KOMONG'U 3:2 - BUKUIT NE TILIIL Sireet ne Dutero Kanon

² Eng' yooto, komong'ji ineendet `malaikaiyatap Kamuktaindet ne Toroor eng' maat ne lalei ne ki mang'une kwenutap keetit ne samum. Kingo keer, kogeer kole, ki ma kolalei keetoto kilale maat.

Bukuit Ne Tilil

² Eng' yooto, komong'ji ineendet `malaikaiyatap Kamuktaindet ne Toroor eng' maat ne lalei ne ki mang'une kwenutap keetit ne samum. Kingo keer, kogeer kole, ki ma kolalei keetoto kilale maat.

BUKUIT NE TILIL

² Ak kimong’ji inendet malaikaiyatab Jehovah eng’ mat ne lalei ne kimong’une kwenutab ketit ne samum: ak kogeer, ogeero, kima lal ketoto kilale mat.

KOMONG'U 3:2 Referencias Cruzadas

TAUNET 21:17

Ki kas Kamuktaindet koriirei weerooto ak kiguur malaikaiyatap Kamuktaindet ne mi kipsengwet Hagar, koleenji, “Amin nee, Hagar? Meiywei amu kagogas Kamuktaindet kutitap lakweet eng' ole mi.

TAUNET 22:11

Ago kiguur anyun ineendet `malaikayatap Kamuktaindet ne Toroor eng' kipsengwet koleenji, “Abraham, Abraham!” Kole, “Ami yu.”

TAUNET 48:16

malaikaiyat ne ki ityaacha eng' yaitwogik tugul, ingoberuur lagochu; ak keguurtoe icheek kainennyu, ak kainaigap kwanisyekyuk ak icheek, Abraham ak Isak; ak ingotesagis kochang'a eng' kwenutap ng'wony.”

TIENWOGIKAL 66:12

Ki igoochi piik kotyech metowekyok; Ki kibun maat ak peek; Ago ki imutwech kebwa ole tunenot.

KOMONG'U 19:18

Ki iyeni tulweet komugul ne po Sinai amu kichoorchigei `Kamuktaindet ne Toroor tulwoonooto eng' maat. Ki togosta iyetanyi ne uu ne po maat ne oo kot ak ki potan tulweet miising'.

KOMONG'U 23:20

“Ayooktoi anyun malaikaiyat kondoenak koriibootok eng' ooreet ak komutaak obe ole ki achop.

KOMONG'U 24:17

Ki uu itoondap liilindap Kamuktaindet maat ne peelei kowong'u eng' tulweet parak ko uu ye kigeerei piigap Israel.

KOMONG'U 3:16

Ui, iyum poisyegap Israel, ak ileenji icheek, Ki komong'ja Kamuktaindet ne Toroor, Kamuktaindet ne po kwanisyekwok; Abraham, Isak, ak Jakobo, koleenjo: Kaanyonjok iman, ak kaageer nooto ne kiyaiywok eng' Misiri.

ISAIAH 43:2

Ami kobooten ye ibune peek che chaang'; ak ye ibune ainoosyek, koma imaluuchin; ye ibune maat, koma peelin; ama imelin liplibenetap maat.

ISAIAH 63:9

Ki kinyalil ineendet eng' nyalilwogikwak tugul, ak ki sar icheek malaikaiyandennyi ne ki mi tainnyi: ki ityaach eng' chamyennyi ak rireenennyi; ak kigesen ak koganap peetuusyek tugul che po keny.

SEKARIA 13:7

Ng'eet, ee rotwetap chok, porye mestowondennyu, porye chiito ne ki mi tuwai, mwaei Kamuktaindet ne Toroor ne po lugoosyek: pir mestowot, si koiyesta keechiirek; ak atokyi eunnyu che mengeechen.

MALAKI 3:1

Ogeero, ayoogu chiinyu, kayooktoin si kochop ooreet eng' tainnyu. Ak nyoonei matiny hekalunnyi `Kiptaiyat ne ocheeng'e. Nyoonei kayooktoin ne po arorutyet ne oboiboitune, mwaei Kamuktaindet ne Toroor ne po lugoosyek.

MARIKO 12:26

Ago agobo piik che ki kobek keele tuun ng'eetos, ko tomo osoman eng' bukuitap Musa, eng' ole ki mi keetit ne lalei, ko uu ye ki mwachi `Kamuktaindet ineendet, koleenji, ‘Aa Kamuktaindet ne po Abraham, ak aa Kamuktaindet ne po Isak, ak aa Kamuktaindet ne po Jakobo?’

LUKA 20:37

Ago ng'eetos che ki kobek, amu ki iboor Musa agine eng' siruutik che tiliileen. Ye ki kisir agobo timdo ne kilolei, ye kiguure Kiptaiyat Kamuktaindetap Abraham, ak Kamuktaindetap Isak, ak Kamuktaindetap Jakobo.

JOHANA 1:14

Ak ki ek Ng'olyoot poorto ak komeny kwenunnyo (ak ki kigeer toroornatennyi, toroornatet ne uu ne po ne ki kisich ineegei kobunu Kwanda), ko nyiitaat myeeindo ak imanit.

ROMANIK 8:3

Amu kiit ne ki ma imuuch Ng'atuutyet koyai, amu nyaluletap poorto, koyook Kamuktaindet Weeriinnyi eng' kergeindap poortap tengek si koek kagoochinet ne po tengekto, kogikyi tengekto eng' poorto:

NG'ATUTIK 33:16

Iberuurot amu tuguuk che korooron che po ng'wony ak nyiennyi, ak mageet ne myee ne po ineendet ne ki menyei sondiit. Ingonyonji metitap Joseph perurto, ak eng' metitap ineendet ne ki kitabaane tupchosyekyik.

NG'ATUTIK 4:20

Ago konamak Kamuktaindet ne Toroor, ak komutwak omang'une maatap karnet eng' Misiri oegu piigap porotennyi ko uu rani.

2 THESSALONIKEK 1:7

ak kogoonok kamuung'et kobootech, okweek che kiusei, eng' ng'ang'eetap Kiptaiyat Jeso kobunu kipsengwet kobooto malaikaisyek che po kamuktaennyi

KIRUOGIK 13:13

Koleenji `malaikaiyatap Kamuktaindet ne Toroor Manoa, Ingoriipkei kwondo eng' tugul che ki amwachi.