KOMONG'U 14:4 - BUKUIT NE TILIIL Sireet ne Dutero Kanon

⁴ Eng' yooto kogeny auuiiti muguleldap Pharaoh si koosup icheek ak anyoorunee teegisto Pharaoh ak lugeennyi tugul si konai Misiriik kole aa Kamuktaindet ne Toroor.” Ki yai anyun piigap Israel ko uu nooto.

Bukuit Ne Tilil

⁴ Eng' yooto kogeny auuiiti muguleldap Pharaoh si koosup icheek ak anyoorunee teegisto Pharaoh ak lugeennyi tugul si konai Misiriik kole aa Kamuktaindet ne Toroor.” Ki yai anyun piigap Israel ko uu nooto.

BUKUIT NE TILIL

⁴ Ak auuiiti muguleldab Parao, si kosub ichek; ak anyorune teegisto Parao, ak lugennyi tugul, ak konai Misrik kole a Jehovah. Ak kiyai ko u noto.

KOMONG'U 14:4 Referencias Cruzadas

NEEMIA 9:10

Ki ibarte kaboorunoik ak kwang'utik eng' Pharaoh, ak otwogikyik tugul ak piik tugul che po emennyi, amu ki ingen ile ki inyaliil icheek eng' menoteet. Ki igoochigei kainet, nooto ne mi agoi rani.

KOMONG'U 10:2

Si kobiit omwa kogas lagokwak ak mochogorenikwok ole ki aite Misiriik koek che perber, ak kaboorunoikyuk che ki ayai eng' kwenunnywa, si onai ole aa Kamuktaindet ne Toroor.”

KOMONG'U 10:27

Ago ki iuit `Kamuktaindet ne Toroor muguleldap Pharaoh, ak ki ma chamji inee Pharaoh icheek koba.

KOMONG'U 12:28

Ki pa anyun piigap Israel koyai ko uu ye kiga ng'at `Kamuktaindet ne Toroor Musa ak Aron.

KOMONG'U 14:23

Ki isup `Misiriik icheek kochoorchigei kwenutap nyanjet; paraisisyek tugul che po Pharaoh ak kariisyekyik ak piikyik che ketei paraisisyek.

KOMONG'U 14:25

Kichun keelyegap kariisyekwak ak kong'onng'onio kot ko ye ki kwerye ko uueen. Kole anyun Misiriik, “Ongemwee Yahudik amu yaei Kamuktaindet ne Toroor lugeet agobo icheek konyo kobarech acheek.”

KOMONG'U 14:3

Amu tuun mwaei Pharaoh agobo piigap Israel koleen, ‘Ki kobetyo eng' emet ak ki kogeer surkwen icheek.’

KOMONG'U 14:5

Ki ngemwachi laitoryatap Misiri keleenji, “Kogoba komweiso piik,” kogiwalak muguleldanyi ak kowalagis mugulelwegap otwogikyik agobo piigap Israel ak ki ibwaat icheek kole, “Nee kii kogeyai, kot kechamji Yahudik koba kometo otwoknateet ne kootech?”

KOMONG'U 14:8

Ki iuit Kamuktaindet ne Toroor muguleldap Pharaoh laitoryatap Misiri ak ki isup piigap Israel che kimondoi eng' kimnateet ne oo.

KOMONG'U 18:11

Angen nguno anyun ale oo Kamuktaindet ne Toroor kosiir kamuktaik tugul. Amu ki sar piik eng' eunegap Misiriik che ki yachi pichooto kiit ne ya eng' menoteet.”

KOMONG'U 6:7

Anamok oegu piikyuk, ak aegu Kamuktaindet eng' okweek, si onai ole Aa Kamuktaindet ne Toroor, Kamuktaindeng'wong' ne imoong'wok omang'une otetap Misiriik.

