KOMONG'U 10:3 - BUKUIT NE TILIIL Sireet ne Dutero Kanon

³ Ki pa anyun Musa ak Aron kap Pharaoh, ak koleenji; “Kamwa ko uu ni Kamuktaindet ne Toroor, Kamuktaindet ne po Yahudik, ‘Ieesyoi agoi au si iming'inigei eng' tainnyu? Mete piikyuk koba, koba koboisyeiwo.

Bukuit Ne Tilil

³ Ki pa anyun Musa ak Aron kap Pharaoh, ak koleenji; “Kamwa ko uu ni Kamuktaindet ne Toroor, Kamuktaindet ne po Yahudik, ‘Ieesyoi agoi au si iming'inigei eng' tainnyu? Mete piikyuk koba, koba koboisyeiwo.

BUKUIT NE TILIL

³ Kiba anyun Musa ak Aron gab Parao, ak kolenji, Kamwa ko u ni Jehovah, Kamuktaindet ne bo Hebranik, Iesioi kot kotianit si iming’inige eng’ tainnyu? Unde bikyuk koba, koba koboisiewa.

KOMONG'U 10:3 Referencias Cruzadas

1 LAITORINIK 18:21

Ki nyo Elijah koriikyi piik tugul ak koleenji, “Otebee kabwaatutik aeng' kot kotyanit? Ngot ko Kamuktaindet ne Toroor ko Kamuktaindet, osup ineendet; ago ngot ko Baal, osup anyun ineendet.” Ak ma wolji `piik ineendet ng'olyoo.

1 LAITORINIK 21:29

“Igeere ole iming'indogei Ahab eng' tainnyu? Amu iming'inegei eng' tainnyu, koma ibu yaityet eng' peetuusyekyik; ago aipchini yaityet koonnyi eng' peetuusyegap weeriinnyi.”

2 LAITORINIK 22:19

amu kang'arng'arit muguleldang'ung', ak iming'ingei eng' taitap Kamuktaindet ne Toroor, ye kangi kas kiit ne ki amwa agobo olito ak piik che menyei olito, ale egu karaatya ak chubeet, ak amu kegereer ngoroiguk ak iriir eng' tainnyu, kaagasin agane, mwaei Kamuktaindet ne Toroor.

2 ATEPTAP PEETUUSYEK 33:12

Ak kingo mi eng' nyalilda kosa Kamuktaindet ne Toroor Kamuktaindennyi, ak koming'ingei miising' eng' taitap Kiptaiyat Kamuktaindetap kwanisyekyik.

2 ATEPTAP PEETUUSYEK 33:19

Ki kisirchi agine saaennyi, ak ole kigasyindo Kamuktaindet, ak tengektanyi tugul ak kachiliilutyennyi, ak komoswek ole ki teech komoswek che torooreen, ak kolumda Aserik ak kanamonik che ki kiwai, ye ki tomo koming'ingei; ogeero, siraatiin chooto eng' kitabuutap ateptap peetuusyegap Hosai.

2 ATEPTAP PEETUUSYEK 34:27

amu kitangus muguleldang'ung', ak ki iming'ingei eng' taitap Kamuktaindet, ye kegas ng'aleekyik che nereekyin yuto, ak piik che menyei olito, ak iming'inigei eng' tainnyu, ak igereer ngoroiguk, ak iriir eng' tainnyu; ko kaagasun agane, mwaei Kamuktaindet ne Toroor.

2 ATEPTAP PEETUUSYEK 7:14

ngot koming'ingei piikyuk che kemwaitoe kainennyu, kosa, kocheeng'a ak kolakta ortinwekwak che po yaityet, agas anyun eng' kipsengwet; ak anyochi kaat eng' tengektonywa ak asoop emennywa.

Kitabuutap JOB 42:6

Kasaskei anyun amu nooto, kasigu eng' temburyek ak oreek.”

KOMONG'U 10:4

Keero, ngieesye imete piikyuk koba, ayookyini mutai chereng'endet emeng'ung'.

