KOMONG'U 12:15 - BUKUIT NE TILIIL Sireet ne Dutero Kanon

¹⁵ Oam magatiinik che ma kinde mermereek peetuusyek tisap. Oistoi eng' peetuut ne tai mermereek eng' kooriikwok. Amu king'etoi age tugul eng' Israel ne kaam magatiinik che mi mermereek eng' kong'etee peetuut ne po tai agoi ne po tisap.

Bukuit Ne Tilil

¹⁵ Oam magatiinik che ma kinde mermereek peetuusyek tisap. Oistoi eng' peetuut ne tai mermereek eng' kooriikwok. Amu king'etoi age tugul eng' Israel ne kaam magatiinik che mi mermereek eng' kong'etee peetuut ne po tai agoi ne po tisap.

BUKUIT NE TILIL

¹⁵ Oam makatinik che ma kinde mermerek betusiek tisab; oistoi eng’ gorikwok mermerek agot eng’ betut ne bo tai: amu king’etoi age tugul eng’ Israel ne kaam makatinik che mi mermerek eng’ betut ne bo tai agoi betut ne bo tisab.

KOMONG'U 12:15 Referencias Cruzadas

TAUNET 17:14

Weeriit age tugul ne ma kimuratan poortonyi, king'etoi eng' piikyik, amu kibut kayomisennyu.”

2 ATEPTAP PEETUUSYEK 30:21

Ak ki riip piigap Israel che ki mi Jerusalem igoorto ne po magatiinik che ma kinde mermereek peetuusyek tisap eng' kagasetapkei ne oo; ak ki ilas Kamuktaindet ne Toroor Lawiik ak tisiik peetuut age tugul, kotyenjin Kamuktaindet ne Toroor eng' kibugandinik che cheitos miising'.

EZRAH 6:22

Kiboiboitu eng' poiboiyet ne oo, koboiboenji igoorto ne po magatiinik che ma kinde mermereek peetuusyek tisap, amu ki igoochi `Kamuktaindet ne Toroor icheek koboiboitu ak ki wal muguleldap laitoryatap Assyria kotokyigei icheek si kogimit icheek eng' poisyetap kootap Kamuktaindet, Kamuktaindetap Israel.

KOMONG'U 12:8

Amei kemounooto panyechooto kagibeel eng' ma, koamdoi magatiinik che ma kinde mermereek kobooto ingweek che ng'woneen.

KOMONG'U 13:3

Yeityo koleenji `Musa piik, “Obwaat anyun peetuuni ki omang'une Misiri kootap otwoknateet. Amu ki imoong'wok Kamuktaindet ne Toroor eng' kimnateetap eunnyi omang'une olooto. Eng' peetuuni anyun koma ki amei magatiinik che kaginde mermereek.

KOMONG'U 23:15

Yai igoortap magatiinik che ma kinde mermereek. Iame eng' peetuusyek tisap magatiinik che ma kinde mermereek ko uu ye ki ang'atiin eng' peetuut ne ki kiaror eng' arawetap Abib; amu arawanooto ne ki omang'une Misiri. Amat konyo chii tainnyu ak euut puch.

KOMONG'U 30:33

Chii age tugul ne puruchi mwai age tugul koigei niito anan chii age tugul ne iilee mwaiita toondet, king'etoi chiichooto eng' piikyik.’ ”

KOMONG'U 30:38

Ngo yai chii age tugul alak che uu chooto kole kogas ng'uunennyi, king'etoi chiichooto eng' piikyik.”

KOMONG'U 31:14

Nooto anyun oriip sabato amu itabaanat eng' okweek. Kibarei iman age tugul ne imurwooni.’ ” Ago king'etoi eng' piikyik chii age tugul ne yaei poisyet age tugul eng' peetuunooto.

KOMONG'U 34:18

“Kanyool iriip igoorto ne po magatiinik che ma kinde mermereek. Iame magatiinik che ma kinde mermereek eng' peetuusyek tisap ko uu ye ki ang'atiin eng' peetuusyek che ki kiaror eng' arawetap Abib. Amu ki omong'u eng' Misiri eng' arawanooto.

KOMONG'U 34:25

“Amegoite korotiigap tiseiywondennyu kobooto magatyat ne kaginde mermereek. Amat kong'et kot koeech tiseiywotap igoortap paska.

ATEPTAP LAWIK 17:10

“Ngo am korotiik alak tugul chii age tugul ne po kootap Israel, anan ne po punootik che tebyei kobootok, ko wechei togeennyu ineendet ne amei korotiik, ak ang'etoi ineendet eng' piikyik.

ATEPTAP LAWIK 17:14

Amu korotiik ko saboondo ne po poorto komugul, ak agenge korotiik ak saboondap poorto. Nooto anyun, ki aleenji piigap Israel, Amatata oam korotiik alak tugul che po poorto age tugul, amu saboondap poorto age tugul korotiikyik. King'etoi age tugul ne amei.

MALAKI 2:12

Igeesu Kamuktaindet ne Toroor chiito ne yachin ineendet kiito, ineendet ne kosu ak ineendet ne wolu. Ki istoe icheek emaisyegap Jakobo, kobooto ineendet ne igoitoi kagoochinet, kogoochin Kamuktaindet ne Toroor ne po lugoosyek.

KAITOSYEK 28:17

Ak egu igoorto eng' peetuut ne po taman ak muut ne po arawaniito. Ki amei magatiinik che ma kinde mermereek eng' peetuusyek tisap.

KAITOSYEK 9:13

Ago chiito ne tiliil ne ma miitei rutoito ama riip paska, king'etoi eng' piikyik, amu ma igoito kagoochinetap Kamuktaindet ne Toroor eng' peetuunnyi ne ki king'at. Ibei chiichooto ineegei kergong'yet ne nyoljin tengektanyi.

MATAYO 16:12

Ki nai anyun kole kamamwochi icheek koriibegei mermereek che kichobe magatinik, ago kaneetisyosyegap Pharisaik ak Sadukaik.

LUKA 12:1

Eng' saisyechooto, ye kingo yumgei piik ng'iisyat che po tuiyet, kot kotyechkei icheegei, kosip kotoi koleenji kasubikyik, Oriibegei mermeregap Pharisaik, nooto chombilisyet.

LUKA 2:43

ak ye kingo woong' peetuusyek, ye ki weeksei, kong'et lakweet Jeso eng' Jerusalem: ak ki ma nai sigiikyik;

POISYONIGAP CHE KIYOKTOI 12:3

Ak ye kingo keer kole ki ibaibai nooto Yahudik, kotoi konam Petero agine. Ak kibetusyegap magatyat ne ma kinde mermereek, peetuusyechooto.

GALATYEK 5:12

Katamache anyun ale koistogei icheeget che iluiluchok.

NG'ATUTIK 16:3

Ameam magatiinik che ki kinde mermereek. Am eng' peetuusyek tisap magatiinik che ma kinde mermereek, chooto magatinigap nyalilda; amu ki imang'une emetap Misiri eng' kagirgiret si ibwaat peetuut ne ki imang'une emetap Misiri kotee isabe.

NG'ATUTIK 16:5

Amat ieny che po paska eng' komosta age tugul ne po kurgotiguk ne koonin Kamuktaindet ne Toroor Kamuktaindeng'ung',

NG'ATUTIK 16:8

Am peetuusyek lo magatiinik che ma kinde mermereek ak koek eng' peetuutap tisap tuiyetap kaming'inetapkei eng' Kamuktaindet ne Toroor Kamuktaindeng'ung', ne ma kiyae poisyo age tugul eng' peetuunooto.