ineegei, ak ki kinde oldanywa chechwaak icheegei, ak che po Misiriik oldanywa icheegei, che ki cham koamisyei kobooto ineendet: amu ki ma kochamei Misiriik koamis tugul ak Yahudik, amu king'wan eng' Misiriik koamjin.

TAUNET 46:34

Oleenji, ‘Acheek otwogiguk ko ki piigap tuuga kong'etee ko kimengech agoi kora, acheek, ak kwanisyekyok agicheek’ si kobiit omeny emet ne kiguure Goshen, amu chii age tugul ne iyagisyei ko ng'waan eng' Misiri.”

2 LAITORINIK 23:13

Ki ing'wanit laitoryat komoswek che torooreen che ki mi taitap Jerusalem, che ki mi eutap tai ne po tulweetap ng'emisyet, ne kiga teekyi Solomon laitoryatap Israel Astoret ne kiwechei ne po Sidonik, kobooto Kemos ne kiwechei ne po Moab, ak Milkom ne kiwechei ne po lagogap Ammon.

EZRAH 9:1

Kingo kagoyaak tuguuchu, kobwonjo kandoik ak koleenjo, “Ma itabaanegei piigap Israel ak Tisiik ak Lawiik piigap emotinwek; yaei tuguuk che kiwechei che po Kanaanik, Hitik, Perisik, Jebusik, Amonik, Moabik, Misiriik ak Amorik.

KOMONG'U 3:18

Tuun kasei iit kuting'ung' icheek. Eng' yooto, obe kaplaitoryatap Misiri, inyee kobooto poisyegap Israel, ak oleenji, “Kogetuiye ak Kamuktaindet ne Toroor, Kamuktaindet ne po Yahudik. Ara anyun, kisaain keele ityaachech keebe pandap peetuusyek somok eng' surkwen, si kobiit kigoochi tiseiywot Kamuktaindet ne Toroor, Kamuktaindennyo.

KOMONG'U 8:8

Ki kuur anyun `Pharaoh Musa ak Aron ak koleenji, “Oriirchi Kamuktaindet ne Toroor, si koistaena anee ak eng' piikyuk mororochik, ak amete anee piik koba kogoochi Kamuktaindet ne Toroor tiseiywot.”

ISAIAH 44:19

Ama mi ne ibwaati, ama mi naet anan kaguiyet ne mwaei kole, Kaabeel alak eng' ma: ee, kaabeele magatiinik nesekyik kogeny; kaawatane panyeek ak aam: ak tos ayai ne kang'et koek kiit ne kiwechei? Tos abutyini kiit ne kiyae keetit?