KOLOSAIK 2:2 - BUKUIT NE TILIIL Sireet ne Dutero Kanon

² si kobiit kigaigai mugulelwekwak, ak keropchin eng' chamyet, ak eng' mogornatosyek tugul che po nyiietap kaguiyet, si kobiit konai icheek ung'ootyetap Kamuktaindet, ineendet Kristo,

Bukuit Ne Tilil

² si kobiit kigaigai mugulelwekwak, ak keropchin eng' chamyet, ak eng' mogornatosyek tugul che po nyiietap kaguiyet, si kobiit konai icheek ung'ootyetap Kamuktaindet, ineendet Kristo,

BUKUIT NE TILIL

² si kobiit kigaigai mugulelwekwak, ak keropchin eng’ chamnyet, ak eng’ magornatosiek tugul che bo nyiietab kaguiyet, si kobiit konai ichek ung’otietab Jehovah, inendet Kristo,

KOLOSAIK 2:2 Referencias Cruzadas

1 LAITORINIK 3:28

Ki kas Israel tugul kirwooget ne ki irwooch laitoryat; ak ki iywei laitoryat, amu ki keer kole mi utaatyetap Kamuktaindet eng' ineendet, si kobiit korwooch.

TIENWOGIKAL 133:1

Ogeero, myee ne tya ak karaaran ne tya ye meng'indos che tupcho eng' yamdaet agenge!

ISAIAH 32:17

Ak koek poisyetap imanda kaalyeet; ak kobiitune imanda kamuung'et ak kamang'unet koigeny.

ISAIAH 40:1

Ogaigai, ogaigai piikyuk, mwaei Kamuktaindeng'wong'.

ISAIAH 53:11

Tuun keerei che pitunee ng'wanindap saboondanyi, ak koyam; tuun iityin otwogindennyu ne po iman, imanda, piik che chaang', eng' naennyi: ak tuun ibei tengekwogikwak.

JEREMIA 9:24

Ago ingoloskei eng' ng'olyoondoni ineendet ne ilasugei, kole, ingeno ak konaa kole aa Kamuktaindet ne Toroor ne poisyee chamyet ne tala, kirwooget ak imanda eng' ng'wony. Amu aboiboitune tuguuchuuto. Mmwaei Kamuktaindet ne Toroor.

MATAYO 11:25

Eng' peetuusyechooto kowol Jeso kole, “Amwaun kongoi, we Abba, Kiptaiyatap kipsengwet ak ng'wony, amu ki iung'e tuguuchu che utaatiin ak che ng'oomeen, ak ki ing'aang'ji manyurunik;

MATAYO 11:27

Ki kogoono tuguuk tugul Abba: ama mi ne ingen Weeriit, kobatee Kwanda; ama mi ne ingen Kwanda kobatee Weeriit, ak chii age tugul ne chamei Weeriit kong'aang'jin.

MATAYO 13:11

Kowolji koleenji, “Kagegoonok onai ung'ootik che po pounatetap kipsengwet, ago ma kigoochi icheek.

LUKA 1:1

Amu ki konde eunekwak che chaang' kotet ng'aleek agobo tuguuchooto ki kosulda eng' kwenunnyo,

JOHANA 10:30

Anee ak Kwanda, ko ki agenge.”

JOHANA 10:38

Ago ngayai, ko agot ngo moyana, oyan poisyosyek: si kobiit onai ak oyan ole mi Kwanda eng' anee, ak anee eng' Kwanda.”

JOHANA 16:15

Chechuuk tuguuk tugul che tinyei Kwanda: nooto kaamwa, ale, namei chechuuk, ak koboorwok.”

JOHANA 17:3

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

JOHANA 5:17

Ak ki wolji Jeso koleenji, “Poisyei Abba agoi kora, ak aboisyei agane.”

JOHANA 5:23

si kobiit koteech tugul Weeriit, ko uu ye teechei Kwanda. Ineendet ne ma teechei Weeriit koma teechei Kwanda ne ki iyook ineendet.’ ”

JOHANA 6:69

Ak ki kiyan ak kingen keele ii Ne Tiliil ne po Kamuktaindet.”

POISYONIGAP CHE KIYOKTOI 4:32

Ak ki po muguleldo agenge ak saboondo agenge tuiyet ne kiga koyan. Ma mwa chii agot agenge kole nenyi kiy age tugul ne ki tinyei, ago ki yamdoi tuguukwak tugul.

ROMANIK 15:13

Nooto anyun, ingonyiitak Kamuktaindet ne po kamang'unet poiboiyet tugul ak kaalyeet eng' kayaneet, si kobiit otesage eng' kamang'unet, eng' kamuktaetap Kabuuset ne Tiliil.

ROMANIK 16:25

Nguno eng' ineendet ne imuuchi kogimitok ko uu logoiywekyuk che myach ak amdaetap Jeso Kristo, ko uu ng'ang'utyet ne po ung'oot ne ki kagiuny kosiis kobooch peetuusyek che po koigeny,

ROMANIK 2:4

Anan isase mogornatosyek che po myeeindonyi ak muitaennyi ak talasyennyi ama inai ile imutyinin siguunet myeeindap Kamuktaindet?

1 KORINTOEK 14:31

Amu omuuchi okweek tugul oamde agenge agenge, si kobiit koneetkei tugul, ak konyoor kagaigaet tugul;

1 KORINTOEK 2:12

Ago ki ma kitaach kabuuset ne po ng'wony, ago Kabuuset ne po Kamuktaindet, si kenai tuguuk che ki kogoonech Kamuktaindet puch.

