KOMONG'U 4:13 - BUKUIT NE TILIIL Sireet ne Dutero Kanon

¹³ Ago ki le Musa, “Ee, Kamuktaindet, asaain ale, iyookte chii age ne imache iyookte.”

Bukuit Ne Tilil

¹³ Ago ki le Musa, “Ee, Kamuktaindet, asaain ale, iyookte chii age ne imache iyookte.”

BUKUIT NE TILIL

¹³ Ak kile, Bwa Kamuktaindet, asain, iyokte eng’ eutab inendet ne imache iyokte.

KOMONG'U 4:13 Referencias Cruzadas

TAUNET 24:7

Kamuktaindet ne Toroor, Kamuktaindet ne po kipsengwet, ineendet ne ki imoong'wa eng' kootap abba ak eng' emet ne ki kisikyino, ineendet ne ki ng'alaalwo ak koyasyeiwo, kole, ‘Agoochini lagoguk emoni’; ko iyooktoi `ineendet malaikaiyandennyi kondoun, si imutyi weeriinnyu kwondo eng' oliindo.

TAUNET 41:35

Ingoyum amitwogik tugul che po kenyisyechooto tisap myachen, che ma koit, ak kogonor peek eng' pounatetap Pharaoh koek amitwogigap nganasook ak ingoriip.

TAUNET 48:16

malaikaiyat ne ki ityaacha eng' yaitwogik tugul, ingoberuur lagochu; ak keguurtoe icheek kainennyu, ak kainaigap kwanisyekyuk ak icheek, Abraham ak Isak; ak ingotesagis kochang'a eng' kwenutap ng'wony.”

1 LAITORINIK 19:4

Ago ki wo ineendet pandap peetuut agenge kochut surkwen. Ki it ole mi keetiigap junipa, ak kotebi ng'wony eng' keetoto keel. Ki soom eng' yooto kole kome, ak ki le, “Kogoyam! Ara anyun, ee Kamuktaindet ne Toroor, ip saboondanyu nguno. Ma aa myee anee asiir kwanisyekyuk.”

KOMONG'U 23:20

“Ayooktoi anyun malaikaiyat kondoenak koriibootok eng' ooreet ak komutaak obe ole ki achop.

KOMONG'U 4:1

Ki wolji anyun Musa koleenji, “Ma iyana anan kogas iit kutinnyu pichooto? Amu mwaei koleen, ‘Ma iboorungei Kamuktaindet ne Toroor.’ ”

KOMONG'U 4:12

Ara anyun, tau panda ui, ami kobooten eng' ng'alaaleng'ung', ak aneetiin che kanyool imwa.”

KOMONG'U 4:14

Ki koromitu nereegegap Kamuktaindet ne Toroor eng' Musa, ak ki leenji, “Tos ma mi ng'eetap komet Aron lawindet? Angen ale imuuchi kong'alaal komyee. Nyoonei ineendet agine kotorogun, ak ye kerin ineendet koboiboitu eng' muguleldanyi.

JEREMIA 1:6

Ki amwa anyun ale, “Ee, Kiptaiyat Kamuktaindet ne Toroor! Keero, anee koma muuchi ang'alaal, amu aa lakwa.”

JEREMIA 20:9

Ak ngot amwa ale, Ma mwaei kiy agobo ineendet, anan ang'alaal eng' kainennyi, kobiit anyun eng' muguleldanyu ko uu maat ne lalei eng' kawekyuk, ak ang'et eng' muitaet, ak ma muuchi asiis.

JONAH 1:3

Ago king'eet Jona koleen komwechi Tarsis komwee Kamuktaindet ne Toroor. Ki choortagei kwo Joppa ak konyoor meeliit ne wendi Tarsis. Ki igoito anyun tuguuk che yamegei ak panda ak kolaany meeliit kobooto alak kole koba tugul Tarsis, komwee Kamuktaindet ne Toroor.

JONAH 1:6

Ki wo anyun kiptaiyatap moinget ole mi ineendet ak koleenji, “Ilyon inyee chiichi irue? Ng'eet, kuur Kamuktaindeng'ung', tamangap kobwaatech Kamuktaindet si ma kibegu.”

MATAYO 13:41

Iyooktoi Weeriitap chii malaikaisyekyik, koba koyum komang'une laitornateennyi, tuguuk tugul che inachi piich, ak icheek che yaei tengek,

JOHANA 6:29

Kowolji Jeso koleenji, “Ni poisyetap Kamuktaindet, ale oyan ne ki iyoogu ineendet.”

KIRUOGIK 2:1

Ki togos malaikaiyatap Kamuktaindet ne Toroor eng' Gilgal konyo Bochim ak kole, “Ki amutwak otogosu eng' Misiri, obwa emet ne ki ayosyechi kwanisyekwok. Ki amwa ale, ‘Ma koi abut kayomisennyu ne ki kiarorchigei ak okweek.