KIRUOGIK 3:7 - BUKUIT NE TILIIL Sireet ne Dutero Kanon

⁷ Ki yai ne ya piigap Israel eng' taitap Kamuktaindet ne Toroor, koutye ineendet kamuktaindennywa ak koot Baalik ak Aserot.

Bukuit Ne Tilil

⁷ Ki yai ne ya piigap Israel eng' taitap Kamuktaindet ne Toroor, koutye ineendet kamuktaindennywa ak koot Baalik ak Aserot.

BUKUIT NE TILIL

⁷ Ak kiyai ne ya lagokab Israel eng’ taitab Jehovah, ak koutie Jehovah Kamuktaindenywa, ak koot Baalik ak Aserot.

KIRUOGIK 3:7 Referencias Cruzadas

1 LAITORINIK 16:33

Ki yai Ahab Asera ak ki yai tuguuk alak kotes kotach Kamuktaindet ne Toroor, Kamuktaindetap Israel, konereech, kosiir laitorinik tugul che po Israel che ki indoune ineendet.

1 LAITORINIK 18:19

Iyookte anyun nguno kiyumwa Israel tugul kobwa tulweetap Karmel, kobooto maotigap Baal pogol ang'wan ak konom, ak maotigap Asera pogol ang'wan, che amisye meesetap Jesebel.”

2 LAITORINIK 23:14

Kituatui anyun ineendet tolochik ak koep Aserik koluul, ak ki inyiit olooto kawegap piik.

2 LAITORINIK 23:6

Ki ip Asera komong' eng' kootap Kamuktaindet ne Toroor, koip komanda eng' Jerusalem, agoi kererutap Kidron, ak kobeel, ak kotuatui komengegitu koek pusbusiik, ak koseer koba kereeriisyegap piik.

2 ATEPTAP PEETUUSYEK 15:16

Ki isto `Asa kamennyi Maaka agine, si mata koek laitoryat ne kwondo, amu kiga koyai kanamwet ne kiwechei ne po Asera. Kibut Asa kanamwennyi ak kotui koek temburyek, ak kobeel eng' ole neegitee kererutap Kidron.

2 ATEPTAP PEETUUSYEK 24:18

Kometo anyun kootap Kamuktaindet ne Toroor, Kamuktaindetap kwanisyekwak, ak koot Aserik ak kanamonik. Ki nyoonji anyun nereegek Judah ak Jerusalem agobo ng'oogiswechuchwak.

2 ATEPTAP PEETUUSYEK 33:19

Ki kisirchi agine saaennyi, ak ole kigasyindo Kamuktaindet, ak tengektanyi tugul ak kachiliilutyennyi, ak komoswek ole ki teech komoswek che torooreen, ak kolumda Aserik ak kanamonik che ki kiwai, ye ki tomo koming'ingei; ogeero, siraatiin chooto eng' kitabuutap ateptap peetuusyegap Hosai.

2 ATEPTAP PEETUUSYEK 33:3

Ki teech komoswek che torooreen che kiga kobut kwandanyi Hezekiah, kiteekyi Baalik kapkorosusyek ak koyai Aserot. Kigutung'ji tuguuk tugul che po kipsengwet ak koot chooto.

2 ATEPTAP PEETUUSYEK 34:3

Amu eng' kenyiitap sisiit ne po laitornatennyi, ye kita ko ming'in, kotoi kocheeng' Kiptaiyat Kamuktaindetap Daudi kwandanyi: ak eng' kenyiitap taman ak aeng' kotoi kotiliil Judah ak Jerusalem koisto komoswek che torooreen, ak Aserik, ak kanamonik che ki kiwai ak kanamonik che ki kitany.

2 ATEPTAP PEETUUSYEK 34:7

Ak kibut kapkorosusyek, ak kong'a Aserik ak kanamonik che ki kiwai ak kanamonik che ki kitany, koek temburyek, ak koluul kanamonik tugul che po asiista eng' emet komugul ne po Israel, yeityo koweek Jerusalem.

TIENWOGIKAL 106:35

Ago kiburuchkei kobooto pororyosyek, ak ki ineetkei poisyonikwak.

