KOMONG'U 19:5 - BUKUIT NE TILIIL Sireet ne Dutero Kanon

⁵ Eng' nooto anyun, ngot ogas iit kutinnyu iman ak oriip kayomisennyu, oegu anyun iman eng' anee chamanikyuk che itabaanatiin eng' piik tugul, amu nenyu ng'wony komugul.

Bukuit Ne Tilil

⁵ Eng' nooto anyun, ngot ogas iit kutinnyu iman ak oriip kayomisennyu, oegu anyun iman eng' anee chamanikyuk che itabaanatiin eng' piik tugul, amu nenyu ng'wony komugul.

BUKUIT NE TILIL

⁵ Eng’ noto anyun, ngot ogas it kutinnyu iman, ak orib kayomisenny u, oegu anyun eng’ ane chamanikyuk iman, che itabanotin eng’ bik tugul: amu nenyu ng’ony komugul:

KOMONG'U 19:5 Referencias Cruzadas

TAUNET 17:9

Ak ki leenji `Kamuktaindet Abraham, “Riip anyun kayomisennyu inyee ak iyoteng'ung', ak eng' ibinwekwak tugul.

1 LAITORINIK 8:53

Amu ki itabaan icheek eng' piik tugul che po ng'wony, koek poroteng'ung', ko uu ye ki imwa eng' Musa otwogindeng'ung', ye ki imutu kwanisyekyok komong' eng' Misiri, ee Kiptaiyat Kamuktaindet ne Toroor.”

1 ATEPTAP PEETUUSYEK 17:22

Amu ki iyai piiguk Israel koek piiguk koigeny, ak ki iegu `inyee Kamuktaindet ne Toroor Kamuktaindennywa.”

Kitabuutap JOB 41:11

Ng'oo ne kisip kogoono, si aweekyi? Chechuuk tuguuk tugul che mi kureretap kipsengwet.

Kitabuutap JOB 41:3

Tos saisain konyil che chaang'? Anan tos ng'alaalun ng'aleek che tangus?

TIENWOGIKAL 135:4

Amu ki kolewenjigei Kamuktaindet ne Toroor Jakobo, ak Israel koek kinnyi ne nenyi iman.

TIENWOGIKAL 24:1

Po Kamuktaindet ne Toroor ng'wony ak tugul che nyiitaat olooto; ng'wony, ak che menyei olooto;

TIENWOGIKAL 25:10

Chamyet ne tala ortinwek tugul che po Kamuktaindet ne Toroor ak ko po imanit, eng' icheek che riibei kayomisennyi ak paornatosyekyik.

KOMONG'U 15:26

ak ki le, “Ngot igas iman kutitap Kamuktaindet ne Toroor Kamuktaindeng'ung', iyai ne po iman eng' tainnyi, iepchji iit ng'atuutikyik ak isup katigonutikyik tugul, koma koonin myan age tugul ne ki agoochi Misiriik, amu anee ko aa Kamuktaindet ne Toroor ne asaabin.”

KOMONG'U 23:22

Ago ngigas iit ng'aleekyik, ak iyai tugul che amwaun, aegu anyun puunyootap puuniguk, ak aegu usiindetap che usin.

KOMONG'U 24:7

Yeityo konam kitabuutap arorutyet ak kosomanji piik kogas, ak ki le icheek, “Kigase iit Kamuktaindet ne Toroor ak keyae chooto tugul kamwa.”

KOMONG'U 34:9

Yeityo komwa kole, “Ngo kaanyooru nguno chameet eng' taing'ung', Ee Kiptaiyat, asaain ale ingocham Kiptaiyat keebe tugul amu uueen kaat pichu. Nyoiywech kaat tengekwogikyok ak chalwogikyok ak inamech keegu poroteng'ung'.”

KOMONG'U 6:7

Anamok oegu piikyuk, ak aegu Kamuktaindet eng' okweek, si onai ole Aa Kamuktaindet ne Toroor, Kamuktaindeng'wong' ne imoong'wok omang'une otetap Misiriik.

KOMONG'U 8:22

Ago abestosi atabaani eng' peetuunooto emetap Goshen ole menyei piikyuk si ma it kalyang'ik olooto ak si kobiit inai inyee ile aa Kamuktaindet ne Toroor ne mi emet.