GALATYEK 3:28

Ma imugaksei keele mi Yahudyot anan Yunanindet, ama mi otwogindet anan ne ityagat, ama mi ne muren anan ne tye: amu okweek tugul ko oo agenge eng' Kristo Jeso.

EPESOEK 1:7

ne ki tinyei eng' ineendet katyagennyo eng' korotiikyik, nyoetap kaat ne po chalwogikyok, ko uu mogornatosyegap myeeindonyi,

EPESOEK 3:16

si kobiit kogoonok, ko uu mogornatosyegap toroornatennyi, ogimegitu eng' kamuktaet eng' Kabuusennyi eng' chiito ne po oriit;

EPESOEK 3:3

ko uu ye ki kiboorwo eng' ng'ang'utyet ung'ootyet, ko uu ye ki asip asir eng' tai eng' ng'aleek che ng'ering',

EPESOEK 6:22

ne koayokwok agobo ng'olyoondoniito, si kobiit onai ng'aleekyok, ak kogaigai ineendet mugulelwekwok.

PILIPIK 2:1

Ngo miitei anyun kagaigaet age tugul eng' Kristo, ngo mi saisaet age tugul ne po chamyet, ngo mi yamdaet age tugul ne po Kabuuset ne Tiliil, ngo mi rireenosyek ak riirge,

PILIPIK 3:8

Ee iman, ak aiiti tuguuk tugul koek tugun che ki kobetyo amu telunateet ne po naetap Kristo Jeso, Kiptaiyandennyu: ki kobetwo tuguuk tugul amu ineendet ak aiiti ale pusagaryek, si kobiit anyoor Kristo,

KOLOSAIK 1:26

ung'ootyet ne ki kiuny kobooch kenyiisyek tugul che ki kosiirto ak ibinwek: ago nguno, ko kagiboorchi chechiik che tiliileen,

KOLOSAIK 1:27

che ki cham Kamuktaindet kong'aang'ji kiit ne uu mogornatosyegap toroornatet ne po ung'ootyoniito eng' Pororyosyek, nooto Kristo eng' okweek, kamang'unetap toroornatet:

KOLOSAIK 1:9

Amu niito anyun, koma kimete kesaa ak kesoom agobo okweek kobooch peetuut ne ki ngegas, keele konyiiak naetap magennyi eng' utaatyet tugul ak kaguiyet ne punu Kabuuset ne Tiliil,

KOLOSAIK 2:19

ama namei komyee Metit, ne nyoorunee poorto tugul teset eng' teset ne punu Kamuktaindet, ko kagonyoor tugul, ak konamatkei eng' kebeberwek ak tigitik.

KOLOSAIK 3:14

ak otes eng' tuguuchuuto tugul chamyet, nooto ratuutyet ne po kagesunetapkei.

KOLOSAIK 4:3

osaiywech ak acheek, si koyatwech Kamuktaindet kurgeet ne po ng'olyoot, kemwa ung'ootyetap Kristo; ki kirata agobo nooto;

KOLOSAIK 4:8

ne koayokwok amu ng'olyoondoniito, si kobiit onai atebeennyo, si kogaigai mugulelwekwok;

1 THESSALONIKEK 1:5

keele ki ma pwonjok logoiywekyok che myach eng' ng'olyoot kityo, ago eng' kimnateet agine, ak eng' Kabuuset ne Tiliil ak eng' naet ne ongen inne; ko uu ye ongen ole ki kipiik che uu nee eng' taing'wong' agobo okweek.

1 THESSALONIKEK 3:2

ak kiyogu Timoteo, tupchennyo ak ko kiboityotap Kamuktaindet eng' logoiywek che myach che po Kristo, kogimitok, ak kogaigaak agobo kayaneng'wong';

1 THESSALONIKEK 5:14

Ak kitigoonok, che kitupche, keele oteechi che ma riibei che ki king'at, ocher che nyogooren, otoret che nyalulyotin, omuite ak piik tugul.

1 TIMOTEO 3:16

Ak ne matiny, ko oo ung'ootyot ne po kayweet ne kiywei Kamuktaindet: Ineendet ne king'ang'ak eng' poorto, ki kiityi imanda eng' Kabuuset ne Tiliil, ne ki keer malaikaisyek, ne ki kiamda eng' Pororyosyek, ne ki iyan che po ng'wony, ne ki kimut kwo parak eng' toroornatet.

HEBRANIK 10:22

ongeriikte anyun eng' muguleldo ne po iman eng' nyiietap kayaneet, ko kageis mugulelwekyok kemete kabwaatet ne ya, ak kiuun poorwekyok eng' peek che tiliileen:

HEBRANIK 6:11

Ak kimache miising' chii age tugul eng' okweek keele kobarta kagiilonooto pogei eng' nyiietap kamang'unet agoi kagesunet:

2 PETERO 1:10

Eng' nooto anyun che kitupche, ogiilgei miising' inne, oyai kuurseng'wong' ak leweneng'wong' kogiimit, amu ngot oyai tuguuchuuto koma koi obutye matiny.

2 PETERO 1:3

Amu ki koonech `kamuktaetap Kamuktaindet tuguuk tugul che nyoljin saboondo ak kayweet ne kiywei Kamuktaindet, eng' naet ne kinae ineendet ne ki kuurech eng' toroornatennyi ak myeeindonyi.

2 PETERO 3:18

Ago oneryee eng' myeeindo ak naet ne po Kiptaiyandennyo ak ko Yetindennyo Jeso Kristo. Nenyi toroornatet nguno agoi koigeny. Amen.

1 JOHANA 3:19

Kinae eng' niito keele ki po imanit, ak kigoigoi mugulelwekyok eng' tainnyi,

1 JOHANA 5:7

Amu mi somogu che paoryani: