KOMONG'U 18:12 - BUKUIT NE TILIIL Sireet ne Dutero Kanon

¹² Eng' yooto anyun konam Jethro kabyugoitap Musa kagoochinet ne kibeelei ak tiseiywot ak koeng'ji Kamuktaindet. Ki nyo Aron kobooto poisyek tugul che po Israel koamis ak kabyugoitap Musa eng' taitap Kamuktaindet.

Bukuit Ne Tilil

¹² Eng' yooto anyun konam Jethro kabyugoitap Musa kagoochinet ne kibeelei ak tiseiywot ak koeng'ji Kamuktaindet. Ki nyo Aron kobooto poisyek tugul che po Israel koamis ak kabyugoitap Musa eng' taitap Kamuktaindet.

BUKUIT NE TILIL

¹² Kinam anyun Jetro kabyugoitab Musa kagochinet ne kibeelei ak tiseiywek koeng’ji Kamuktaindet: ak kinyo Aron, koboto boisiek tugul che bo Israel, koamis ak kabyugoitab Musa eng’ taitab Kamuktaindet.

KOMONG'U 18:12 Referencias Cruzadas

TAUNET 12:7

Ki mong'ji anyun `Kamuktaindet ne Toroor Abram ak koleenji, “Agoochini iyoteng'ung' emoni.” Amu nooto koteekyi Abram kaptisisyet Kamuktaindet ne Toroor, ne kiga mong'ji ineendet.

TAUNET 26:25

Ki teech anyun kaptisisyet eng' olooto ak koguur kainetap Kamuktaindet ne Toroor. Ki teech emainnyi eng' olooto, ak ki pal otwogikyik keriingetap peek.

TAUNET 26:30

Ki yachi anyun igoorto, ak ki amis ak koeeiso.

TAUNET 31:54

Ki igoito Jakobo tiseiywot eng' tulweet, yeityo koguur tupchosyekyik kobwa koamis. Ki amis ak kiruiyo tulwoonooto eng' lagatunooto.

TAUNET 4:4

Ki kwerichi Abel agine iyoteetap tai che akwaen che po akweennyi. Ak ki cham `Kamuktaindet ne Toroor Abel ak kagachinennyi,

TAUNET 43:25

Kichopchi `icheek Joseph kagoochinoik eng' sait ne itune, peet kween, amu ki kas keele tagoi koamisyei eng' olooto.

TAUNET 8:20

Kiteekyi `Noah Kamuktaindet ne Toroor kaptisisyet, ak konam koip eng' tyony age tugul ne tiliil ak eng' toriit age tugul ne tiliil ak kogoito koek konunoik che kibeelei eng' kaptisiisyo.

2 SAMUEL 9:7

Ki leenji anyun `Daudi ineendet, “Meiywei; amu ayaun ne myee iman agobo Jonathan kwandang'ung', ak iamisye mesennyu kotugul.”

2 ATEPTAP PEETUUSYEK 30:22

Kicheer anyun `Hezekiah Lawiik tugul che ki ineetatin eng' otisyetap Kamuktaindet ne Toroor. Koamis anyun eng' igoorto tugul eng' peetuusyek tisap, kogoitoi tiseiywek che po kaalyeet, ak komwachin kongoi Kamuktaindet ne Toroor, Kamuktaindetap kwanisyekwak.

Kitabuutap JOB 1:5

Ye kingo keskei peetuusyekwak che po igoorto, ko ki iyooktoi `Job icheek ki anyiny. King'eetei karon miising' ak kogoito kagoochinoik che kibeelei ko uu koitetap icheek tugul kobwaati koleen, “Abeere kogoyai weeriikyuk tengek ak koeesyo Kamuktaindet eng' mugulelwekwak.” Ki yaei Job ko uu nooto kotugul.

Kitabuutap JOB 42:11

Kobwa weeriik tugul che tupcho, chepkametwagik tugul ak piik tugul che ki ingengei ak koamisye koonnyi kobooto ineendet. Ki riirchi ak kogaigai ineendet agobo yaityet tugul ne ki ipchi `Kamuktaindet ne Toroor ineendet. Ki igoochi chii age tugul fedhaiyat ak kogoochi chii age tugul peteitap thahabu.

