KOMONG'U 12:41 - BUKUIT NE TILIIL Sireet ne Dutero Kanon

⁴¹ Kingo pata kenyisyechooto pogol ang'wan ak sosom, komanda eng' peetuunooto lugoosyek tugul che po Kamuktaindet ne Toroor eng' emetap Misiri.

Bukuit Ne Tilil

⁴¹ Kingo pata kenyisyechooto pogol ang'wan ak sosom, komanda eng' peetuunooto lugoosyek tugul che po Kamuktaindet ne Toroor eng' emetap Misiri.

BUKUIT NE TILIL

⁴¹ Ak kingobata kenyisiechoto bogol ang’wan ak sosom, komanda eng’ betunoto lugosiek tugul che bo Jehovah eng’ emetab Misri.

KOMONG'U 12:41 Referencias Cruzadas

TAUNET 50:24

Ak ki leenji Joseph tupchosyekyik, “Neegit ame; ago rutochinok iman Kamuktaindet, ak komaandak otogoste eng' emoni obe emet ne ki iyasyechi Abraham, Isak ak Jakobo.”

1 LAITORINIK 6:1

Ak kingo pata kenyiisyek pogol ang'wanu ak tamanwogik sisiit kobooch ngap kobwa Israel komong' eng' emetap Misiri, eng' kenyiit ne po ang'wan ne po laitornatetap Solomon ne ki pou Israel, eng' arawetap Ziph, nooto arawet ne po aeng', kotoi koteech kootap Kamuktaindet ne Toroor.

2 ATEPTAP PEETUUSYEK 14:12

Kobar anyun `Kamuktaindet ne Toroor Ethiopik eng' taitap Asa ak eng' taitap Judah. Kimwei Ethiopik,

TIENWOGIKAL 102:13

Ing'eete ak iriiree Zion, amu kagoyam keriree, ee, kagoit peetuut ne ki kichopchi.

TIENWOGIKAL 114:1

Ye kingo manda Israel eng' Misiri, kootap Jakobo eng' piik che ng'alaale kutit ne teer;

TIENWOGIKAL 136:11

ak ki imut Israel komong' eng' kwenunnywa, amu tebyei rireenennyi koigeny;

KOMONG'U 12:17

Oriip igoori po magatiinik che ma kinde mermereek amu ki eng' peetuuni ne ki among'u lugosyekwok komang'une emetap Misiri. Amu nooto anyun oriip ak oyai igoori eng' peetuuniito eng' ibinwekwok tugul ak koek ng'atuutyet ne po koigeny.

KOMONG'U 12:51

Ak ki imaanda Kamuktaindet ne Toroor peetuunooto piigap Israel eng' emetap Misiri eng' lugosyekwak.

KOMONG'U 13:14

Ye tuun teebenen weeriing'ung' eng' peetuusyek che pwoonei, koleenjin, ‘Amu nee si keyai ko uu niito?’ Ileenji anyun, ‘Ki imoong'wech Kamuktaindet ne Toroor eng' Misiri eng' kootap otwoknateet, eng' euut ne kiim.

KOMONG'U 13:16

Egu niito kaboorunet eng' eung'ung' ak koek ratuutik che kirate anook eng' turyetap togeng'ung'. Amu ki imutwech Kamuktaindet ne Toroor eng' euut ne kiim kemang'une Misiri.”

KOMONG'U 13:3

Yeityo koleenji `Musa piik, “Obwaat anyun peetuuni ki omang'une Misiri kootap otwoknateet. Amu ki imoong'wok Kamuktaindet ne Toroor eng' kimnateetap eunnyi omang'une olooto. Eng' peetuuni anyun koma ki amei magatiinik che kaginde mermereek.

KOMONG'U 13:9

Ak tuun egu nooto kaboorunet eng' eung'ung' ak koek kabwaatet ne mi kwenutap konyeguk si kobiit kotebee ng'atuutigap Kamuktaindet ne Toroor kuting'ung'. Amu ki imoong'wok Kamuktaindet ne Toroor omang'une Misiri eng' euut ne kiim.

