KOMONG'U 13:9 - BUKUIT NE TILIIL Sireet ne Dutero Kanon

⁹ Ak tuun egu nooto kaboorunet eng' eung'ung' ak koek kabwaatet ne mi kwenutap konyeguk si kobiit kotebee ng'atuutigap Kamuktaindet ne Toroor kuting'ung'. Amu ki imoong'wok Kamuktaindet ne Toroor omang'une Misiri eng' euut ne kiim.

Bukuit Ne Tilil

⁹ Ak tuun egu nooto kaboorunet eng' eung'ung' ak koek kabwaatet ne mi kwenutap konyeguk si kobiit kotebee ng'atuutigap Kamuktaindet ne Toroor kuting'ung'. Amu ki imoong'wok Kamuktaindet ne Toroor omang'une Misiri eng' euut ne kiim.

BUKUIT NE TILIL

⁹ Ak tun egu noto kaborunet eng’ eung’ung’, ak koek kabwatet ne mi kwenutab konyeguk, si kobiit kotebe ng’atutikab Jehovah kuting’ung’; amu kiimoong’wok Jehovah omong’une Misri eng’ eut ne kim.

KOMONG'U 13:9 Referencias Cruzadas

NEEMIA 1:10

Ara anyun chuuto ko otwogiguk ak ko piiguk, che ki ityaach eng' kamuktaeng'ung' ne oo ak eng' eung'ung' ne kiim.

TIENWOGIKAL 136:11

ak ki imut Israel komong' eng' kwenunnywa, amu tebyei rireenennyi koigeny;

TIENWOGIKAL 136:12

eng' euut ne kiim ak eng' euut ne chuulaat, amu tebyei rireenennyi koigeny;

TIENWOGIKAL 89:13

Itinye euut ne po kamuktaet: Kiim eung'ung', ak toroor eung'ung' ne po tai.

KOMONG'U 12:14

Egu peetuuniito peetuutap kabwaatet eng' okweek. Oriip kobunji igoorto ne po Kamuktaindet ne Toroor ak oyai igoorito koek ng'atuutyet eng' ibinwekwok tugul agoi koigeny.

KOMONG'U 12:41

Kingo pata kenyisyechooto pogol ang'wan ak sosom, komanda eng' peetuunooto lugoosyek tugul che po Kamuktaindet ne Toroor eng' emetap Misiri.

KOMONG'U 13:14

Ye tuun teebenen weeriing'ung' eng' peetuusyek che pwoonei, koleenjin, ‘Amu nee si keyai ko uu niito?’ Ileenji anyun, ‘Ki imoong'wech Kamuktaindet ne Toroor eng' Misiri eng' kootap otwoknateet, eng' euut ne kiim.

KOMONG'U 13:16

Egu niito kaboorunet eng' eung'ung' ak koek ratuutik che kirate anook eng' turyetap togeng'ung'. Amu ki imutwech Kamuktaindet ne Toroor eng' euut ne kiim kemang'une Misiri.”

KOMONG'U 13:3

Yeityo koleenji `Musa piik, “Obwaat anyun peetuuni ki omang'une Misiri kootap otwoknateet. Amu ki imoong'wok Kamuktaindet ne Toroor eng' kimnateetap eunnyi omang'une olooto. Eng' peetuuni anyun koma ki amei magatiinik che kaginde mermereek.

KOMONG'U 3:20

Ara achuule eunnyu abiree Misiriik kwang'utik che amache ayai eng' kwenunnywa ak ye ibata chooto kotyachak obe.

KOMONG'U 7:4

ago ma imuuchi kogasaak Pharaoh, ak eng' nooto anyun, andai eunnyu Misiri, ak among'u lugosyekyuk, piikyuk piigap Israel, komang'une emetap Misiri eng' poisyonik che eecheen che po kirwoogutik.

KALEWANAIK 1:9

Amu egu chooto naaryeetap myeeindo eng' meting'ung', ak koek sirimwek che mi kaating'ung'.

KALEWANAIK 3:21

Weeriinnyu, amengoistoenengei chooto eng' taing'ung'; isup utaatyet ne ititaat ak ruchiinet.

KALEWANAIK 7:23

kot kotoor kipchabet koennyi kosore. Uu toriityon ne choktoi kowendi mesteet, ma naei kole parei saboondanyi.

TYENDO NE SIIREI TUGUL 8:6

Indea muguleldang'ung' ko uu ng'ookset, ko uu ng'ookset eng' eung'ung'. Amu kiim chamyet ko uu meet, korom ng'et konda ko uu kererit. Lalennyi ko uu laletap maat, liplibenet ne koroom miising'.

