KIRUOGIK 6:34 - BUKUIT NE TILIIL Sireet ne Dutero Kanon

³⁴ Ago ki nyoonji Kabuusetap Kamuktaindet ne Toroor Gideon; ak ki kuut igoondit ak ki iyumgei Abiesrik koosup ineendet.

Bukuit Ne Tilil

³⁴ Ago ki nyoonji Kabuusetap Kamuktaindet ne Toroor Gideon; ak ki kuut igoondit ak ki iyumgei Abiesrik koosup ineendet.

BUKUIT NE TILIL

³⁴ Ago kinyonji Tamirmirietab Jehovah Gideon; ak kiguut igondit; ak kiiyumgei Abiesrik kosub inendet.

KIRUOGIK 6:34 Referencias Cruzadas

1 ATEPTAP PEETUUSYEK 12:18

Konyonji anyun `Kabuuset ne Tiliil Amashai, ne ki ne oo eng' pichooto sosom, ak kole: “Ki cheguuk, Daudi! Ki mi komostang'ung', inyee weeriitap Jesse! Mi kaalyeet, ingotep kaalyeet kobooten, ak ingotep kaalyeet kobooto toretiguk, amu toretin Kamuktaindeng'ung'.” Kotaach anyun `Daudi icheek, ak koyai koek kiptainigap kweanet.

1 ATEPTAP PEETUUSYEK 12:19

Ki pa ole kimi Daudi ak icheek alak che po Manasseh, ye kingo pwa kobooto Philistiik kobookyin Saulo, ago ma toret pichooto icheeget. (Amu ki irwooch kiptainigap Philistiik si koon ineendet kole “Tuun pagaachech ak kwo konamgei ak Saulo kiptaiyandennyi, si koek ng'oiyonditap saboonwekyok.”)

2 ATEPTAP PEETUUSYEK 24:20

Ki nyoonji `Kabuusetap Kamuktaindet ne Toroor Zekariah weeriitap Jehoiada tisiindet; ki tonon eng' ole toroor ak koleenji piik, “Kale Kamuktaindet: Amu nee si obistoe ng'atuutigap Kamuktaindet ne Toroor, si mobor? Amu ki omete Kamuktaindet ne Toroor, ko kagometook ak okweek.”

TIENWOGIKAL 51:11

Ametortaa eng' ole imi; ameistoena Kabuuseng'ung' ne Tiliil.

KAITOSYEK 10:3

Ak ye kuut icheek tuguuchooto tuwai koyumjigei tuiyet komugul ole imi, eng' kurgeetap emait ne kituiyechin.

ROMANIK 13:14

Ago olach Kiptaiyat Jeso Kristo, amochopchi poorto poroindo, si oyai maguutikyik.

GALATYEK 3:27

Amu che tee eng' okweek che ki kibatisanjok Kristo ko ki olaach Kristo.

JOSHUA 17:2

Ki punji lagogap Manasseh che ki ng'et, ko uu ortinwekwak, chooto lagogap Abiezer, lagogap Helek, lagogap Asriel, lagogap Shekem, lagogap Hepher ak lagogap Shemida. Chooto murenik che po iyoteetap Manasseh weeriitap Joseph, ko uu ortinwekwak.

KIRUOGIK 13:25

Ki toi Kabuusetap Kamuktaindet ne Toroor kobois eng' ineendet eng' Maane-dan, kwenutap Sora ak Estaol.

KIRUOGIK 14:19

Ki nyoonji ineendet `Kabuusetap Kamuktaindet ne Toroor eng' kimnateet, ak kichoortagei kwo Askelon, ki par piik sosom che po pichooto ak koip parunenikwak ak ki igoochi ngoroik che kiwalawali, icheek che ki iboor tangochonooto. Ak kinereech kot ineendet ak kitogosta kwo kootap kwandanyi.

KIRUOGIK 15:14

Kingo it Lei, kowaakyo Philistiik ko katuiyo ak ineendet. Ki nyoonji ineendet `Kabuusetap Kamuktaindet ne Toroor eng' kimnateet ak ki igei rogoosyek che ki mi eunekyik, katanit ne kabeel maat, ak ki ibutyo eng' eunekyik tuguuk che kiga kirate.

KIRUOGIK 3:10

Ki nyoonji ineendet Kabuuusetap Kamuktaindet ne Toroor, ak ki irwookyi Israel ak ki wo lugeet. Ki inde Kamuktaindet ne Toroor eunnyi Kusan-risataim laitoryatap Mesopotamia ak ki iterteer Othniel ineendet.

KIRUOGIK 3:27

Kingo it Ehud emennyi, koguut igoondit, kochoortagei piigap Israel kobooto ineendet eng' emetap tuloonook, komi ineendet kondoe.

KIRUOGIK 6:11

Ki nyo malaikaiyatap Kamuktaindet ne Toroor ak kotebee keetitap alayet keel ne ki mi Ophrah, ne ki po Joash Abiesrindet. Kituei weeriinnyi Gideon nganuuk eng' ole kitue sabibuk, si kobiit kouny nganuchooto eng' Midianik.

KIRUOGIK 8:2

Ago ki leenji ineendet, “Koayai nee ne siirei ne kooyai okweek? Tos ma kaigai turetap sabibugap Ephraim kosiir kesisyetap Abiezer?

1 SAMUEL 10:6

Nyonjinin Kabuusetap Kamuktaindet ne Toroor eng' kimnateet, ak imaoten kobooto icheek ak kewalin iegu chiito age.

1 SAMUEL 11:6

Ye kingo kas ng'aleechooto, konyonji ineendet Kabuusetap Kamuktaindet eng' kimnateet, ak ki nereekyi ineendet kot.

1 SAMUEL 13:3

King'em `Jonathan irimeetap kiplugotinigap Philistiik ne ki miitei Geba ak ki kas Philistiik agobo niito. Ki ng'at Saulo keguut iryageet eng' emet tugul, koleen, “Ingogas Yahudik.”

1 SAMUEL 16:14

Kiga kwo Kabuusetap Kamuktaindet ne Toroor eng' Saulo, ak ki inyaliil ineendet tamirmiryet ne ya ne ki punu Kamuktaindet ne Toroor.