KOMONG'U 9:29

Koleenji Musa ineendet, “Ye kaamande eng' nganaseet, eng' yooto anyun asutyi eunekyuk Kamuktaindet ne Toroor, si kosiis tuleet, ak kong'et koiyat, ak kobiit inai ile po Kamuktaindet ne Toroor ng'wony.

TYENDO NE SIIREI TUGUL 8:12

Mbareennyu ne po sabibuk, ne nenyu, komi tainnyu. Inyee, ee Solomon, inyooru eliphunooto, ak nyooru pogol aeng' icheeget che riibei logoekyik.

ISAIAH 1:19

Ngot ochame ak ogase iit, oame anyun akwaindap emet.

ISAIAH 41:8

Ago inyee Israel, otwogindennyu, Jakobo ne ki alewen, iyoteetap chorwennyu Abraham;

ISAIAH 43:1

Ago mwaei anyun Kamuktaindet ne Toroor ne kiyain kole ee Jakobo, ak ineendet ne kimimiin, ee Israel: kole, meiywei, amu ki atyachin; ki aguurin eng' kaineng'ung', ii nenyu.

ISAIAH 56:4

Amu mwaei Kamuktaindet ne Toroor ko uu ni agobo sirorinik che riibei sabatosyekyuk, ak che leweni tuguuk che iboiboa, ak che namei miising' kayomisennyu:

JEREMIA 10:16

Ma uu chuuto kebebertap Jakobo; amu po tai ineendet eng' tuguuk tugul. Israel ko pororyetap porotennyi: kainennyi ko Kamuktaindet ne Toroor ne po lugoosyek.”

JEREMIA 13:11

Amu ko uu ye namegei pireneet ak suetap chii, ko uu nooto anyun kaagoochi koot komugul ne po Israel ak koot komugul ne po Judah kenamge, mwaei Kamuktaindet ne Toroor, si kobiit koek eng' anee pororyet, kainet, kalasunet ak teegisto. Ago ma cham kogas.”

JEREMIA 7:23

Ago ki ang'at icheek agobo ng'olyoondoni aleenji, ogas kutinnyu, si aek Kamuktaindeng'wong', ak oegu piikyuk. Obendate ooreet tugul ne ang'atook, si kobiit komyeeit eng' okweek.

EZEKIEL 16:8

Ak kinga pun ye imi, ageerin, keero, peetuusyeguk ko ki po peetuusyegap chamyet; ak ki atugunen ngoryennyu ak atuch aach ngoryeeng'ung': ee, ki ayosyeun, ak ki koyomiske ak inyee, mwaei Kiptaiyat Kamuktaindet ne Toroor, ak ki ibunjo.

ATEPTAP LAWIK 20:24

Ago ki amwaiwok aleenjok, ‘Onyabani emennywa, ak agoonok kobunjook emonooto nyiitaat cheego ak komi kumyat eng' chaang'indo.’ Aa Kamuktaindet ne Toroor Kamuktaindeng'wong', ne ki atabaanenak pororyosyek.

AMOS 3:2

Okweegei kityo che angen eng' ortinwek tugul che po ng'wony. Nooto anyun aiitwok pireet amu tengekwogikwok tugul.

AMOS 6:1

Pwo eng' icheek che mi kaalyeet eng' Zion, ak eng' icheek che kasei kole riibootin eng' tulweetap Samaria, piik che taagunotiin che po che eecheen eng' pororyosyek, che pwaanjin kootap Israel!

MALAKI 3:17

Ak mwaei Kamuktaindet ne Toroor ne po lugoosyek kole, “Punjino icheek, eng' peetuut ne ayae icheek koek kinnyu ne nenyu aneege; ak ariiree icheek ko uu ye riiree chii weeriinnyi ne poisyechin.

1 KORINTOEK 10:26

amu po Kiptaiyat ng'wony, ak che nyiitaat ng'wony.

1 KORINTOEK 10:28

ago ngo leenjok chii age tugul, Kagigoitoi kii koek tiseiywot, ko moam, amu ineendet ne kagoboorun, ak amu kabwaatet:

NG'ATUTIK 10:14

Po Kamuktaindet ne Toroor Kamuktaindeng'ung' kipsengwet ak kipsengwet ne po kipsengwet, ng'wony ak tugul che miitei.

NG'ATUTIK 11:27

egu kaberuret ngo kas ng'atuutigap Kamuktaindet ne Toroor Kamuktaindeng'wong' che kaang'atak rani.

