KOMONG'U 33:3 - BUKUIT NE TILIIL Sireet ne Dutero Kanon

³ Ara oba agoi emonooto ne nyiitaat cheego ak komi kumyat eng' chaang'indo. Ago ma togostoi kobootok amu oo piik che uueen kaat, si ma paraak owong'uge eng' ooreet.”

Bukuit Ne Tilil

³ Ara oba agoi emonooto ne nyiitaat cheego ak komi kumyat eng' chaang'indo. Ago ma togostoi kobootok amu oo piik che uueen kaat, si ma paraak owong'uge eng' ooreet.”

BUKUIT NE TILIL

³ agoi emonoto ne nyiitat chego ak kumik: amu matogostoi koboten; amu o bik che uuen kaat: si mabarak owong’uge eng’ oret.

KOMONG'U 33:3 Referencias Cruzadas

2 LAITORINIK 17:14

Ago ma cham kogas kora, ago ki iuit kaatiswekwak ko uu kwanisyekwak, che ki ma iyan Kamuktaindet ne Toroor Kamuktaindennywa.

TIENWOGIKAL 78:8

Ak si ma tuun igei kwanisyekwak, Ibinda ne uui met ak ko ngelelyo; Ibinda ne ki ma chop mugulelwekwak, Ak che ki ma litititu saboonwekwak eng' Kamuktaindet.

KOMONG'U 13:5

Ye kagomutak Kamuktaindet ne Toroor oit emetap Kanaanik, Hitik, Amorik, Hibik ak ne po Jebusik; emet ne ki iyasyechi `ineendet kwanisyeguk kole tuun koonok emet ne nyiitaat cheego ak komi kumyat eng' chaang'indo. Amu nooto anyun, kanyoolu oriip ak oyai igoorita eng' kenyiit age tugul eng' arawaniito.

KOMONG'U 23:21

Oriipkei eng' tainnyi ak ogas iit ng'aleekyik; ama ta obistoe ineendet. Amu ma nyochin kaat pistoeng'wong' amu mi kainennyu eng' ineendet.

KOMONG'U 3:17

Ak kaatil ale, Amutwok otogosu omang'une nyalildap Misiri, agoi oit emetap Kanaanik, Hitik, Amorik, Perisik, Hibik, ak Jebusik, emet ne nyiitaat cheego ak komi kumyat eng' chaang'indo.”

KOMONG'U 3:8

Kachooruge anyun si kobiit asar icheek eng' eunegap Misiriik, ak amutu icheek kotogos komong' eng' emonooto koba emet ne myee ne paraa. Emet ne nyiitaat cheego ak komi kumyat eng' chaang'indo; emetap Kanaanik, Hitik, Amorik, Perisik, Hibik, ak Jebusik.

KOMONG'U 32:14

Ki wol anyun `Kamuktaindet ne Toroor kabwaatutikyik agobo yaityonooto ki kamwa kole yachin piikyik.

KOMONG'U 33:5

Ki leenji `Kamuktaindet ne Toroor Musa, “Mwachi piigap Israel leenjin, oo piik che uueen kaat, ngot awe atogoste kobootok ko ne matya, abarook ageeswok. Ara anyun oreegu tuguukwok che po lele si kobiit ageer kiit ne ayaiywok.”

KOMONG'U 34:9

Yeityo komwa kole, “Ngo kaanyooru nguno chameet eng' taing'ung', Ee Kiptaiyat, asaain ale ingocham Kiptaiyat keebe tugul amu uueen kaat pichu. Nyoiywech kaat tengekwogikyok ak chalwogikyok ak inamech keegu poroteng'ung'.”

ISAIAH 48:4

Amu ki anai ale uin met, po karnet kaating'ung', po sugunwet togeng'ung';

JEREMIA 11:5

Si kobiit agimiit kayasyoet ne ki ayosyechi kwanisyekwok, ale agoochini icheek emet ne nyiitaat cheego ak komi kumyat eng' chaang'indo, ko uu rani.’ ” Ki awolu anyun, ale, “Amen, ee Kamuktaindet ne Toroor.”

