KOMONG'U 6:7 - BUKUIT NE TILIIL Sireet ne Dutero Kanon

⁷ Anamok oegu piikyuk, ak aegu Kamuktaindet eng' okweek, si onai ole Aa Kamuktaindet ne Toroor, Kamuktaindeng'wong' ne imoong'wok omang'une otetap Misiriik.

Bukuit Ne Tilil

⁷ Anamok oegu piikyuk, ak aegu Kamuktaindet eng' okweek, si onai ole Aa Kamuktaindet ne Toroor, Kamuktaindeng'wong' ne imoong'wok omang'une otetap Misiriik.

BUKUIT NE TILIL

⁷ ak anamak oegu bikyuk, ak aegu Kamuktaindet eng’ okwek: si onai ole A JEHOVAH Kamuktaindeng’wong’ ne imoong’wok omong’une laisetab Misrik.

KOMONG'U 6:7 Referencias Cruzadas

TAUNET 26:3

Egu toondet eng' emoni, ami kobooten, ak aberuurin; amu agoonin inyee, kobooto lagoguk, emotinwechuuto tugul, ak agimiit kayasyoet ne ki ayasyechi kwandang'ung' Abraham.

TAUNET 28:13

Ki tonon Kamuktaindet ne Toroor eng' ye neegitee ineendet ak kole, “Aa Kamuktaindet ne Toroor, Kamuktaindet ne po kwandang'ung' Abraham ak Kamuktaindetap Isak. Agoonin emoni imi, kobooto lagoguk.

1 LAITORINIK 20:28

Ki nyo chiitap Kamuktaindet ne Toroor koriik ak kong'alaalji laitoryatap Israel, kole, “Kamwa Kamuktaindet ne Toroor ko uu ni, kole: ‘Amu komwa piigap Syria kole, Kamuktaindet ne Toroor ko kamuktaindetap tuloonook, ma kamuktaindetap atebwosyek, andoi anyun eung'ung' tuiyoni oo tugul, si onai ole aa Kamuktaindet ne Toroor.’ ”

1 LAITORINIK 8:60

si kobiit konai piik tugul che po ng'wony kole, Kamuktaindet ne Toroor ko Kamuktaindet; ma mi age.

NEEMIA 1:10

Ara anyun chuuto ko otwogiguk ak ko piiguk, che ki ityaach eng' kamuktaeng'ung' ne oo ak eng' eung'ung' ne kiim.

TIENWOGIKAL 100:3

Onai ole Kamuktaindet ne Toroor ko Kamuktaindet. Ineendet ne kiyaech, ak ki chechiik; ki piikyik, ak ki keechiiregap akweennyi.

TIENWOGIKAL 81:6

Ki aistoe tigikyennyi mileet: ki kiistoe eunekyik kitongok.

KOMONG'U 13:14

Ye tuun teebenen weeriing'ung' eng' peetuusyek che pwoonei, koleenjin, ‘Amu nee si keyai ko uu niito?’ Ileenji anyun, ‘Ki imoong'wech Kamuktaindet ne Toroor eng' Misiri eng' kootap otwoknateet, eng' euut ne kiim.

KOMONG'U 13:3

Yeityo koleenji `Musa piik, “Obwaat anyun peetuuni ki omang'une Misiri kootap otwoknateet. Amu ki imoong'wok Kamuktaindet ne Toroor eng' kimnateetap eunnyi omang'une olooto. Eng' peetuuni anyun koma ki amei magatiinik che kaginde mermereek.

KOMONG'U 14:18

Ye kaanyoorunee teegisto Pharaoh, kariisyekyik, ak piikyik che ketei paraisisyek, konai Misiriik kole aa Kamuktaindet ne Toroor.”

KOMONG'U 14:4

Eng' yooto kogeny auuiiti muguleldap Pharaoh si koosup icheek ak anyoorunee teegisto Pharaoh ak lugeennyi tugul si konai Misiriik kole aa Kamuktaindet ne Toroor.” Ki yai anyun piigap Israel ko uu nooto.

KOMONG'U 15:16

Kanam icheek kamuiset ak kaiyweisyet; eng' etunatetap eung'ung', ko siisyo ko uu koita; agoi kolanda piiguk, ee Kamuktaindet ne Toroor, agoi kolanda piik che ki ial.