TIENWOGIKAL 106:36

Ki oot icheek kanamonikwak, che ki ek mesteet eng' icheek.

TIENWOGIKAL 106:7

Ma iguiyo kwanisyekyok kwang'utiguk eng' Misiri; ma ibwaat chaang'indap rireenosyeguk; ago ki ingelelji Ne Toroor Miising' eng' ye neegit nyanjet, nooto Nyanjet ne Piriir.

KOMONG'U 34:13

Ago obut kapkorosusyekwak. Otuatui kanamonikwak kotonogis ak oluul Aserikwak,

JEREMIA 23:27

che leen kogoochi piikyuk koutye kainennyu eng' karwotitaosyekwak che mwachin chii tugul chiitap kokwennyi, ko uu ye kiutye kwanisyekwak kainennyu amu Baal?

NG'ATUTIK 16:21

“Amat iminji keetit age tugul ne po Asera ole neegitee kaptisisyetap Kamuktaindet ne Toroor Kamuktaindeng'ung' ne tuun iteekyinigei.

NG'ATUTIK 4:9

Riipkei anyun, ak iriip saboondang'ung' eng' kagiiletapkei, si meutye tuguuk che ki keer konyeguk ak si ma manda eng' muguleldang'ung' eng' peetuusyeguk tugul che po sabeeng'ung'; agoi ineet lagoguk tuguuchuuto ak mochogoroniguk.

NG'ATUTIK 8:11

“Riipkei anyun si meutye Kamuktaindet ne Toroor Kamuktaindeng'ung' ak imete ng'atuutikyik, kirwoogutikyik ak kaneetisyosyechooto kang'atiin rani.

NG'ATUTIK 8:14

Memeen anyun ak iutye Kamuktaindet ne Toroor Kamuktaindeng'ung' ne ki imutun imang'une emetap Misiri eng' kootap otwoknateet,

NG'ATUTIK 8:18

Ago ibwaat Kamuktaindet ne Toroor Kamuktaindeng'ung' amu ineendet ne koonin kimnateet ne inyoorunee mogornateet, si kogimit kayomisennyi ne ki iyasyechi kwanisyeguk, ko uu ye yaei rani.

KIRUOGIK 3:12

Ki yai ne ya piigap Israel kogeny eng' taitap Kamuktaindet ne Toroor, ak ki igimit Kamuktaindet ne Toroor Eglon laitoryatap Moab kobargei ak Israel, amu ki yai ne ya eng' taitap Kamuktaindet ne Toroor.

KIRUOGIK 3:8

Nooto anyun kinereech kot Kamuktaindet ne Toroor agobo Israel, ak ki alda icheek koba eunegap Kusan-risataim laitoryatap Mesopotamia. Ki oot anyun piigap Israel Kusan-risataim kenyiisyek sisiit.

KIRUOGIK 6:25

Ki leenji `Kamuktaindet ne Toroor ineendet kemounooto, “Kweri kirgitap kwandang'ung', kirgitap aeng' ne po kenyiisyek tisap, ak ibut kapkorosutap Baal ne tinyei kwandang'ung' ak iluul Asera ne neegitee kapkorosunooto.

KIRUOGIK 8:33

Ak ye kingo pata meetap Gideon, koweek kogeny piigap Israel, koibotkei ak Baalik, ak koyai Baal-berit koek kamuktaindennywa.

KIRUOGIK 8:34

Ak ma ibwaat piigap Israel Kamuktaindet ne Toroor Kamuktaindennywa, ne ki sar icheek eng' eunegap puunikwak tugul che ki mi komosta age tugul.

1 SAMUEL 12:10

Ki riirchi `icheek Kamuktaindet ne Toroor koleenji, ‘Ki kiplelutiin, amu kigebagaakte Kamuktaindet ne Toroor ak keoot Baalik ak Astarot. Sarwech anyun nguno eng' eutap puunikyok si keotin.’

1 SAMUEL 12:9

Ago kiutye `icheek Kamuktaindet ne Toroor Kamuktaindennywa, ne ki aldochi icheek eutap Sisera kiptaiyatap lugeetap Hasor, ak koaldochi kora eutap Philistiik, ak eutap laitoryatap Moab si kobargei ak icheek.