KIRUOGIK 7:2 - BUKUIT NE TILIIL Sireet ne Dutero Kanon

² Ki leenji Kamuktaindet ne Toroor Gideon, “Chaang' piik che mi kobooten ne ma muuchi ande Midianik eunekwak, si ma menjo Israel kole, ‘Kasarwo eunnyu.’

Bukuit Ne Tilil

² Ki leenji Kamuktaindet ne Toroor Gideon, “Chaang' piik che mi kobooten ne ma muuchi ande Midianik eunekwak, si ma menjo Israel kole, ‘Kasarwo eunnyu.’

BUKUIT NE TILIL

² Ak kilenji Jehovah Gideon, Chang’ bik che mi koboten ne mamuchi ande Midianik eunekwak, si mamenja Israel kole, Kasorua eunnyu.

KIRUOGIK 7:2 Referencias Cruzadas

TAUNET 46:2

Ki ng'alaalji `Kamuktaindet Israel eng' ng'ang'utik che po kemoi, koleenji, “Jakobo! Jakobo!” Ak ki le, “Ami yu.”

2 ATEPTAP PEETUUSYEK 14:11

Ki riirchi `Asa Kamuktaindet ne Toroor Kamuktaindennyi, kole, “Kamuktaindet ne Toroor, ma mi age kobatenen ne imuuchi kotoretis eng' kwenutap ne kiim ak ne ma tinyei kimnateet: toretech, ee Kamuktaindet ne Toroor, Kamuktaindennyo; amu kimang'un, ak kagibwa kebarge ak tuiyoni eng' kaineng'ung'. Ee Kamuktaindet ne Toroor, ii Kamuktaindennyo; amat koterteerin chii.”

ISAIAH 10:13

Amu ki komwa kole, “Ki ayai niito eng' kimnateetap eunnyu, ak eng' utaatyennyu, amu aguitosi; ki aiste kiwotosyegap pororyosyek, ak ki arebee konoraikwak, ak ki aming'in icheek che tebee ng'echerogap laitornatet, ko uu chiito ne nyigan.

ISAIAH 2:11

Kinyeroti che ieetegei, ak kiming'ini menoteetap piik, Kamuktaindet ne Toroor ineegei ne tororitu eng' peetuunooto.

ISAIAH 2:17

Kiming'ini kaeetetapkei ne po chiito, ak kinyeroti menoteetap piik; Kamuktaindet ne Toroor ineegei ne tororitu peetuunooto.

JEREMIA 9:23

Mwaei Kamuktaindet ne Toroor kole, amat koloskei chiito ne utaat eng' ng'omnatennyi, anan koloskei chiito ne kiim amu kimnateennyi, amat koloskei mogoryot eng' mogornatosyekyik.

EZEKIEL 28:17

Ki itoroorge eng' muguleldang'ung' amu karaaranindang'ung', ki ing'em utaatyeng'ung' amu kakweng'eng'ung': kaawiirchin ng'wony kaandein taitap laitorinik, si kobiit kogeerin.

EZEKIEL 28:2

Ee, weeriitap chii, mwachi pounindetap Tyro, ileenji, mwaei Kiptaiyat Kamuktaindet ne Toroor kole: Amu kiitoroorge eng' muguleldang'ung', ak imwa ile, Aa kamuktain, atebee ng'echereetap Kamuktaindet, eng' kwenutap nyanjosyek; ago ii chiito, ma ii Kamuktaindet, agot nganda ki iyaige eng' muguleldang'ung' iige Kamuktaindet:

HABAKUK 1:16

Eng'jin anyun regereiywondennyi ne kiname njireenik, ak kobeeljin nyamdutik regereiywondennyi ne oo; amu nyoorunee chooto tuguukyik che myach, ak amitwogikyik che chaang'.

SEKARIA 12:7

Sip kosaru Kamuktaindet ne Toroor emaisyegap Judah, si ma eet toroornatetap kootap Daudi ak toroornatetap piik che menyei Jerusalem, kosiir Judah.

SEKARIA 4:6

Kowol koleenjo, “Ni ko ng'olyootap Kamuktaindet ne Toroor ne mwachin Zerubabel koleenjin: Ma eng' kamuktaet, ama eng' kimnateet, ago eng' Kabuusennyu ne Tiliil, mwaei Kamuktaindet ne Toroor ne po lugoosyek.

KAITOSYEK 31:4

Oyookte eliphuut eng' ooreet age tugul, eng' ortinwek tugul che po Israel koba lugeet.”

ROMANIK 11:18

mechauge ile isiire mooriik: ago, ngot ichauge, koma inyee ne igeseni tigityot, ago tigityot ne kesenin.

ROMANIK 3:27

Mi ano anyun kachaunetapkei? Kigegerchi saang'. Eng' ng'atuutyet ne uu nee? Ne po poisyonik? Achicha: ago eng' ng'atuutyetap kayaneet.

2 KORINTOEK 4:7

Ago ki tinyei konorwani eng' tereenik che po kimindeet, si kobiit kobunji Kamuktaindet ooindo ne siirtoot miising' ne po kamuktaet, ago ma acheek;

EPESOEK 2:9

ama po poisyonik, si ma iloskei chii.

NG'ATUTIK 32:27

Nda ki ma aiywei tagisyetap puunyoot, Si ma ibwaat puunikwak perberyo, ak komwa kole, ‘Kagotororit eunnyo, ak ma yai Kamuktaindet ne Toroor chooto tugul.’ ”

NG'ATUTIK 8:17

si mele eng' muguleldang'ung', “Kagoono kimnateennyu ak kamugetap eunnyu mogornatoni.”

NG'ATUTIK 8:18

Ago ibwaat Kamuktaindet ne Toroor Kamuktaindeng'ung' amu ineendet ne koonin kimnateet ne inyoorunee mogornateet, si kogimit kayomisennyi ne ki iyasyechi kwanisyeguk, ko uu ye yaei rani.

JAKOBO 4:6

Ago koonu myeeindo ne tesat. Leen anyun, “Kirindoi Kamuktaindet che meniotin, ak kogoochin myeeindo che iming'inegei.”

1 SAMUEL 14:6

Ki leenji `Jonathan murenooto ki ipchin kariikyik che po lugeet, “Nyoo kelande keebe ole mi lugeetap chu ma kimuratan, abeere imuuchi kotoretech Kamuktaindet ne Toroor amu ma mi kiy ne etee Kamuktaindet ne Toroor kosar eng' che chaang' anan ko eng' che ng'ering'.”