KOMONG'U 15:2

Kamuktaindet ne Toroor ko kimnateennyu ak tyendanyu, ak yetunennyu. Niito Kamuktaindennyu ak alasu ineendet; Ineendet ko Kamuktaindet ne po abba, atoroori ineendet.

KOMONG'U 16:12

“Kaagas kang'unyng'unyetap piigap Israel. Mwachi ileenji, ‘Oame panyeek koskoleny ak oam obiye magatiinik karon si onai ole aa Kamuktaindet ne Toroor Kamuktaindeng'wong'.’ ”

KOMONG'U 16:6

Ki leenji `Musa ak `Aron piigap Israel tugul, “Onae koskoleny ole ki imutwak Kamuktaindet ne Toroor omang'une emetap Misiri,

KOMONG'U 2:11

Eng' peetuusyek alak ye kiga koeet Musa, ko ki wo ole mi tupchosyekyik ak ki keer laisennywa. Ki keer Misirindet kobirei Hebranindet ne ki age eng' piikyik.

KOMONG'U 6:6

Ileenji anyun piigap Israel, ‘Aa Kamuktaindet ne Toroor, ak among'wok omang'une otetap Misiriik. Asarwok eng' otwoknateet ne oote icheek ak atyachak eng' euut ne chuulaat ak eng' kwang'utik che eecheen che po kirwooget.

KOMONG'U 7:17

Kamwa anyun ko uu ni Kamuktaindet ne Toroor, ‘Inae eng' ni ile aa Kamuktaindet ne Toroor. Keero, akweree kirogi atinye eng' eunnyu peechu mi ainooni, ak kowalogis peek koek korotiik.

ISAIAH 41:20

Si komuuch kogeer, ak konai, ak kobwaat, ak koguiyo kibagenge, kole ki yai eutap Kamuktaindet ne Toroor niito, ak ki toi koyai niito Ineendet ne Tiliil ne po Israel.

ISAIAH 49:23

Ak koek laitorinik kwanisyeguk che iguin, ak koek osotigap laitorinik kametwogiguk che iguin: kutung'jinin icheek kot koit togoochikwak ng'wony, ak komel temburyek che mi keelyeguk; ak inai ile aa Kamuktaindet ne Toroor, ma ililandos icheek che igeno.

ISAIAH 49:26

Ak abae icheek che usin poorwekwak; ak kobogityo eng' korotiikwak, ko uu ye pogiti chii eng' divaik che leelachen: si konai piik tugul kole, aa Kamuktaindet ne Toroor yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 51:15

Amu aa Kamuktaindet ne Toroor Kamuktaindeng'ung', ne awase nyanjet, si komoror mildaetapkei ne po peek: kainennyi ko Kamuktaindet ne Toroor ne po lugoosyek.

ISAIAH 60:16

Ichuchuni kogeny cheegap pororyosyek, ak irerye kinaigap laitorinik: si kobiit inai ile anee Kamuktaindet ne Toroor, ko aa yetindeng'ung', ak ko katyagindeng'ung', Ineendet Ne po Kamuktaet ne po Jakobo.

ISAIAH 63:8

Amu ki mwa kole, piikyuk iman, lagok che ma yaei kaberberisyet: ki ek anyun yetindennywa.

JEREMIA 30:22

Ak oegu piikyuk, ak aegu Kamuktaindeng'wong'.

JEREMIA 31:33

Ago ni kayomiset ne kiyomisigei ak kootap Israel ye ibata peetuusyechooto, mwaei Kamuktaindet ne Toroor; andoi ng'atuutyennyu oriitinnywa, ak asirchini mugulelwekwak: ak aegu Kamuktaindennywa, ak koek piikyuk.

EZEKIEL 20:19

aa Kamuktaindet ne Toroor Kamuktaindeng'wong'; obendate ng'atuutikyuk, ak oriip kirwoogutikyuk ak oyai;

HOSEA 1:10

Ago tenitu piigap Israel ng'aniegap nyanja che ma kimuuchi kirogendoe kiy anan kiit; ak eng' ole ki kimwachine icheeget keele, “Ma oo piikyuk”, ko tuun ki leenjin, “Oo weeriigap Kamuktaindet ne sabei.”

ATEPTAP LAWIK 11:44

Amu aa Kamuktaindet ne Toroor Kamuktaindeng'wong', otabaangei anyun ak oegu che tiliileen amu aa tiliil. Amomurwongei eng' kiy age tugul ne ichuutegei ng'wony.

