KOMONG'U 19:10 - BUKUIT NE TILIIL Sireet ne Dutero Kanon

¹⁰ koleenji `Kamuktaindet ne Toroor ineendet, “Chortegei ui ole mi piik ianyiny icheek ra ak mutai ak ingomwet ngoroikwak.

Bukuit Ne Tilil

¹⁰ koleenji `Kamuktaindet ne Toroor ineendet, “Chortegei ui ole mi piik ianyiny icheek ra ak mutai ak ingomwet ngoroikwak.

BUKUIT NE TILIL

¹⁰ Ak kilenji Jehovah Musa, Ui ole mi bik, ianyiny ra ak mutai, ak ingomwet ngoroikwak,

KOMONG'U 19:10 Referencias Cruzadas

TAUNET 35:2

Ki mwachi Jakobo anyun piigap koonnyi, ak tugul che ki mi kobooto ineendet koleenji, “Olakte kanamonik che mi kwenung'wong' che po pororyosyek alak, oanyinygei ak owal ngoroikwok.

2 SAMUEL 19:24

Ki choorgei Mephibosheth weeriitap Saulo agine kotorook laitoryat. Ki mata kotil siyoogap keelyekyik anan kocher tamnennyi, anan komwet ngoroikyik kobooch peetuut ne kigawo laitoryat agoi peetuut ne ki weeksei kaa eng' kaalyeet.

2 ATEPTAP PEETUUSYEK 29:34

Ago king'ering' tisiik kot koma imuuch koeny kagoochinoik tugul che kibeelei; kotoret anyun Lawiik tupchosyekwak, kot kogeskei poisyonooto, ak agoi koanyinygei tisiik; amu ki lititen mugulelwegap Lawiik che ki chamei koanyinygei kosiir tisiik.

2 ATEPTAP PEETUUSYEK 29:5

ak koleenji, “Ogas, okweek Lawiik; oanyinyge, ak oanyiny kootap Kamuktaindet ne Toroor, Kamuktaindetap kwanisyekyok, ak omaande tuguugap simdo eng' ole-tiliil.

Kitabuutap JOB 1:5

Ye kingo keskei peetuusyekwak che po igoorto, ko ki iyooktoi `Job icheek ki anyiny. King'eetei karon miising' ak kogoito kagoochinoik che kibeelei ko uu koitetap icheek tugul kobwaati koleen, “Abeere kogoyai weeriikyuk tengek ak koeesyo Kamuktaindet eng' mugulelwekwak.” Ki yaei Job ko uu nooto kotugul.

ATEPTAP LAWIK 11:25

Age tugul ne ibei kebebertap poortap tyonyooto kagome komwetei ngoroikyik ak ko murwoniitu agoi koimen.

ATEPTAP LAWIK 15:5

Ak mwetei chii age tugul ngoryennyi ne twaei itogunnyi, ak kouungei eng' peek, ak murwoniitu agoi koimen.

KAITOSYEK 11:18

Ileenji piik, “Oanyinygei agobo mutai, si oam panyeek; amu ki oriirchi Kamuktaindet ne Toroor, oleen, ‘Ng'oo ne koonech panyeek keam? Amu ki kigoigoi kemi Misiri.’ Koonok anyun Kamuktaindet ne Toroor panyeek amu nooto, si oam.

KAITOSYEK 19:19

Ak kois chiito ne ki kianyiny, ineendet ne murwoon, eng' peetuutap somok ak eng' peetuutap tisap, ak koanyiny ineendet eng' peetuutap tisap. Ingomwet ngoroikyik ak kouungei, ak koanyinyit ko kaimen.

KAITOSYEK 31:23

ak kiy age tugul ne ma chootei eng' maat obeel anyun chooto eng' ma si kotiliiliitu. Ago kitiliili kora eng' peek che po katabaanet. Ak onde peek tuguuk tugul che chotoos eng' maat.

KAITOSYEK 31:24

Eng' peetuutap tisap omwet ngoroikwok ak oanyinyitu. Ye ibata obwa nganaseet oriit.”

KAITOSYEK 8:21

Ki ianyinygei anyun Lawiik ak kimwet ngoroikwak. Ki igoito anyun Aron icheek eng' taitap Kamuktaindet ne Toroor koek kagoochinet ne kiongoi ak ki yai kagaigaet agobo icheek koanyiny.

KAITOSYEK 8:7

Yachi ko uu ni ye ianyinyi icheek: ise peek che po kagaigaet, ingocher koroorik che mi poorwekwak tugul ak ingomwet ngoroikwak, ak koek icheek anyun che kagoanyinygei.

1 KORINTOEK 6:11

Ak ki uu chooto alak eng' okweek; ago ki kiuunok, ago ki kitabaanak, ago ki kiityok imanda eng' kainetap Kiptaiyat Jeso Kristo, ak eng' Kabuusetap Kamuktaindet nenyo.

HEBRANIK 10:22

ongeriikte anyun eng' muguleldo ne po iman eng' nyiietap kayaneet, ko kageis mugulelwekyok kemete kabwaatet ne ya, ak kiuun poorwekyok eng' peek che tiliileen:

JOSHUA 3:5

Ki leenji `Joshua piik, “Oanyinygei okweek; amu yaei Kamuktaindet ne Toroor kwang'utik mutai eng' kwenung'wong'.”

JOSHUA 7:13

Ng'eet ianyiny piik ak ileenji, Oanyinygei agobo mutai, amu kamwa ko uu ni Kamuktaindet ne Toroor, Kamuktaindetap Israel kole, ‘Mi tuguuk che itabaanatiin kwenung'ung', ee Israel. Memuuchi itonone taitap puuniguk agoi oiste chooto itabaanatiin eng' kwenung'wong'.

NG'ANG'UTYET 22:14

Poiboen icheek che mwetei ngoroikwak, si kobiit komuuch kosich chamjinet koit ole mi keetitap saboondo ak kobun kurgotik kobendi nganaseet oriit.

NG'ANG'UTYET 7:14

Ki aleenji ineendet, “Kiptaiyandennyu, ingen inyee.” Koleenjo anyun, “Chu ko icheek che punu nyalilda ne oo; ak ki komwet ngoroikwak koleelagitu eng' korotiigap Aarwet.

1 SAMUEL 16:5

Ak ki le, “Ee, anyoone eng' kaalyeet, kanyo aeng'ji Kamuktaindet ne Toroor. Otabaange anyun ak obwa keebe ole atisisye.” Ak ki itabaan Jesse ak weeriikyik ak koguur icheek kobwa ole tisiisyee.