KOMONG'U 18:8 - BUKUIT NE TILIIL Sireet ne Dutero Kanon

⁸ Ki mwachi Musa anyun kapyugoinnyi tuguuk tugul che ki koyachi `Kamuktaindet ne Toroor Pharaoh ak Misiriik agobo Israel, ak nyalilwogik tugul che kinyoor eng' ooreet ak ole kisaruundo icheek `Kamuktaindet ne Toroor.

Bukuit Ne Tilil

⁸ Ki mwachi Musa anyun kapyugoinnyi tuguuk tugul che ki koyachi `Kamuktaindet ne Toroor Pharaoh ak Misiriik agobo Israel, ak nyalilwogik tugul che kinyoor eng' ooreet ak ole kisaruundo icheek `Kamuktaindet ne Toroor.

BUKUIT NE TILIL

⁸ Ak kimwachi Musa anyun kabyugoinnyi tuguk tugul che kigoyachi Jehovah Parao ak Misrik agobo Israel, ak nyalilwogik tugul che kiyor eng’ oret, ak ole kisorundo Jehovah ichek.

KOMONG'U 18:8 Referencias Cruzadas

TAUNET 44:34

Amu amuktoi ano anyun awo atogosta ye mi abba, ama kimi ak lakweet? Si ma keer yaityet ne tuun nyooru abba.”

NEEMIA 9:32

Ara anyun Kamuktaindennyo ne oo ne po kamuktaet, ak ko Kamuktaindet ne po kwong'eet, ne riibei arorutyet ak rireenetapkei, amat igeer ile kiy ne ming'in, ng'wanindo tugul ne kaityech ak laitorinikyok, pounikyok, tisiikyok, maotikyok, kwanisyekyok ak piiguk tugul kobooch eng' peetuusyegap laitorinigap Assyria agoi rani.

TIENWOGIKAL 106:10

Ak ki sar icheek eng' eutap ineendet ne kiwechei icheek, ak ki ityaach icheek eng' eutap puunyoot.

TIENWOGIKAL 106:8

Ago ki sar icheek amu kainennyi, si kobiit konaak kimnateennyi ne po kamuktaet.

TIENWOGIKAL 107:2

Ingomwa ko uu nooto che ki kotyach Kamuktaindet ne Toroor, che ki kotyach eng' eutap puunyoot,

TIENWOGIKAL 66:16

Obwa, ogas, okweek tugul che oiywei Kamuktaindet, Si amwaita tuguuk che ki yachi saboondanyu.

TIENWOGIKAL 81:7

Ki iguurse eng' nyalilda, ak ki asaruun; Ak ki awolun eng' ole ung'aat ne po tuleet; Ki atyemin eng' ole mi peegap Meribah.

KOMONG'U 15:16

Kanam icheek kamuiset ak kaiyweisyet; eng' etunatetap eung'ung', ko siisyo ko uu koita; agoi kolanda piiguk, ee Kamuktaindet ne Toroor, agoi kolanda piik che ki ial.

KOMONG'U 15:6

Eung'ung' ne po tai, ee Kamuktaindet ne Toroor, ko konyitot eng' kimnateet, Eung'ung' ne po tai, ee Kamuktaindet ne Toroor, ko nyinyiri puunik kotonatonagis.

KOMONG'U 16:3

Ki leenji `piigap Israel icheek, “Kita kaigai kebegu eng' eutap Kamuktaindet ne Toroor eng' emetap Misiri ye ki kitebee ole neegitee tereenigap panyeek ye ki kiamisyei kot kebiyong'se, ago ki omoong'wech kebwa surkwenini si obare rubeet tuiyoni komugul.”

KOMONG'U 18:1

Ki kas anyun Jethro tisiindetap Midian, kabyugoitap Musa agobo tugul che ki koyachi `Kamuktaindet Musa ak piikyik Israel. Ki kas ole ki imutunda `Kamuktaindet ne Toroor Israel komang'une Misiri.

KOMONG'U 2:25

Ki keer Kamuktaindet piigap Israel, ak ki nai kiit ne uu.

KOMONG'U 23:23

Amu wendi malaikaiyandennyu kondoenen, komutin iwe ole mi Amorik, Hitik, Perisik, Kanaanik, Hibik ak Jebusik ak aiste icheek awong'u.

KOMONG'U 4:23

ak kaamwaun aleenjin, Igoochi weeriinnyu kwo, si kobiit koboisyeiwo. Ago amu kaiete kwo, abare anyun taitang'ung'.’ ”

KOMONG'U 7:4

ago ma imuuchi kogasaak Pharaoh, ak eng' nooto anyun, andai eunnyu Misiri, ak among'u lugosyekyuk, piikyuk piigap Israel, komang'une emetap Misiri eng' poisyonik che eecheen che po kirwoogutik.

KOMONG'U 7:5

Ye achuul eunnyu atokyi Misiri, ak among'u piigap Israel eng' kwenunnywa, konai Misiriik kole aa Kamuktaindet ne Toroor.”

KAITOSYEK 20:14

Ki iyookto `Musa piik eng' Kadesh koba kaplaitoryatap Edom, koleenji, “Kale tupcheng'ung' Israel: Ingen nyalilwogik tugul che ki konyoorwech,