KOMONG'U 20:4 - BUKUIT NE TILIIL Sireet ne Dutero Kanon

⁴ Ameyachigei kanamwet anan itoondap kiy age tugul ne mi parak kipsengwet anan ne mi ng'wony anan ne mi nyanjet ng'wony oriit;

Bukuit Ne Tilil

⁴ “Ameyachigei kanamwet anan itoondap kiy age tugul ne mi parak kipsengwet anan ne mi ng'wony anan ne mi nyanjet ng'wony oriit;

BUKUIT NE TILIL

⁴ Ameyachige kanamwet, anan itondab kiy age tugul ne mi barak kipsengwet, anan ne mi ng’ony, anan ne mi nyanjet, ng’ony orit;

KOMONG'U 20:4 Referencias Cruzadas

1 LAITORINIK 12:28

Korwooch anyun laitoryat ye ibata kotany itoonwek aeng' che po moek che po thahabu; ak ki leenji icheek, “Uui kot eng' okweek obe otogoste Jerusalem. Ee Israel ogeer kanamonikwok o, che ki imutwak otogosu eng' emetap Misiri.”

2 LAITORINIK 17:12

Ki oot kanamonik, che ki kamwachi Kamuktaindet ne Toroor, koleenji, “Amat oyai kiito.”

2 ATEPTAP PEETUUSYEK 33:7

Ak ki inde kiit ne ki kiwai ne po kanamwet ne ki yai ineendet, kootap Kamuktaindet, ne ki mwachi `Kamuktaindet Daudi ak Solomon weeriinnyi, agobo koyooto, koleenji, “Andoi kainennyu koigeny kooi, ak Jerusalem, ne ki alewen eng' ortinwek tugul che po Israel:

TIENWOGIKAL 78:58

Kitach ineendet kot konereech eng' oldinwekwak che sutotin, Ak ki igoochi ineendet ng'etkonda eng' kanamonikwak che ki kiwai.

TIENWOGIKAL 97:7

Ingolilanso tugul che otei kanamonik che ki kiwai, Che lasegei tuguuk che ma tilei kiy: Ogutung'ji ineendet, okweek kamuktaik tugul.

KOMONG'U 20:23

Amat oyachigei kanamonik otesena che po fedha, anan kanamonik che po thahabu.

KOMONG'U 32:1

Ye kingo keer piik kole kagogagei Musa eng' tulweet ama choorgei, kotuiyechi ole mi Aron ak koleenji, “Ng'eet yaiywech kanamonik che pendi kondoi eng' acheek, amu ma kingen kiit ne kinyoor Musa-iniito, chiichooto ki imutwech kemang'une emetap Misiri.”

KOMONG'U 32:23

Amu ki leenjo, ‘Yaiywech kanamonik, che pendi kondoenech, amu Musa-iniito, chiito ne ki imutwech kemang'une emetap Misiri koma kingen kiit ne kinyoor.’

KOMONG'U 32:4

Kitaach tuguuchooto kobunu eunekwak. Yeityo kobeel kochotyo ak kochop eng' karnet ne kiboisyee kotany kanamwet ne po moita. Ak ki mwa piik eng' poiboiyet kole, “Kanamoniguk chu, inyee Israel, che ki imutun imang'une emetap Misiri!”

KOMONG'U 32:8

Kagosip komasta kometo ooreet ne kiga ang'atyi. Kagoyachigei kanamwet ne po moita ne ki kitaany, ak kogutung'ji, ak kagoeng'ji tiseiywot, ak koleen, ‘Kanamoniguk chu, inyee Israel, che ki imutun imang'une emetap Misiri.’ ”

KOMONG'U 34:17

“Ameyachigei kanamonik che kitaanyi.”

ISAIAH 42:17

Kiweektoi icheek koba let, ak kolilaanso miising', che imang'u kanamonik che ki kiwai, che leenjin kanamonik che ki kitany, Oo kamuktaikyok.

ISAIAH 42:8

Aa Kamuktaindet ne Toroor, kainennyu nooto; amagoochini toroornatennyu chiito age, amagoochini kanamonik che kiwaei, kalasunennyu.

ISAIAH 45:16

Ililandos, ee, toptobendos icheek tugul; toitos tugul che yaei kanamonik.