EZEKIEL 20:6

ki ayogoochi eunnyu icheek eng' peetuunooto, amutu icheek komong' eng' emetap Misiri kobwa emet ne ki amararchi icheek, ne nyiitaat cheego ak kumyat, ne toroornatetap emotinwek tugul:

ATEPTAP LAWIK 20:24

Ago ki amwaiwok aleenjok, ‘Onyabani emennywa, ak agoonok kobunjook emonooto nyiitaat cheego ak komi kumyat eng' chaang'indo.’ Aa Kamuktaindet ne Toroor Kamuktaindeng'wong', ne ki atabaanenak pororyosyek.

JONAH 3:10

Kingo keer Kamuktaindet poisyonikwak, kole kaweek icheek kometo ooreenywa ne ya; kowal Kamuktaindet kabwaatutikyik agobo yaityet ne ki kamwa kole yachin icheek; ak mata koyai.

JONAH 3:4

Ak ki toi Jona kochut nganaseet eng' pandap peetuut agenge, ak kiititen kole, “Tomo peetuusyek artamu si keng'em Nineveh!”

KAITOSYEK 13:27

Ki mwachi `pichooto Musa koleenji, “Kigeit emet ne ki iyooktech keebe, ak eng' iman ko nyiitaat cheego, kumyat ak logoek; chu anyun logoegap emonooto.

KAITOSYEK 14:12

Abare koroito ak aistoegei icheek, ak ayaaiin iegu pororyet ne oo ne kiim kosiir icheek.”

KAITOSYEK 14:8

Ngot kobaibai Kamuktaindet ne Toroor eng' acheek, komutech anyun keebe emonooto ak kogoonech emonooto nyiitaat cheego ak komi kumyat eng' chaang'indo.

KAITOSYEK 16:13

Tos igeere ile kiy ne ming'in ye ki imutwech ketogosu eng' emet ne kinyiitaat cheego ak komi kumyat eng' chaang'indo si ibarchech ong'atani? Ak nguno imache iegu pounindet, iboiywech-i?

KAITOSYEK 16:21

“Otabaanegei tuiyoni okweek si kobiit awong' icheek.”

KAITOSYEK 16:45

“Oistoegei tuiyoni, si kobiit awong' icheek.” Ak ki ing'uruuk kot kotiiny togeennyi ng'wony.

POISYONIGAP CHE KIYOKTOI 7:51

“Okweek che uui kaat che ma kimuratan mugulelwek ak iitiik, ogirindoi Kabuuset ne Tiliil kotugul, oyae ak okweek ko uu ye kiyaei kwanisyekwok.

NG'ATUTIK 4:24

Amu Kamuktaindet ne Toroor Kamuktaindeng'ung' ko maat ne iwong'u ak kotinyei ng'et kong'.

JOSHUA 5:6

Ki pendat piigap Israel kenyiisyek artam eng' surkwen kot kobek pororyet tugul. Ki pek murenigap lugeet che ki mang'une Misiri amu ma kas iit kutitap Kamuktaindet ne Toroor. Kiga koyasyechi `Kamuktaindet ne Toroor icheek kole ma chamjin kogeer emet ne kiga koyasyechi kogoochi kwanisyekwak, emet ne nyiitaat cheego ak komi kumyat eng' chaang'indo.

1 SAMUEL 2:30

Nooto anyun mwaei Kamuktaindet ne Toroor Kamuktaindetap Israel kole, ‘Ki amwa iman ale, wendoti eng' tainnyu koong'ung' ak kootap kwandang'ung' koigeny.’ Ago kamwa Kamuktaindet ne Toroor nguno kole, ‘Ingolooit eng' anee!’ Icheek che konyita, agonyiti, ago icheeget che ma iita kole aa kiy, kesasei.