KOLOSAIK 2:8 - BUKUIT NE TILIIL Sireet ne Dutero Kanon

⁸ Oriipkei si ma iluulok chii age eng' ng'omnatennyi ak kaberberisyet ne po puch, eng' pitonwegap piik, eng' kaneetisyosyek che po tai che po ng'wony, ak ma eng' Kristo:

Bukuit Ne Tilil

⁸ Oriipkei si ma iluulok chii age eng' ng'omnatennyi ak kaberberisyet ne po puch, eng' pitonwegap piik, eng' kaneetisyosyek che po tai che po ng'wony, ak ma eng' Kristo:

BUKUIT NE TILIL

⁸ Oripge si maluulok chi age eng’ ng’omnatennyi ak kaberberisiet ne bo buch, eng’ bitonwekab bik, eng’ konetisiosiek che bo tai che bo ng’ony, ak ma eng’ Kristo:

KOLOSAIK 2:8 Referencias Cruzadas

TYENDO NE SIIREI TUGUL 2:15

Namwech lelwek, lelwek che mengeechen, che ng'emei mbareenigap sabibuk; amu kayesyo taaptogap mbareenikyok che po sabibuk.

JEREMIA 29:8

Amu mwaei Kamuktaindet ne Toroor ne po lugoosyek, Kamuktaindetap Israel, ko uu ni kole: Among' koberberak maotik che mi kwenung'wong', ak piikwok che ng'oorsei, anan oyan karwotitaosyekwok che orwotyini.

MATAYO 10:17

Ago oriibegei piik; amu imutyinok kapkirwooget, ak kobirenok kipcharitisyek eng' sinagogisyekwak;

MATAYO 16:6

Ki leenji `Jeso icheek, “Oep iit ak oriibegei mermereegap Pharisaik ak Sadukaik.”

MATAYO 7:15

Oriibegei maotik che po lembech, che pwonjinok eng' ngoroik che po keechiirek nga suik che amei piich.

POISYONIGAP CHE KIYOKTOI 17:18

Ak ki tuiyo kobooto ineendet alak che po ng'amotigap Epikurio ak Stoiko. Ak kole alak, “Mwaei nee kipchang'alaini?” Kole alak, “Uu kabartaindet ne po kamuktaik che teer.” Ki mwa ng'aleechu amu ki amdoi agobo Jeso ak ng'eetyeet.

POISYONIGAP CHE KIYOKTOI 17:32

Ye kingo kas anyun agobo ng'eetyeetap che ki pek, kochombil alage; ago ki le alak, “Ta kegasun niito peetuut age.”

ROMANIK 16:17

Kasoomok anyun che kitupche, ale ogeer icheek che ing'eeti kabesyosyek ak kanagutik, che ma namegei ak kaneetisyet ne ki oneetkei: ak koistoegei icheek.

1 KORINTOEK 10:12

Nooto anyun ingoriipkei si ma ibut, ineendet ne ibwaati kole tononi.

1 KORINTOEK 8:9

Ago oriipkei si ma ek kanagutyet kimnatoning'wong' eng' che nyalulyotin.

2 KORINTOEK 10:5

kiluuli kabwaatutik, ak kiy age tugul ne toroor ne ieetegei kole kogirinda naetap Kamuktaindet, ak koluulei kabwaatet age tugul si kobiit kogas iit Kristo;

GALATYEK 1:14

ak ki atese tai eng' kayaneetap Yahudik kosiir siritoikyuk che chaang' eng' piigap emennyu agiiligei miising' kosiir agobo pitonwegap kwanisyekyuk.

GALATYEK 4:3

Ki uu nooto ak acheek, kingo ta ko ki lagok, ko kigiratotiin eng' kaneetisyosyek che po tai che po ng'wony:

GALATYEK 4:9

ago nguno ko kaonai Kamuktaindet, anan ko kagonaak okweek Kamuktaindet, amu nee anyun si oweektegei let kogeny oweekyigei kaneetisyosyek che po tai che nyalulyotin ak che po pananda, eng' chooto omache oweekyigei otwogindennywa kogeny?

GALATYEK 5:15

Ago ngot osusegei ak oamegei okweegei, oriipkei si morumge.

EPESOEK 2:2

che ki obendote ye kinye ko uu piteetap ng'wonyuni, osubi ne oo ne po kimnateet ne po soet, ne po kimnateet ne poisyei nguno eng' weeriitap ngelelnateet;

EPESOEK 4:20

Ago ki ma oneetkei Kristo ko uu nooto;

EPESOEK 5:6

Amat koberberak chii eng' ng'aleek che ma namegei ak kiy, amu nyoonjin nereeknateet ne po Kamuktaindet weeriitap ngelelnateet amu tuguuchuuto.

NG'ATUTIK 6:12

iriipkei anyun si meutye Kamuktaindet ne Toroor ne ki imutun imang'une emetap Misiri eng' kootap otwoknateet.

PILIPIK 3:2

Oriibegei sesenik, oriibegei yaigap yaityo, oriibegei icheek che tilegei:

KOLOSAIK 2:18

Amat korebenak chii melektang'wong' eng' ooreet ne machei ineendet, ne po kaming'inetapkei ak kalasunetap malaikaisyek, ak kogimitegei tuguuk che ki kogeer, ak komenee kabwaatutikyik che po poorto,

KOLOSAIK 2:20

Ko uu ye ki obegu kobooto Kristo omang'une kaneetisyosyek che po tai che po ng'wony, amu nee anyun si ogas iit arorutik, ko uu ye osaptosi eng' ng'wony,

KOLOSAIK 2:22

(petos tuguuchuuto tugul ye kiboisye), ko uu ng'atuutik ak kaneetisyosyegap piik?

KOLOSAIK 2:23

Tinyei tuguuchooto kaboorunet ne po utaatyet eng' chameet ne po kalasunet, ak eng' kaming'inetapkei, ak nyalilda ne kinyaliili poorto; matoreti kiy age tugul eng' katerteretap magutigap poorto.

1 TIMOTEO 6:20

Ee, Timoteo, riip anyun nooto kigegoonin, istoegei ng'aleek che ma namegei ak ooreetap Kamuktaindet, ak kabeletapkei ne po naet, nooto kiguure eng' lembech naet;

2 TIMOTEO 3:13

Ago tesoksei kiptengeginik ak keniik eng' yaityet, koberberisyei ak kiberberi.

HEBRANIK 13:9

Amatata ongobeetook kaneetisyosyek che pesyotin che teer: amu myee kolumdaak muguleldo eng' myeeindo; ma eng' amitwogik, che ki ma keljine kiy icheek che kiga pendate chooto.

HEBRANIK 3:12

Oriipkei anyun che kitupche, si ma piit chii age tugul eng' okweek ne tinyei muguleldo ne ya ne po pistoet, koistoegei Kamuktaindet ne sabei:

1 PETERO 1:18

ongen ole ki kityaachak omang'une atebeeng'wong' ne po puch ne ki onyooru eng' kwanisyekwok, ma eng' tuguuk che ng'emaksei, ko uu fedha anan thahabu;

2 PETERO 3:17

Ko okweek anyun, chamanichu, amu kaosip onai tuguuchuuto, oriipkei, si ma ichuutok kachiliiletap pistoik, ak obutye eng' tononeng'wong'.

2 JOHANA 1:8

Oriipkei, si momete tuguuk che ki keyai, ago si onyooru melekto ne nyiitaat.