KOMONG'U 3:8 - BUKUIT NE TILIIL Sireet ne Dutero Kanon

⁸ Kachooruge anyun si kobiit asar icheek eng' eunegap Misiriik, ak amutu icheek kotogos komong' eng' emonooto koba emet ne myee ne paraa. Emet ne nyiitaat cheego ak komi kumyat eng' chaang'indo; emetap Kanaanik, Hitik, Amorik, Perisik, Hibik, ak Jebusik.

Bukuit Ne Tilil

⁸ Kachooruge anyun si kobiit asar icheek eng' eunegap Misiriik, ak amutu icheek kotogos komong' eng' emonooto koba emet ne myee ne paraa. Emet ne nyiitaat cheego ak komi kumyat eng' chaang'indo; emetap Kanaanik, Hitik, Amorik, Perisik, Hibik, ak Jebusik.

BUKUIT NE TILIL

⁸ kachoruge anyun si kobiit asor ichek eng’ eunekab Misrik, ak amutu ichek kotogos komong’ eng’ emonoto koba emet ne mie ne baraa, emet ne nyiitat chego ak kumik; oldab Kananik, Hitik, Amorik, Perisik, Hibik, ak Jebusik.

KOMONG'U 3:8 Referencias Cruzadas

TAUNET 11:5

Ki choorgei Kamuktaindet ne Toroor konyo kooro nganaseet ak teekseet ne kooi ne ki togosta kwo parak, ne kiga koteech weeriigap piik.

TAUNET 11:7

Ongebe, kechoortegei anyun ak kitoiye kutusweekwak si mata kogasyin icheegei eng' ng'alaalet!”

TAUNET 15:13

Ak ki leenji `Kamuktaindet ne Toroor Abram, “Iman tuun inae ile, egu lagoguk kiprutoin eng' emet ne ma nenywa, ak tuun ko otei pichooto, ak konyalilso icheek eng' kenyiisyek pogol ang'wan.

TAUNET 15:14

Ak tuun arwookyini agine pororyonooto tuun pendi kootei, ak ye ibata nooto, komong'u icheek eng' emonooto kotinyei tuguuk che chaang'.

TAUNET 18:21

Achoortaigei anyun nguno asi ageer ngo ki koyai iman ko uu kateiyennywa, ne ki konyoonjo, ak ngo ma uu nooto, anai.”

TAUNET 43:11

Yeityo koleenji `kwandanywa Israel icheek, “Ngo uu nooto anyun, oyai ko uu ni: oip tuguuk che myachen miising' che po emet eng' lolotinwekwok, oipchi chiichooto kagoochinoik ko uu mwanik tutigin che kinyaise, kobooto kumyat kitigin, tuguuk che ng'uu ne anyiny, tuguuk che uu igomoik, kobooto tuguuk che uu njuguk ak logoek che kiguure almond.

TAUNET 46:4

Achoortoigei agane kobooten awendi Misiri, ak tuun amutun iman itogosu kogeny, ak kotwae Joseph eunnyi konyeguk.”

TAUNET 50:24

Ak ki leenji Joseph tupchosyekyik, “Neegit ame; ago rutochinok iman Kamuktaindet, ak komaandak otogoste eng' emoni obe emet ne ki iyasyechi Abraham, Isak ak Jakobo.”

1 ATEPTAP PEETUUSYEK 1:15

Hibiik, Arkiik, Siniik,

NEEMIA 9:8

Ki igeer ile po iman muguleldanyi eng' taing'ung', ak oyomiskei ak ineendet igoochi ineendet emetap kanaanindet, Hitindet, Amorindet, Perisindet, Jebusindet ak Girgasindet, igoochi emonooto iyotennyi ak kaiyai ng'aleeguk kosulda, amu ii po iman.

TIENWOGIKAL 12:5

Mwaei Kamuktaindet ne Toroor: “Amu sastaetap kibananook, amu tigenetap che panandos, ang'eete nguno, agoochini kotebi riibetapkei, nooto ne machei miising'.”

TIENWOGIKAL 12:6

Tiliileen ng'aleegap Kamuktaindet ne Toroor; ko uu fedha ne kityemei eng' maat ne oo, ne kitiliili konyil tisap.