KOMONG'U 16:28

Ki leenji `Kamuktaindet ne Toroor Musa, “Oeesyoi osup ng'atuutikyuk ak kayomisutikyuk kot kotyanit?

KOMONG'U 4:23

ak kaamwaun aleenjin, Igoochi weeriinnyu kwo, si kobiit koboisyeiwo. Ago amu kaiete kwo, abare anyun taitang'ung'.’ ”

KOMONG'U 5:1

Kingo pata chuuto koba Musa ak Aron ak koleenji Pharaoh, “Kamwa ko uu ni Kamuktaindet ne Toroor, Kamuktaindet ne po Israel, kole, ‘Mete piikyuk koba, si kobiit koyaiywo igoorto eng' surkwen.’ ”

KOMONG'U 9:17

Ta ilasugei iraanye piikyuk, ak tomo igoochi koba?

KALEWANAIK 1:22

“Ochame abusnateng'wong' kot kotyanit, okweek che oo abusatiin? Poiboitune chotiik chotisyennywa kot kotyanit, ak wechei che perber naet?

KALEWANAIK 1:24

Amu ki aguurse, ago ki oeesye, ki aiite eunnyu, ago ma iit chii.

KALEWANAIK 18:12

Menei muguleldap chii kotom konyoor ng'emisyet, ak indoe kaming'inetapkei teegisto.

ISAIAH 1:5

Amu nee si kota kebirok, kot obistoe miising' kosiir? Myani metit komugul, ki kotanui muguleldo komugul.

ISAIAH 2:11

Kinyeroti che ieetegei, ak kiming'ini menoteetap piik, Kamuktaindet ne Toroor ineegei ne tororitu eng' peetuunooto.

JEREMIA 13:10

Igeitu pirenoni ma kotilei kiy, pichu yaacheen, che eesyoi kogas ng'aleekyuk, che pendote uuindap mugulelwekwak, ak kosuboti kamuktaik che teer, si koot icheek ak kolas.

JEREMIA 13:18

Mwachi laitoryat ak kametap laitoryat, ileenji, oming'inge, otebee ng'wony: ki kobutyo chepkuloikwok, chooto ko naaryeetap toroornateng'wong'.

JEREMIA 50:29

Kuur mwogik tugul kobargei ak Babilon, icheek tugul che riichei kwangok koyiem komoswekyik; amengochilil agot agenge eng' olooto: yaakyi mugetuut ko uu poisyonikyik; oyachi ko uu tugul che ki koyai: amu ki komenji Kamuktaindet ne Toroor, ki komenji Ineendet ne Tiliil ne po Israel.

EZEKIEL 5:6

Ak ki kongelelji kirwoogutikyuk amu ki yai sogornateet kosiir pororyosyek alak, ak kongelelji ng'atuutikyuk kosiir emotinwek che mi komoswekyik tugul: amu ki koeesyo kirwoogutikyuk, ama pendate icheek ng'atuutikyuk.

KAITOSYEK 14:27

“Amuitoi eng' tuiyoni ya ne ing'unyng'ung'jino kot kotyanit? Koagas kang'unyng'unyetap piigap Israel che ing'unyng'ung'jino.

ROMANIK 2:4

Anan isase mogornatosyek che po myeeindonyi ak muitaennyi ak talasyennyi ama inai ile imutyinin siguunet myeeindap Kamuktaindet?

HEBRANIK 12:25

Ogeer, amoeesye ineendet ne ng'alaali. Amu ngot ko ki ma chililyo icheek ye kingo eesyo ineendet ne kiga koteeita eng' ng'wony, kesiire ne tya anyun acheek ngot keistoegei ineendet ne iteu eng' kipsengwet:

JAKOBO 4:10

Oming'inge eng' taitap Kiptaiyat, si koeetok.

1 PETERO 5:6

Oming'inityige anyun euut ne kiim ne po Kamuktaindet, si kotoroorok ye kait peetuut;