ISAIAH 27:1

Tuun pirei Kamuktaindet ne Toroor eng' peetuunooto eng' rotwennyi ne po chok ne koroom ak ko oo ak kogim, tyondo ne po peek ne uu ting'ong'et, ne ereneet ne chepchep, ak tyonyooto ne ereneet ne taategei; ak kobar maswetit ne mi nyanjet.

ISAIAH 40:10

Ogeero, nyoonei Kiptaiyat Kamuktaindet ne Toroor ko uu ineendet ne kiim, ak kobounisyei eunnyi agobo ineendet; mi melektanyi kobooto ineendet, ak mi yaaktaennyi tainnyi.

ISAIAH 44:5

Mwaei age kole, aa po Kamuktaindet ne Toroor; ak koguuregei age kainetap Jakobo; ak kosirchi age eunnyi kainetap Kamuktaindet ne Toroor; ak komwaitoegei kainetap Israel.

ISAIAH 49:16

Keero, ki asirchin rubeitap eunekyuk; mi tainnyu kotugul irimoiguk.

ISAIAH 51:9

Ng'eet, ng'eet, ilaach kimnateet, ee, eutap Kamuktaindet ne Toroor; ng'eet, ko uu peetuusyek che po keny, ibinwegap peetuusyek che po keny. Tos ma inyee ne kiitonaton Rahab, ne kiitoor maswetit?

ISAIAH 59:21

Ni anyun kayomisennyu ne kiyomisyinige ak icheek, mwaei Kamuktaindet ne Toroor: ma istoegei kuting'ung' Kabuusennyu ne miten ak ng'aleeguk che kiande kuting'ung', anan eng' kutitap iyoteng'ung', anan eng' kutusweegap mochogoroniguk, mwaei Kamuktaindet ne Toroor, kobooch nguno agoi koigeny.

JEREMIA 22:24

Ko uu ye asabe, mwaei Kamuktaindet ne Toroor, agot nganda ko waet ne po ng'ookset eng' eunnyu ne po tai Konia weeriitap Jehoiakim laitoryatap Judah, ang'usin ui tugul eng' olooto;

JOEL 2:11

Ak kotwek Kamuktaindet ne Toroor eng' taitap lugeennyi; amu oo kabuureitanyi; amu kiim ineendet ne yaei ng'olyoondennyi kosulda; amu oo peetuutap Kamuktaindet ne Toroor ak komuisei miising'; ng'oo ne imuuchi komuita?

KAITOSYEK 15:39

Egu anyun sawoiyot eng' okweek ne ogeere ak obwaat ng'atuutik tugul che po Kamuktaindet ne Toroor ak oyai, si mosup kiit ne machei mugulelwekwok ak konyekwok, che ki cham osubi oibegei.

MATAYO 23:5

Ago yaei poisyonikwak tugul si kogeer piik; amu yaei kotebesiitu lolotinwegap siruutik ak kobaroi tabanwegap ngoroikwak.

ROMANIK 10:8

Ago mwaei nee? “Neegitenen ng'olyoot, mi kuting'ung' ak mi muguleldang'ung'” nooto ko ng'olyootap kayaneet, ne ki amdoi;

NG'ATUTIK 30:14

Ago neegiteenen ng'olyoondoni miising', miitei kuting'ung' ak muguleldang'ung' si kobiit iyai.

NG'ATUTIK 5:15

Meutye ile ki ii otwoget eng' emetap Misiri ago ki imoong'un Kamuktaindet ne Toroor Kamuktaindeng'ung' eng' olooto eng' euut ne kiim ak eng' euut ne chuulaat. King'atin anyun eng' nooto `Kamuktaindet ne Toroor Kamuktaindeng'ung' iriip peetuutap sabato.

NG'ATUTIK 6:21

Ileenji anyun weeriing'ung', ki kiotwogigap Pharaoh eng' Misiri, ak ki imoong'wech Kamuktaindet ne Toroor eng' Misiri eng' euut ne kiim.

NG'ATUTIK 6:6

Ingotebee muguleldang'ung' ng'aleechu `kang'atiin rani.

NG'ATUTIK 6:8

Ratyi eung'ung' si koek kaboorunet ak koek ratuutik che kirate anook eng' turyetap togeng'ung'.

NG'ANG'UTYET 18:8

Nooto anyun itu korotwekyik eng' peetuunak, meet, riirek, ak rubeet; ak kebeel ineendet eng' maat kogeskei; amu kiim Kiptaiyat Kamuktaindet ne ki irwookyi ineendet.”

KIRUOGIK 2:12

Ki meto Kamuktaindet ne Toroor, Kamuktaindetap kwanisyekwak, ne ki imut icheek komong' eng' emetap Misiri, ak koosup kamuktaik alak, che po piik che ki menyei komoswekwak tugul, ak kong'uruukyi kanamonichooto. Kitach Kamuktaindet ne Toroor kot konereech.