TIENWOGIKAL 34:8

Ochamcham anyun si onai ole myee Kamuktaindet ne Toroor. Paibai miising' chiito ne imang'u ineendet!

TIENWOGIKAL 91:15

Kuura, ak aitenji; kitebyei tuwai eng' nyalilda, asaru ineendet ak agoonyit.

KOMONG'U 12:41

Kingo pata kenyisyechooto pogol ang'wan ak sosom, komanda eng' peetuunooto lugoosyek tugul che po Kamuktaindet ne Toroor eng' emetap Misiri.

KOMONG'U 12:51

Ak ki imaanda Kamuktaindet ne Toroor peetuunooto piigap Israel eng' emetap Misiri eng' lugosyekwak.

KOMONG'U 13:5

Ye kagomutak Kamuktaindet ne Toroor oit emetap Kanaanik, Hitik, Amorik, Hibik ak ne po Jebusik; emet ne ki iyasyechi `ineendet kwanisyeguk kole tuun koonok emet ne nyiitaat cheego ak komi kumyat eng' chaang'indo. Amu nooto anyun, kanyoolu oriip ak oyai igoorita eng' kenyiit age tugul eng' arawaniito.

KOMONG'U 3:17

Ak kaatil ale, Amutwok otogosu omang'une nyalildap Misiri, agoi oit emetap Kanaanik, Hitik, Amorik, Perisik, Hibik, ak Jebusik, emet ne nyiitaat cheego ak komi kumyat eng' chaang'indo.”

KOMONG'U 34:11

Riip anyun chuuto kang'atiin rani. Keero, aoone komanda eng' taing'ung' Amorik, Kanaanik, Hitik, Perisik, Hibik ak Jebusik.”

KOMONG'U 5:23

Amu kobooch ngap anyoo kap Pharaoh ang'alaalji eng' kaineng'ung', ko ki koyachi pichu ne ya, ak tomo isaru piiguk agot kitigin.”

ISAIAH 36:17

agoi anyo amutak obe emet ne kergei ak neng'wong', emet ne mi peek ak divaik, emet ne mi amitwogik ak mbareenigap sabibuk.

ISAIAH 64:1

Kata myee ibet kipsengwet, ak ichooruge, si kobiit kobotanso tuloonook eng' taing'ung';

JEREMIA 11:5

Si kobiit agimiit kayasyoet ne ki ayosyechi kwanisyekwok, ale agoochini icheek emet ne nyiitaat cheego ak komi kumyat eng' chaang'indo, ko uu rani.’ ” Ki awolu anyun, ale, “Amen, ee Kamuktaindet ne Toroor.”

JEREMIA 2:7

Ki amutwak obwa emet ne chaang' amitwogik, si kobiit oam logoekyik ak myeeindonyi; ago kingo it emonooto, ong'wanit emennyu, ak oyai porotennyu koek kiit ne kiwechei.

JEREMIA 32:22

ak igoochi emoni, ne ki iyasyechi kwanisyekwak ile igoochini icheek, emet ne nyiitaat cheego ak komi kumyat eng' chaang'indo;

EZEKIEL 20:6

ki ayogoochi eunnyu icheek eng' peetuunooto, amutu icheek komong' eng' emetap Misiri kobwa emet ne ki amararchi icheek, ne nyiitaat cheego ak kumyat, ne toroornatetap emotinwek tugul:

ATEPTAP LAWIK 20:24

Ago ki amwaiwok aleenjok, ‘Onyabani emennywa, ak agoonok kobunjook emonooto nyiitaat cheego ak komi kumyat eng' chaang'indo.’ Aa Kamuktaindet ne Toroor Kamuktaindeng'wong', ne ki atabaanenak pororyosyek.

AMOS 2:10

Ki amutwak kogeny otogosu eng' emetap Misiri, ak andoiywok kenyiisyek artam eng' surkwen, si kobiit onam emetap Amorik kobunjook.

KAITOSYEK 13:18

Ogeer emet kiit ne uu ak piik che menyei olooto, ngo kiimeen anan ngo nyalulyotin, ngo ng'ering' anan ngo chaang'.

