KOMONG'U 30:13 - BUKUIT NE TILIIL Sireet ne Dutero Kanon

¹³ Chu che koonu icheek: koonu chii age tugul kebebertap chepkondok ko uu chepkondogap ole-tiliil, ye siirtoi kowendi ole mi che kagiit. Egu kebebertap fedhaisyechooto kagoochinet ne punjin Kamuktaindet ne Toroor.

Bukuit Ne Tilil

¹³ Chu che koonu icheek: koonu chii age tugul kebebertap chepkondok ko uu chepkondogap ole-tiliil, ye siirtoi kowendi ole mi che kagiit. Egu kebebertap fedhaisyechooto kagoochinet ne punjin Kamuktaindet ne Toroor.

BUKUIT NE TILIL

¹³ Chu che konu ichek, konu chi age tugul kebebertab sekel ko u sekel ne bo ole tilil, ye siirtoi kowendi ole mi che kagiit: (yamei sekel agenge gerahisiek tiptem:) egu kebebertab sekel kagochinet ne bunjin Jehovah.

KOMONG'U 30:13 Referencias Cruzadas

TAUNET 23:15

“Kiptaiyandennyu, kasa, kimoitosi nee ak inyee eng' mbareet ne yamegei kamanuutyennyi ak shekelisyek pogol ang'wan che po fedha? Tup muusto.”

2 LAITORINIK 12:4

Ki leenji Jehoas tisiik, “Ingoip tisiik fedhaisyek tugul che po tuguuk che itabaanatiin che ki ibu kobwa kootap Kamuktaindet ne Toroor, ak fedhaisyek che kiboisyee, fedhaisyek che po piik che tee che yamei koitetap chii age tugul, ak fedhaisyek tugul che kaibwaat chii eng' muguleldanyi kole koip kobwa kootap Kamuktaindet ne Toroor,

2 LAITORINIK 12:5

koip tisiichooto, tisiindet age tugul eng' chiito ne ingenge; si koteech ole ki kobutok eng' koot, komosta age tugul ole mi ole putot.”

KOMONG'U 30:14

Igoochin chii age tugul Kamuktaindet ne Toroor kagoochinet, ne siirtoi kowendi ole mi che kagiit, che po kenyiisyek tiptem ak che siirei chooto.

KOMONG'U 38:24

Ki ek thahabu tugul che ki kiboisyee eng' poisyet tugul ne po ole-tiliil, agot thahabu che po kagoochinet, keruutik pogol sisiit ak tamanwogik tisap ak tisap ak kramuisyek pogol somok, chooto ko uu eng' kereetap tuguugap ole-tiliil.

KOMONG'U 38:26

Ki kon chii tugul beka, ko uu kereetap tuguugap ole-tiliil, eng' chii age tugul ne ki siirtoi kowendi ole mi che kagiit eng' murenik tugul, che po kenyiisyek tiptem ak koba tai; murenik eliphuusyek pogol lo ak somok ak pogol muut ak konom.

EZEKIEL 45:12

Ak yamei shekel agenge ak gerahisyek tiptem. Shekelisyek muut ko egu shekelisyek muut, shekelisyek taman ko egu shekelisyek taman, ak shekelisyek konom ko egu mina agenge.

ATEPTAP LAWIK 27:25

Ak uu kamanuutiguk tugul shekelisyek che po ole-tiliil: tinyei shekel agenge gerahisyek tiptem.

ATEPTAP LAWIK 27:3

itaune kamanuutyeng'ung' ne irogendochini; murenik che po kong'etee kenyiisyek tiptem agoi che po kenyiisyek tamanwogik lo, ingoek kamanuutyeng'ung' ne irogendochini shekelisyek konom che po fedha, ko uu shekel ne po ole-tiliil.

ATEPTAP LAWIK 5:15

“Ngo yai chii age tugul chalwokto, lelutyet ne koma kokwetyin, eng' tuguuk che itabaanatiin che po Kamuktaindet ne Toroor, kokwerichi anyun Kamuktaindet ne Toroor kagoochinetap chalwoktanyi, mengit ne libwoop eng' akweetap keechiirek, ne po kamanuutyet ne irogendochini eng' shekelisyek che po fedha, ko uu shekel ne po ole-tiliil. Nooto ko kagoochinetap chalwokto.

KAITOSYEK 18:16

Chooto che kityaachi eng' icheeget, ko che po kobooch arawet agenge ak kwo tai. Ityachi ko uu kamanuutyet ne igerchini koek fedhaisyegap shekelisyek muut, ko uu kereetap ole-tiliil (nooto ko gerahisyek tiptem).

KAITOSYEK 3:47

iitoche eng' chii tugul shekelisyek muut, ko uu koitetap ole-tiliil.

KAITOSYEK 7:67

sanit agenge ne po fedha ne yamei nyigiisindanyi shekelisyek pogol ak sosom ak taabeet agenge ne po fedha ne yamei shekelisyek tamanwogik tisap, ko uu shekel ne po ole-tiliil. Ki nyiitootiin tuguuchooto tuwai peek che ng'ootiin che tambuluul che ki kiburukto mwaita koek kagoochinetap peek;

KAITOSYEK 7:86

Ki ek nyigiisindap gramisyek taman ak aeng' che po thahabu, che nyiitootiin nyamdutik, shekelisyek taman age tugul, ko uu shekel ne po ole-tiliil. Ki po shekelisyek pogol agenge ak tiptem nyigiisindap gramisyek tugul che po thahabu.

MATAYO 17:24

Ye kingo kagoit Jeso ak kasubikyik Kapernaum kobwonji taagigap kebebertap shekel ak kole, “Magoonu kaneetindeng'wong' kebebertap shekel?”

MATAYO 21:12

Ki wo Jeso hekaluutap Kamuktaindet, ak koon tugul che ki aldaisyei ak che ki alisyei eng' yooto. Kigabui mesosyek che po woliigap silingisyek ak ng'echerogap che ki aldoi cheptugenik.

MATAYO 27:24

Ye kingo keer Pilato kole mata komuuch koyai kiy ago ki neegit kotoigei chemargeet, konam peek ak koun eunekyik eng' taitap tuiyet koleen, “Ma tinyei leluut agobo korotiigap chiichi po iman. Orarati okweegei.”