Kitabuutap JOB 42:8

Onam anyun kiruugik tisap, mengichik tisap ak okweri koba kap Job otwogindennyu, yeityo ogoitochigei koek kagoochinet ne kibeelei; si kosaiywok Job otwogindennyu. Amu kachamji, si ma yaiywok ko uu abusnateng'wong'; amu tomo omwa kiit ne po iman agobo anee, ko uu ye komwa otwogindennyu Job.”

KOMONG'U 18:13

Eng' karonet ne po aeng', kotep ng'wony Musa korwooksechi piik. Ki tononso piik eng' ole mi Musa kong'etee karon agoi koimen.

KOMONG'U 2:16

Ki pwa tiibiik tisabu che po tisiindet age ne po Midian si kosiil peek konyiit moingonik si kobiit konaga akweetap keechiiregap kwandanywa.

KOMONG'U 2:20

Koleenji icheek; “Mi ano chiichooto? Amu nee si omete? Oguur konyo koamis.”

KOMONG'U 20:24

Teekwo kaptisyet ne po ng'ung'unyek ak ieng'wo eng' kaptisisyonooto kagoochinoiguk che kibeelei ak kagoochinoiguk che po kaalyeet, keechiireguk ak tuguuk. Anyoonjinin ak aberuurin eng' komosta age tugul ole andoi kainennyu kibwaate.

KOMONG'U 24:11

Nga ki keer icheek kondoigap Israel Kamuktaindet, koma twa ineendet icheek eng' eunnyi. Ago ki amis ak koe eng' taitap Kamuktaindet.

KOMONG'U 24:5

Yeityo koyookto murenik che neran che po piigap Israel kogoito kagoochinoik che kibeelei ak kieng'ji tuuga Kamuktaindet ne Toroor koek tiseiywegap kaalyeet.

KOMONG'U 3:1

Eng' pesyo ye ki iyagi Musa akweetap keechiirek che po kapyugoinnyi Jethro, tisiindetap Midian, kokweri koba surkwen komosin, ak ki it tulweetap Kamuktaindet, ne kiguure Horeb.

KOMONG'U 33:7

Kibiteetap Musa koip emait ak koteech eng' ye loo eng' saang'utap nganaseet. Kiguure emainooto, Emait ne kituiyechin. Chii age tugul ne ki chamei kocheeng' Kamuktaindet ne Toroor, kogiwendi emainooto kituiyechin ne ki mi saang'utap nganaseet.

KAITOSYEK 10:29

Ki leenji `Musa Hobap weeriitap Reuel Midianindet, kapyugoinnyi, “Kibendi ole ki iarorwech Kamuktaindet ne Toroor kole, ‘Agoonok.’ Ongebe tugul ak kiyaun ne myee, amu ki komwa ne myee Kamuktaindet ne Toroor agobo Israel.”

LUKA 14:1

Ak ye kingwo kootap age eng' pounik che po Pharisaik eng' peetuutap sabato, si koamis, koriibot icheek ineendet.

LUKA 14:15

Ak kingo kas tuguuchuuto chiito age ne ki mi kobooto ineendet eng' amisyet, koleenji, “Paibai ineendet ne tuun amisyei eng' pounatetap Kamuktaindet.”

1 KORINTOEK 10:18

Ogeer Israel o eng' atebeetap poorto: tos ma tinyei yamdaet ak kaptisisyet icheek che amei tiseiywek?

1 KORINTOEK 10:21

Momuuchi oee kigombetap Kiptaiyat, ak kigombetap oik: momuuchi oam eng' meesetap Kiptaiyat, ak meesetap oik.

1 KORINTOEK 10:31

Nooto anyun ngo ame, anan ngo ee, anan agot eng' kiy age tugul ne oyae, oyai tugul otoroori Kamuktaindet.

NG'ATUTIK 12:7

Oamisye eng' olooto eng' taitap Kamuktaindet ne Toroor Kamuktaindeng'wong', okweek ak piikwok kibagenge, oboiboitune tugul che kiberuurwok Kamuktaindet ne Toroor Kamuktaindeng'wong'.

NG'ATUTIK 27:7

ak ieny kagoochinoik che po kaalyeet ak iamisye eng' olooto. Si ibaibaitu eng' taitap Kamuktaindet ne Toroor Kamuktaindeng'ung'.