KAITOSYEK 13:19

Ogeer ole uu emet ne menyei pichooto, ngo karaaran anan ngo ya. Uu nee nganasook che menyei? Tos ng'ootaatiin anan ma tinyei irimoik?

KAITOSYEK 13:27

Ki mwachi `pichooto Musa koleenji, “Kigeit emet ne ki iyooktech keebe, ak eng' iman ko nyiitaat cheego, kumyat ak logoek; chu anyun logoegap emonooto.

JOHANA 3:13

Ma mi chii ne ki togosta kipsengwet, kobatee ineendet ne ki choorgei eng' kipsengwet, ineendet ko Weeriitap chii ne mi kipsengwet.

JOHANA 6:38

Amu ki achooruge eng' kipsengwet, ma si ayai magennyu, ago mageetap ineendet ne ki iyookwo.

NG'ATUTIK 1:25

ak kobut logoegap emonooto koibwech. Ki ibwech ng'aleek ak icheek komwa kole, Myee emonooto koonech Kamuktaindet ne Toroor, Kamuktaindennyo.”

NG'ATUTIK 1:7

Otau pandang'wong', ak obe emet ne po tuloonoogap Amorik; oba oldinwek tugul che neegitee olooto eng' Arabah, emetap tuloonook, warenget komostap murot tai ak ole neegitee ngeguut, emetap Kanaanik ak Lebanon agoi ainonooto oo po Yufrets.

NG'ATUTIK 27:3

Yeityo isirchi koichooto ng'aleek tugul che po ng'atuutyoni ye kailande Jordan, si kobiit iit emet ne nyiitaat cheego ak komi kumyat eng' chaang'indo ne koonin Kamuktaindet ne Toroor Kamuktaindeng'ung' ko uu ye ki iarorun Kamuktaindet ne Toroor, Kamuktaindetap kwanisyeguk.

NG'ATUTIK 28:11

Iyabin Kamuktaindet ne Toroor ibaraitu iegu ne nyiitaat myeeindo, eng' iyoteng'ung', eng' iyoteetap akwotisyeguk ak eng' iyoteetap koreng'ung' eng' emet ne ki iyasyechi Kamuktaindet ne Toroor kwanisyeguk kole koonin.

NG'ATUTIK 6:3

Ogas anyun ee Israel, oriip ogeer ole koyai si komyeeityin ak otesage eng' emet ne nyiitaat cheego ak komi kumyat eng' chaang'indo ko uu ye ki iarorun `Kamuktaindet ne Toroor, Kamuktaindetap kwanisyeguk.

NG'ATUTIK 7:1

Ye kagoiitin Kamuktaindet ne Toroor Kamuktaindeng'ung' emet ne iwendi iname kobunjiin ak koon pororyosyek che chaang' eng' taing'ung', che chooto ko Hitik, Girgasik, Amorik, Kanaanik, Perisik, Hibik, ak Jebusik, pororyosyek tisap che eecheen ak ko kiimeen kosiirin,

JOSHUA 5:6

Ki pendat piigap Israel kenyiisyek artam eng' surkwen kot kobek pororyet tugul. Ki pek murenigap lugeet che ki mang'une Misiri amu ma kas iit kutitap Kamuktaindet ne Toroor. Kiga koyasyechi `Kamuktaindet ne Toroor icheek kole ma chamjin kogeer emet ne kiga koyasyechi kogoochi kwanisyekwak, emet ne nyiitaat cheego ak komi kumyat eng' chaang'indo.

JOSHUA 9:1

Ye kingo kas laitorinik tugul (laitorinigap Hitik, Amorik, Kanaanik, Perisik, Hibik, kobooto Jebusik) che ki mi Jordan pitoniin, emetap tuloonook, ak warenget, ak ngeguut tugul ne po araraitap Mediterenian ne mi tai eng' Lebanon,

JOSHUA 9:7

Koleenji piigap Israel Hibik, “Kale ng'oo momenye kwenunnyo, kimuktoi ano keyai arorutyet ak okweek?”