KOMONG'U 1:14 - BUKUIT NE TILIIL Sireet ne Dutero Kanon

¹⁴ Ki igoochi saboonwekwak kong'woneegitu eng' otwoknateet ne koroom eng' poisyetap meneet ak matubaruuk, ak eng' poisyonik alak tugul che po emet. Eng' otwoknateennywa tugul ne ki ootis, ko ki ootis eng' kanyaliilet.

Bukuit Ne Tilil

¹⁴ Ki igoochi saboonwekwak kong'woneegitu eng' otwoknateet ne koroom eng' poisyetap meneet ak matubaruuk, ak eng' poisyonik alak tugul che po emet. Eng' otwoknateennywa tugul ne ki ootis, ko ki ootis eng' kanyaliilet.

BUKUIT NE TILIL

¹⁴ ak kiigochi sobonwekwak kong’wonegitu eng’ otwognatet ne korom; eng’ boisietab menet ak matabaruk, ak boisionik alak tugul che bo emet, otwognatenywa tugul ne kiyai, kigigochi koyai boisiet kobirtoegei.

KOMONG'U 1:14 Referencias Cruzadas

TAUNET 15:13

Ak ki leenji `Kamuktaindet ne Toroor Abram, “Iman tuun inae ile, egu lagoguk kiprutoin eng' emet ne ma nenywa, ak tuun ko otei pichooto, ak konyalilso icheek eng' kenyiisyek pogol ang'wan.

1 LAITORINIK 12:14

ak kong'alaalji icheek ko uu ye ki kamwachi neranik, koleenji, “Ki yai abba choging'wong' konyigiisit, ago atese choging'wong'. Ki itigonenok abba kipcharitisyek, ago atigoonenok melmelwek.”

TIENWOGIKAL 129:1

“Kigonyaliila icheek konyil che chaang' kobooch ko aa ming'in” Ingomwa Israel nguno kole,

TIENWOGIKAL 68:13

Agot ngirue piusyegap keechiirek, ko uu kebebaigap cheptuget ne ki kituge fedha, Ak koroorikyik che ki kiile thahabu che talelyonen.

TIENWOGIKAL 81:6

Ki aistoe tigikyennyi mileet: ki kiistoe eunekyik kitongok.

KOMONG'U 1:11

Ki inde anyun kipnyeberainik si kobiit konyaliil icheek eng' otisyet ne ki nyigiis. Ki teech koteekyi Pharaoh ole kigonoree tuguuk; nganasoogap Pitom ak Raamses.

KOMONG'U 1:13

Ki pirto `Misiriik piigap Israel eng' koroomnateet ne oo.

KOMONG'U 1:15

Ki ng'at anyun `laitoryatap Misiri chebyosogap sigisyo che po Yahudik che ki kiguure Sipra ak Pua,

KOMONG'U 2:23

Ye kingo pata peetuusyek che chaang', kome laitoryatap Misiri. Ki tigenso eng' ng'wanindo ak koriiryo piigap Israel amu otwoknateet, ak ki ityi riirekwak Kamuktaindet amu otwoknateet.

KOMONG'U 20:2

“Aa Kamuktaindet ne Toroor, Kamuktaindeng'ung' ne ki imutun imang'une emetap Misiri, kootap otwoknateet.

KOMONG'U 6:9

Ki ng'alaalji anyun `Musa piigap Israel ko uu nooto. Nga no, ko ki ma kas icheek ng'aleekyik amu ng'wanindo ne ki tinyei eng' mugulelwekwak, ak otwoknateet ne ki koroom.

KALEWANAIK 28:15

Uu ng'etundo ne pooriseni ak magalaluut ne ombenoti, pounindet ne ya ne pou kibananook.

ISAIAH 10:24

Mwaei anyun Kiptaiyat, Kamuktaindet ne Toroor ne po lugoosyek, kole, “Ee piikyuk che menyei Zion, amoiywei Assyria; nganda pirin eng' kirokto, ak konamjin parak agobo inyee, ko uu piteetap Misiri.

ISAIAH 14:6

che kibir pororyosyek eng' nereegek eng' piretap kotugul, che kiboi pororyosyek eng' nereegek, eng' usiisyet ne ma kirinda chii.

ISAIAH 51:23

Ak ande eutap icheeget che inyaliilin; che ki leenji saboondang'ung', “Ng'uruuge, si kobiit kesiirte: ak iite pateng'ung' koigei ng'wonyut, ak koigei ooreet, eng' icheek che siirtoi.”

ISAIAH 52:5

Mwaei anyun Kamuktaindet ne Toroor kole, ayae nee eng' yu, amu ki kimut piikyuk puch? Iteitos icheek che pou, mwaei Kamuktaindet ne Toroor, ak kichubei kainennyu kotugul, peetuut komugul.

ISAIAH 58:6

Tos ma karugutetapkei ni ne ki alewen: ale kityaach ratuutigap yaityet, kityaach anoogap chogit, ak keunda che kigetyekyi ng'wony, ak oiri chogit age tugul?

ATEPTAP LAWIK 25:43

Amat ibou ineendet eng' kimnateet ne koroom, ago iywei Kamuktaindeng'ung'.

ATEPTAP LAWIK 25:46

Ak oyai chooto koek poroteetap lagokwok, che piitu let, si konam kobunji. Onyoorunee icheek otwogikwok agoi, ago amobou eng' kimnateet ne koroom tupchosyekwok, piigap Israel, okweegei eng' okweegei.

ATEPTAP LAWIK 25:53

Ngo tebi kobooto ineendet ko uu otwogindet ne nyooru melekto eng' kenyiit agoi kenyiit; amat koboi ineendet eng' kimnateet ne koroom eng' taing'ung'.

MIKAH 3:3

che amei kogeny panyeegap piikyuk; ak koenyei irirenikwak, ak koiri kawekwak: ee, tonatoni, ko uu che kindo tereet, ak ko uu panyeek che kiyoi eng' saburyet.

NAHUM 3:14

Ram peek che po peetuusyek che kiyiemenen, igimit irimoiguk: uui ole mi meneet, ak ityech ng'atatyat, ak igimit ole kibeelee matubaruuk.

KAITOSYEK 20:15

ko uu ye kichoortagei kwanisyekyok koba Misiri, ki kimeny Misiri kenyiisyek che chaang', ak kiyaiywech Misiriik ne ya ak kwanisyekyok.

POISYONIGAP CHE KIYOKTOI 7:19

Ki ng'oomenji ineendet pororyennyo, ak koyachi ne ya kwanisyekyok, si kolakta manyurunikwak si ma sapcho.

POISYONIGAP CHE KIYOKTOI 7:34

Ki ageer iman nyalildap piikyuk che miitei Misiri, ak ki agas tigenennywa, ak kaachooruge si kobiit asar icheek: nyoo anyun nguno, ayookten iwe Misiri.’

NG'ATUTIK 26:6

Kingo yaiywech ne ya Misiriik, konyalilech ak koratyech poisyet ne nyigiis,

NG'ATUTIK 4:20

Ago konamak Kamuktaindet ne Toroor, ak komutwak omang'une maatap karnet eng' Misiri oegu piigap porotennyi ko uu rani.

RUTH 1:20

Koleenji `ineendet icheek, “Moguureno Naomi (chebaibai)! Oguureno Marah (chepnereekya), amu ki koyaiywo ineendet Ne po Kamuktaet kiit ne ng'waan.