KOMONG'U 7:17

Kamwa anyun ko uu ni Kamuktaindet ne Toroor, ‘Inae eng' ni ile aa Kamuktaindet ne Toroor. Keero, akweree kirogi atinye eng' eunnyu peechu mi ainooni, ak kowalogis peek koek korotiik.

KOMONG'U 7:3

Auuiiti muguleldap Pharaoh, ak ates kaboorunoikyuk ak kwang'utikyuk eng' emetap Misiri,

KOMONG'U 7:5

Ye achuul eunnyu atokyi Misiri, ak among'u piigap Israel eng' kwenunnywa, konai Misiriik kole aa Kamuktaindet ne Toroor.”

KOMONG'U 9:16

ago kaachamun isap, si kobiit aboorun kimnateennyu, ak kemwaita kainennyu konaak eng' ng'wony komugul.

EZEKIEL 20:9

Ago ki aboisye amu kainennyu, si ma kimurwon kogeerei pororyosyek, che ki mi icheek kwenunnywa, pororyosyek che kigeerei aboorchinigei icheek, amutu komong' eng' emetap Misiri.

EZEKIEL 28:22

ileenji, mwaei Kiptaiyat Kamuktaindet ne Toroor kole: Keero, aboryenen, ee Sidon; ak kitoroora eng' kwenung'ung': si konai kole aa Kamuktaindet ne Toroor, ye karwookyi ineendet ak aegu ne itabaanat eng' ineendet.

EZEKIEL 32:15

Ye tuun ayai emetap Misiri koguber ak koek karaatya, emet ne ma komi tuguuk che ki nyiitaat, ye abar tugul che menyei olooto, konai anyun kole aa Kamuktaindet ne Toroor.

EZEKIEL 38:16

ak obwa obargei ak piikyuk Israel, ko uu pooldet ne tuchei emet; amutun eng' peetuusyek che po let obwa obargei ak emennyu, si kobiit konaa pororyosyek, ye tuun aegu ne itabaanat eng' inyee, ee Gog, eng' tainnywa.

EZEKIEL 38:23

Ak atoroorge, ak atabaangei, ak abartegei eng' taitap pororyosyek che chaang'; si konai icheek kole aa Kamuktaindet ne Toroor.

EZEKIEL 39:13

Ee, tubei piik tugul che po emet icheek; ak koek kiit ne tagunoot eng' icheek, eng' peetuut ne tuun kitoroora, mwaei Kiptaiyat Kamuktaindet ne Toroor.

ATEPTAP LAWIK 10:3

Ki leenji Musa anyun Aron, “Ni kiit ne ki mwa Kamuktaindet ne Toroor kole, ‘Eng' icheek che riikyino aegu ne tiliil, ak eng' taitap piik tugul anyooru toroornatet.’ ” Ak ki siis Aron.

ROMANIK 11:8

ko uu ye siraat kole, “Ki kogoochi `Kamuktaindet ne Toroor icheek rwondo ne nyigiis, ak koonyek che ma keerei kiy, ak iitiik che ma kasei kiy, agoi peetuuniito.”

ROMANIK 9:17

Amu mwachin sireet Pharaoh koleenjin, “Kang'eetin amu ng'olyoondoniito ale, abartaenen kamuktaennyu, si keamdaat kainennyu eng' ng'wony komugul.”

ROMANIK 9:18

Nooto anyun ineendet ne machei koriiree, koriiregei, ak ne machei kouiit, kouiiti.

JOSHUA 11:20

Ki ng'olyootap Kamuktaindet ne Toroor ne ki iuit mugulelwekwak si kobargei ak Israel eng' lugeet, si kong'em icheek kogees, ak ma kiriree icheek, ago si kobiit kong'em icheek kogees ko uu ye ki kang'at `Kamuktaindet ne Toroor Musa.

KIRUOGIK 4:7

Amutun Sisera kandoindet ne po lugeetap Jabin, konyo si otuye eng' aineetap Kison kobooto karisyekyik ak piikyik che chaang'; andoi ineendet euneguk.’ ”