EZEKIEL 20:7

ak ki amwachi icheek aleenji, Ingometo chii age tugul eng' okweek tuguuk che kiwechei che kochamei konyekyik, amat ong'wanitegei kanamonigap Misiri: aa Kamuktaindet ne Toroor Kamuktaindeng'wong'.

EZEKIEL 8:10

Ki awe anyun oriit, ak ageer, ak ogeero, kimi itoondap age tugul ne po tyong'ik che ichuutegei, ak tyong'ik che kiwechei, ak kanamonik tugul che po kootap Israel, che ki kisirchi itoonwekwak tooteet komoswekwak tugul.

EZEKIEL 8:3

Ak ki iyogoi kiit ne uu euut, konam suumeekyuk ak kiganaba Kabuuset ne Tiliil eng' kwenutap ng'wony ak kipsengwet, ak komutwaa eng' ng'ang'utigap Kamuktaindet anyo Jerusalem, agoi kurgeetap ormariichet ne po seremut ne po oriit ne tokyingei murot kaataam; ole ki mi ng'echereetap kanamwetap ng'etkonda, ne tagisyei kogoonu ng'etkonda.

ATEPTAP LAWIK 19:4

Amat omaste osup tuguuk che ma tilei kiy, amoyachigei kanamonik che po kariik che kitaanyi. Aa Kamuktaindet ne Toroor Kamuktaindeng'wong'.

ATEPTAP LAWIK 26:1

“Amat koyachigei tuguuk che ma tilei kiy, amat olumdochigei kanamwet ne ki kiwai, anan toloita, amat onde koita ne ki kiwai eng' emeng'wong', ogutung'ji. Amu aa Kamuktaindet ne Toroor Kamuktaindeng'wong'.

KAITOSYEK 12:8

Ki ng'alaaljindos ak ineendet kimni, ma eng' kalewenaik; ak kogeerei ineendet itoondap Kamuktaindet ne Toroor. Kilya anyun si moiywei ochaam kiboityondennyu Musa?”

POISYONIGAP CHE KIYOKTOI 17:29

Ngo ki lagogap Kamuktaindet anyun, ko manyoljech kibwaat keele kergei Kamuktaindet ak thahabu, anan fedha, anan koita, che ki kiyai eng' musoknateet ak eng' ng'omnatetap piik.

ROMANIK 1:23

ak kowal toroornatetap Kamuktaindet ne ma ng'emaksei kogergeit ak itoondap chiito ne ng'emaksei, ak ne po toriitik, ak tyong'ik che po keelyek ang'wan, ak tuguuk che ichuutegei.

NG'ATUTIK 16:22

Amat iteech toloiwagap kanamonik, amu wechei `Kamuktaindet ne Toroor Kamuktaindeng'ung'.

NG'ATUTIK 27:15

“Chuboot ne yaei kanamwet ne wechei Kamuktaindet ne Toroor nooto ne kiwaei anan kiy ne kitaanyi eng' musoknateet ak kelumda eng' ung'oot.” Ak kowol piik tugul kole, Amen!

NG'ATUTIK 5:8

Ameyachigei kanamwet anan itoondap kiy age tugul ne mi parak kipsengwet anan ne mi ng'wony oriit anan ne mi peek eng' ng'wony oriit.

NG'ANG'UTYET 16:2

Ara ki wo malaikaiyat ne po tai, koroong'ji emet taabeennyi; ak ki ek mook che yaach ak ko ng'woneen eng' piik che tinyei perutyetap tyondo, ak che ki saaei kanamwennyi.

NG'ANG'UTYET 9:20

Ak ma sik piik che kiga ng'et, che ki ma ki par eng' korotwechooto eng' poisyonigap eunekwak; ak ma meto kosa oik, ak kanamonigap thahabu, ak che po fedha, ak che po sugunonik, ak che po koik, ak che po keetiik; kanamonik che ma imuuchi kogeerto, anan kogasta anan kobendat.

KIRUOGIK 17:3

Ki weekyi kamennyi fedhaisyechooto eliphuut agenge ak pogol, ak ki le kamet, “Katabaanji iman Kamuktaindet ne Toroor silingisyechu eng' eunnyu agobo weeriinnyu, si kobiit koyae kanamwet ne kiwaei ak kanamwet ne kitaanyi. Kaweegun anyun amu nooto.”