KIRUOGIK 7:12 - BUKUIT NE TILIIL Sireet ne Dutero Kanon

¹² Kiga ruiyo Midianik, Amelegik ak piigap kong'asiis tugul eng' atebweet koigei chereng'enyinik eng' chaang'indo ak ki ma koitoksei, ki tee tambeesikwak ng'aniegap ngeguutap nyanjet eng' chaang'indo.

Bukuit Ne Tilil

¹² Kiga ruiyo Midianik, Amelegik ak piigap kong'asiis tugul eng' atebweet koigei chereng'enyinik eng' chaang'indo ak ki ma koitoksei, ki tee tambeesikwak ng'aniegap ngeguutap nyanjet eng' chaang'indo.

BUKUIT NE TILIL

¹² Ak kiga ruiyo Midianik ak Amalegik ak bikab kong’asis tugul eng’ atebwet koigei chereng’enyinik eng’ chang’indo; ak kima ko iitoksei, ki te tambesikwak ng’aniekab ngegutab nyanjet eng’ chang’indo.

KIRUOGIK 7:12 Referencias Cruzadas

1 LAITORINIK 20:27

Ki iyumgei ak icheek piigap Israel ak kigoochi amitwogik, ak kobokto kobargei ak pichooto. Ki teech nganaseet eng' tainnywa koigei akwotisyek aeng' che tutigin che po aaregap ng'oroor; ago ki nyi piigap Syria emet.

1 LAITORINIK 4:30

Ki siir utaatyetap Solomon ng'omnatetap piik tugul che po kong'asiis, ak ng'omnateet tugul ne po Misiri.

TIENWOGIKAL 3:1

Ee Kamuktaindet ne Toroor, kagotesak puunikyuk ne tya! Chaang' ne tya che ng'eetyina!

TIENWOGIKAL 33:16

Ma mi laitoryat ne saruunegei chaang'indap lugeet; ma kisaru ne nyigan eng' kimnateet ne oo.

JEREMIA 46:23

Iluuli osnennyi, mwaei Kamuktaindet ne Toroor, agot ngo ma kimuuchi kisyach; amu chaang' kosiir chereng'enyinik, ama iitoksei.

JOSHUA 11:4

Ki pwa komong' anyun icheeget ak lugosyekwak tugul. King'iisyat icheek kobooto paraisisyekwak ak kariisyek ko uu ng'aniek che mi ngeguutap nyanjet eng' chaang'indo.

KIRUOGIK 6:3

Ye kingo kagogolso Israel, kotogos anyun Midianik, ak Amelegik ak piigap kong'asiis, kobwa kobargei ak icheek.

KIRUOGIK 6:33

Ki iyumgei anyun Midianik tugul ak Amelegik ak piigap kong'asiis, ak kolong' koteech atebweetap Jezreel.

KIRUOGIK 6:5

Amu ki pwa kotogos ak tuukwak ak emaisyekwak, ak ki mong' ko uu chereng'enyinik eng' chaang'indo; ki ma ko iitoksei icheek ak tambeesikwak; ak ki pwa kong'em emet.

KIRUOGIK 7:13

Kingo it Gideon yooto, ko ki mi chiito ne ki mwachi chorwennyi karwotitoet koleenji, “Keero, koarwotyi karwotitoet: koibutyi magatyat ne ming'in ne po baale nganaseetap Midian ak kororokyi emait, yeityo kokwer koluul ak kogabui koru eng' ng'wony.”

KIRUOGIK 8:10

Ki mi Seba ak Salmuna Karkor kobooto lugosyekwak, olo po piik eliphuusyek taman ak muut, tugul che ki ng'et eng' lugeet tugul ne po piigap kong'asiis. Amu kiga kobek piik eliphuusyek pogol agenge ak tiptem eng' icheek che ki tinyei kariigap lugeet.

1 SAMUEL 13:5

Ki iyumgei Philistiik si kobargei ak Israel kotinyei kariisyek eliphuusyek sosom ak piik eliphuusyek lo che ketei paraisisyek, kobooto piik che tee ng'aniegap ngeguutap nyanjet eng' chaang'indo. Ki togos koteech Mikmas ne tokyingei kong'asiis eng' Beth-aben.

1 SAMUEL 30:17

Ki par `Daudi icheek kobooch ko karatarat agoi koskoleng'utap peetuut ne po aeng', ama chilil chii agot agenge, kobatee murenik pogol ang'wan che ki laany tambeesik ak komwei.