KOMONG'U 12:13 - BUKUIT NE TILIIL Sireet ne Dutero Kanon

¹³ Egu anyun korotichooto ko oile tugatugik kaboorunet eng' okweek eng' kooriikwok ole omi. Ye ageer korotiik asiirtoenok ak ma ityinok koroato konyo kong'emak ye abare emetap Misiri,

Bukuit Ne Tilil

¹³ Egu anyun korotichooto ko oile tugatugik kaboorunet eng' okweek eng' kooriikwok ole omi. Ye ageer korotiik asiirtoenok ak ma ityinok koroato konyo kong'emak ye abare emetap Misiri,

BUKUIT NE TILIL

¹³ Ak koek korotichoto kaborunet eng’ okwek eng’ gorikwok eng’ ole omi; ak ye ageer korotik, asiirtoenok, ak maityinok koroato konyo kong’emak, ye abare emetab Misri.

KOMONG'U 12:13 Referencias Cruzadas

TAUNET 17:11

Kimuratani iriryotap poorwekwok ak egu nooto kaboorunet ne po kayomiset eng' kwenunnyoo, anee ak okweek.

KOMONG'U 12:11

Oame anyun ko kaoratkei, ko kaolaach kweonikwok, oting'e eunekwok kirokweek ak oam ochokyini. Niito ko paska ne po Kamuktaindet ne Toroor.

KOMONG'U 12:23

Amu nyoo kosiirtoi Kamuktaindet ne Toroor kowendi kobarei taiywegap Misiriik. Ye keer korotiik eng' rateiywotap tugatuk ak eng' tugatugik tuwai eng' kooriikwok, kosiirto ineendet eng' kurganooto ak ma chamjin ng'emindet komong' nyoo kobaraak.

KOMONG'U 12:7

Ingonam icheek anyun korotiik ak koilee tugatugik tuwai ak rateiywotap tugatuk eng' koot age tugul ne ki ame arwanooto.

EZEKIEL 9:4

Ak ki leenji `Kamuktaindet ne Toroor ineendet, Ui pun kwenutap nganaseet, kwenutap Jerusalem, ak ing'ooch turyosyegap togoochigap piik che tigendos ak koriirtos agobo tuguuk tugul che kiwechei che ki yai eng' kwenunnyi.

1 THESSALONIKEK 1:10

ak ogeni Weeriinnyi ne punu kipsengwet, ne ki ing'eet komong' eng' che ki pek, ineendet Jeso, ne sarwech eng' nereeknateet ne nyoonei.

HEBRANIK 11:28

Ki yai paska eng' kayaneet, ak isisyetap korotiik, si matwa icheek ne kibarei weeriik che po tai.

JOSHUA 2:12

Asaok nguno ale, oyosyeiwo eng' Kamuktaindet ne Toroor, ko uu ye kayaiywok ne myee ko tuun oyachi ne myee ak okweek kootap abba. Ogoono kaboorunet ne po iman,

JOSHUA 2:18

Keero, ye ki itu emoni iratyi porowoni piriir tirisyet ne kechoortaenech, ak iyum kobwa koong'ung' kwandang'ung' kamenng'ung', tupchosyeguk ak piiguk tugul che po kootap kwandang'ung'.

1 JOHANA 1:7

ago ngot kebendote lapkeiyet, ko uu ye mi ineendet eng' lapkeiyet, keting'egei yamdaet, ak kotiliilech korotiigap Jeso Weeriinnyi eng' tengekwogikyok tugul.