NG'ATUTIK 14:2

Amu ii pororyet ne tiliil eng' Kamuktaindet ne Toroor Kamuktaindeng'ung' ak ki kolewenin Kamuktaindet ne Toroor iegu pororyennyi ne itabaanat kosiir pororyosyek tugul che mi ng'wony.

NG'ATUTIK 14:21

Amat oam ne kame ineegei. Imuuchi igoochi kiprutoiyot ne mi kurgotiguk koam anan ialdochi toondet: amu ii pororyet ne tiliil eng' Kamuktaindet ne Toroor Kamuktaindeng'ung'. Amat iyoe aarwetap ng'oroor cheegap kamet.

NG'ATUTIK 26:18

Kang'aany Kamuktaindet ne Toroor rani kole, ii pororyet ne ki kitabaanin iegu nenyi, ko uu ye ki iarorun ak si kobiit iriip ng'atuutikyik tugul,

NG'ATUTIK 26:19

ak koyain itororitu isiir pororyosyek tugul che ki yai ineendet, eng' kalasunet ak kainet ak teegisto, si iegu pororyet ne tiliil eng' Kamuktaindet ne Toroor Kamuktaindeng'ung', ko uu ye ki mwa.”

NG'ATUTIK 28:1

“Ago ngiepchi iit kutitap Kamuktaindet ne Toroor Kamuktaindeng'ung' eng' kagiiletapkei, iriip ng'atuutikyik tugul che kaang'atiin rani, koeetin anyun Kamuktaindet ne Toroor Kamuktaindeng'ung' isiir pororyosyek tugul che mi ng'wony.

NG'ATUTIK 28:9

“Ngiriip ng'atuutigap Kamuktaindet ne Toroor Kamuktaindeng'ung', iwendote ortinwekyik, kogimitin Kamuktaindet ne Toroor iegu pororyennyi ne tiliil ko uu ye ki iyasyeun.

NG'ATUTIK 4:20

Ago konamak Kamuktaindet ne Toroor, ak komutwak omang'une maatap karnet eng' Misiri oegu piigap porotennyi ko uu rani.

NG'ATUTIK 5:2

Ki yai `Kamuktaindet ne Toroor, Kamuktaindennyo kayomiset kobootech eng' Horeb.

NG'ATUTIK 7:6

Ii pororyet ne itabaanat eng' Kamuktaindet ne Toroor Kamuktaindeng'ung'. Ki lewenin Kamuktaindet ne Toroor Kamuktaindeng'ung' eng' pororyosyek tugul che mi ng'wony iegu pororyet ne nenyi ineegei.

NG'ATUTIK 9:29

Icheeget ko piiguk ak ko poroteng'ung' che ki imoong'u eng' kimnateng'ung' ne oo, ak eng' eung'ung' ne chuulaat.’

TITO 2:14

ne ki igoitogei agobo acheek, si kobiit kotyachech eng' tengekto tugul, ak kotiliiljigei piik koek chechiik, che lewenotin, che igiilegei eng' poisyonik che myach.

HEBRANIK 11:8

Ki kas iit Abraham eng' kayaneet ye ki ngeguur, ak kimanda kwo koma ingen ole wendi, kwo komosta ne tuun taachei koek poroteet.

HEBRANIK 8:9

Ma ko uu kayomiset ne ki kiyomiske ak kwanisyekwak eng' peetuut ne ki anam eunekwak si amut komong' eng' emetap Misiri; amu ki ma koteptoi kayomisennyu, ak ki ma amage kiy icheek, mwaei Kiptaiyat.

JOSHUA 24:24

Koleenji `piik Joshua, “Kiboisyechini Kamuktaindet ne Toroor, Kamuktaindennyo ak kegas iit kutinnyi.”

1 PETERO 2:9

Ago okweek ko oo pororyet ne kigelewen, oo che poisyei eng' tiseinateet ne po kaplaitoryat, pororyet ne tiliil, piik che punjin Kamuktaindet, si kobiit obarte telunatosyek che po ineendet ne kiguurok omang'une mesundeito omong'ji lapkeiyennyi ne kikweng'e.

1 SAMUEL 15:22

Ak ki mwa Samuel kole, “Tos, ting'ee Kamuktaindet ne Toroor poiboiyet ne oo kagoochinoik che kibeelei ak tiseiywot, ko uu ye ting'ee kasetap iit ne po ng'olyootap Kamuktaindet ne Toroor? Keero, siirei kasetap iit tiseiywot ak siirei kasetap iit mwanigap mengichik.