KIRUOGIK 8:26 - BUKUIT NE TILIIL Sireet ne Dutero Kanon

²⁶ Ki ek nyigiisindap munaogap itiik che po thahabu, che kiga soom ineendet, keruutik tiptem; koma ki it kariigap lelesta, kariik alak che po kaatit, ngoroik che arusen ne piriir che ki ilaachi laitorinigap Midian ak nyororosyek che ki mi kaatwegap tambeesik.

Bukuit Ne Tilil

²⁶ Ki ek nyigiisindap munaogap itiik che po thahabu, che kiga soom ineendet, keruutik tiptem; koma ki it kariigap lelesta, kariik alak che po kaatit, ngoroik che arusen ne piriir che ki ilaachi laitorinigap Midian ak nyororosyek che ki mi kaatwegap tambeesik.

BUKUIT NE TILIL

²⁶ Ak kiek nyigisindab munaokab itik che bo tahabu, che kiga som inendet, sekelisiekab tahabu elfut agenge ak bogol tisab; ko ma kiit karikab lelesta, ak karik alak che bo kaatit, ak ngoroik che arusen ne birir che kiilachi laitorinikab Midian, ko ma kiit sirimwek che kimi kaatwekab tambesik.

KIRUOGIK 8:26 Referencias Cruzadas

KALEWANAIK 31:22

Napchingei kitambaok che po lelesta; po ngoroikyik katanit ne karaaran ak ko po tuguuk che arusen ne piriir.

ISAIAH 3:18

Istoi Kiptaiyat eng' peetuunooto karaaranindap mugurekwak, ak kwambelelik, ak kariik che po kaatit,

JEREMIA 10:9

Miitei fedha che ki kitany kolebelitu che ki kiibune Tarsis, ak thahabu che punu Upas, nooto poisyetap musogindet ak po kitang'indetap thahabu; buluu ngoroikwak ak ko arusen ne piriir; poisyetap piik che ng'oomen chooto tugul.

EZEKIEL 27:7

Ki po katanit ne karaaran ne ki kinde lelesta, angeeng'ung' ne ki punu Misiri, si koek eng' inyee songolyet; ki buluu ak ko aruus ne piriir emaing'ung' ne ki punu ngeguusyegap Elisha.

LUKA 16:19

Ak ki mi chii anum ne ki mogoryo ne ki ilaachi ngoroik che arusen ne piriir, ak che po katanit ne karaaran, ak kibaibai peetuut age tugul, ak kotalbisi:

JOHANA 19:2

Ak kita kiplugotinik ngatyet ne po katook, ak konde metit, ak kolaakyi ineendet ngoryeet ne aruus ne piriir;

JOHANA 19:5

Komong' Jeso anyun konyo saang', ko kerat metit eng' ngatyetap katook, kolaaganu ngoryonooto aruus ne piriir. Ak koleenji Pilato pichooto, “Ogeer chiichi anyun o!”

NG'ANG'UTYET 17:4

Ak ki ilaachi kobogoryot ngoroik che arusen ne piriir ak che piriireen, ak ki kilelesanjine thahabu ak koik che po kamanuutyet ne oo miising' ak sonoek che korooron, ak kotinyei eng' eunnyi kigombet ne po thahabu ne nyiitaat tuguuk che kiwechei, tuguugap simdo che po soksennyi,

NG'ANG'UTYET 18:12

tuguugap thahabu, ak fedha, ak koik che pichiien eng' alet, ak sonoek che korooron, ak katanisyek che korooron, ak ngoroik che arusen ne piriir, ak aririsyek, ak ngoroik che piriireen; ak keetit age tugul ne nyamdut, ak kiit age tugul ne po kelegap peeleek, ak kiit age tugul ne ki kiyae keetit ne po kamanuutyet ne oo, ak che po sugunonik, ak kariik, ak koik che leelachen;

NG'ANG'UTYET 18:16

koleen, “Pwo! Pwo! Wee nganaseet ne oo, ne ki ilaachi katanisyek che korooron, ak ngoroik che arusen ne piriir ak che piriireen, ne ki kilelesanjine thahabu ak koik che po kamanuutyet ne oo ak sonoek che korooron!

KIRUOGIK 8:21

Yeityo komwa Seba ak Salmuna kole, “Ng'eet parech! Amu ko uu kiit ne uu mureno, ko uu nooto kimnateennyi.” Ara king'eet Gideon ak kobar Seba ak Salmuna, ak konem kariigap lelesta che ki mi kaatwegap tambeesikwak.

KIRUOGIK 8:25

Ak ki wol icheek kole, “Kigoonu eng' chamyet.” Ak ki iito ngoryeet, ak kowiirchi chii tugul munaogap itiik che po parunenik.

KIRUOGIK 8:27

Ki yai Gideon ephod eng' tuguuchooto, ak ki inde nganasennyi, eng' Ophrah. Ki isup Israel tugul kioto koyaat ibeetapkei, ak ki ek kioto mesteet eng' Gideon ak eng' koonnyi.