KOMONG'U 3:10

Nyoo anyun, si ayookten iwe kap Pharaoh, si kobiit imoong'u piikyuk, piigap Israel eng' Misiri.”

KOMONG'U 3:8

Kachooruge anyun si kobiit asar icheek eng' eunegap Misiriik, ak amutu icheek kotogos komong' eng' emonooto koba emet ne myee ne paraa. Emet ne nyiitaat cheego ak komi kumyat eng' chaang'indo; emetap Kanaanik, Hitik, Amorik, Perisik, Hibik, ak Jebusik.

KOMONG'U 6:26

Ki Aron ak Musa che ki mwachi Kamuktaindet ne Toroor koleenji: “Omoong'u piigap Israel eng' emetap Misiri ko uu lugosyekwak.”

KOMONG'U 6:6

Ileenji anyun piigap Israel, ‘Aa Kamuktaindet ne Toroor, ak among'wok omang'une otetap Misiriik. Asarwok eng' otwoknateet ne oote icheek ak atyachak eng' euut ne chuulaat ak eng' kwang'utik che eecheen che po kirwooget.

KOMONG'U 7:4

ago ma imuuchi kogasaak Pharaoh, ak eng' nooto anyun, andai eunnyu Misiri, ak among'u lugosyekyuk, piikyuk piigap Israel, komang'une emetap Misiri eng' poisyonik che eecheen che po kirwoogutik.

ATEPTAP LAWIK 23:43

si kobiit konai ibinwekwok che piitu let kole, ki agoochi piigap Israel komeny keryosyek, ye ki amutu icheek komang'une emetap Misiri. Aa Kamuktaindet ne Toroor Kamuktaindeng'wong'.”

HABAKUK 2:3

Amu po ng'ang'utyet peetuusyek che ki king'at, ak kochoktoi kotokyingei kagesunet, ama mwaei lembech. Agot ngo kagei, igen inyee; amu nyoonei iman, ma igaegei.

KAITOSYEK 23:22

Ki imutu Kamuktaindet icheek eng' Misiri, tinyei kimnateet ne uu ne po soet.

KAITOSYEK 33:1

Chu panwegap piigap Israel, ye kingo manda eng' emetap Misiri eng' lugosyekwak kondochin Musa ak Aron.

JOHANA 7:8

Otogosyi okweek igoorto. Tom atogosyini anee igoorita, amu tomo kosulda peetuunnyu.”

POISYONIGAP CHE KIYOKTOI 1:7

Koleenji `Jeso icheek, “Mabootok onai peetuusyek anan kenyiisyek che ki konde Kwanda eng' pounatennyi ineegei.

POISYONIGAP CHE KIYOKTOI 7:36

Ki imut chiichi anyun icheek komanda, ye kingo kagoyai kwang'utik ak kaboorunoik eng' Misiri, ak eng' araraita ne piriir, ak eng' kenyiisyek artam eng' surkwen.

NG'ATUTIK 16:1

“Riip arawetap Abib ak iyachi Kamuktaindet ne Toroor Kamuktaindeng'ung' paska. Amu ki imoong'une `Kamuktaindet ne Toroor Kamuktaindeng'ung' eng' Misiri kemoi eng' arawetap Abib.

NG'ATUTIK 4:37

Amu ki chamei kwanisyeguk, kolewen anyun ineendet iyotennywa ne piitu let ak komoong'un eng' Misiri komi kobooten eng' kimnateennyi ne oo.

JOSHUA 24:5

Ki ayookte `Musa ak Aron, ak abire Misiri korotwek ko uu kiit ne ki ayai eng' kwenunnywa, ak ye ibata amutwak omong'u.

JOSHUA 5:14

Kowol chiichooto kole, “Achicha, kaanyo nguno aegu kiptaiyatap lugeet ne po Kamuktaindet ne Toroor.” Ki ing'uruuk Joshua kot koit ng'wony togeennyi kolas ak koleenji, “Imwachini nee otwogindeng'ung', ee kiptaiyandennyu?”