ATEPTAP LAWIK 11:45

Aa Kamuktaindet ne Toroor ne ki amutwak otogosu omang'une emetap Misiri, aek Kamuktaindeng'wong'; otiliiliitu anyun amu aa tiliil.”

SEKARIA 13:9

Ak amut kebeberato po somok kobun maat, ak atiliil icheek ko uu ye kitiliili fedha ak atyem icheek ko uu ye kityemei thahabu: kuurei icheek kainennyu, ak agas icheek: amwae ale, Icheeget ko piikyuk; ak kole, Kamuktaindet ne Toroor ko Kamuktaindennyu.

KAITOSYEK 15:41

Aa Kamuktaindet ne Toroor Kamuktaindeng'wong', ne ki imoong'wok omang'une emetap Misiri, si aek Kamuktaindeng'wong'. Aa Kamuktaindet ne Toroor Kamuktaindeng'wong'.”

MATAYO 22:32

‘Aa Kamuktaindet ne po Abraham, ne po Kamuktaindet Isak ak Kamuktaindet ne po Jakobo?’ Ineendet ko Kamuktaindet ma ne po che ki kobek, ago che saptos.”

ROMANIK 8:31

Kimwae nee anyun eng' tuguuchuuto? Ngo mi Kamuktaindet komostanyo, ko ng'oo ne kirindaech?

NG'ATUTIK 14:2

Amu ii pororyet ne tiliil eng' Kamuktaindet ne Toroor Kamuktaindeng'ung' ak ki kolewenin Kamuktaindet ne Toroor iegu pororyennyi ne itabaanat kosiir pororyosyek tugul che mi ng'wony.

NG'ATUTIK 26:18

Kang'aany Kamuktaindet ne Toroor rani kole, ii pororyet ne ki kitabaanin iegu nenyi, ko uu ye ki iarorun ak si kobiit iriip ng'atuutikyik tugul,

NG'ATUTIK 29:12

Si kobiit oarorchigei ak Kamuktaindet ne Toroor Kamuktaindeng'wong' ak kayosyennyi, ne yaei Kamuktaindet ne Toroor Kamuktaindeng'wong' kobooten rani.

NG'ATUTIK 29:13

Si kogimitin rani iegu pororyennyi ak koek Kamuktaindeng'ung', ko uu ye kimwaun ak ko uu ye ki iyasyechi kwanisyeguk, Abraham, Isak ak Jakobo.

NG'ATUTIK 29:5

“Ki andoiywok eng' kenyiisyek artam eng' surkwen. Eng' kenyiisyek chooto tugul koma osegitu ngoroik che olaachi ama osegitu kweoniguk eng' kelyekwok.

NG'ATUTIK 4:20

Ago konamak Kamuktaindet ne Toroor, ak komutwak omang'une maatap karnet eng' Misiri oegu piigap porotennyi ko uu rani.

NG'ATUTIK 7:6

Ii pororyet ne itabaanat eng' Kamuktaindet ne Toroor Kamuktaindeng'ung'. Ki lewenin Kamuktaindet ne Toroor Kamuktaindeng'ung' eng' pororyosyek tugul che mi ng'wony iegu pororyet ne nenyi ineegei.

HEBRANIK 11:16

Ago machei kot nguno emet ne karaaran kosiir nooto, nooto ko, ne po kipsengwet: nooto anyun ma keerei Kamuktaindet kalilanet agobo icheek keguure Kamuktaindet nenywa: amu Ki kochopchi icheek nganaseet.

1 PETERO 2:10

Okweek che ki ma ko oo pororyet eng' tai, ago nguno ko oo pororyetap Kamuktaindet; che ki ma osich rireenetapkei, ago nguno ko kaosich rireenetapkei.

NG'ANG'UTYET 21:3

Ak ki agas kutit ne oo komang'une ng'echereetap laitornatet kole, “Ogeero, mi emaitap Kamuktaindet ak piik, ak kotebyei kobooto icheek, ak koek icheek piikyik, ak kotebyei Kamuktaindet ineendet ak icheek, ak koek Kamuktaindet nenywa;

NG'ANG'UTYET 21:7

Ineendet ne iterteeri konamei tuguuchu; ak aegu Kamuktaindet nenyi, ak koek ineendet weeriinnyu.