KIRUOGIK 20:45 - BUKUIT NE TILIIL Sireet ne Dutero Kanon

⁴⁵ Ki week ak komweiso kotokyigei surkwen kot koit rwandetap Rimon. Ak kikweat piik eliphuusyek muut eng' icheek, eng' ortinwek che eecheen. Ki oon kot koit Gidom ak ki par piik eliphuusyek aeng' eng' icheek.

Bukuit Ne Tilil

⁴⁵ Ki week ak komweiso kotokyigei surkwen kot koit rwandetap Rimon. Ak kikweat piik eliphuusyek muut eng' icheek, eng' ortinwek che eecheen. Ki oon kot koit Gidom ak ki par piik eliphuusyek aeng' eng' icheek.

BUKUIT NE TILIL

⁴⁵ Ak kiweek ak komwei kotokyigei ong’atet kot koit ruandetab Rimon: ak kikweat bik elfusiek mut eng’ ichek, eng’ ortinwek che eechen; ak kion kot koit Gidom, kibar bik elfusiek aeng’ eng’ ichek.

KIRUOGIK 20:45 Referencias Cruzadas

1 ATEPTAP PEETUUSYEK 6:77

Ki kigoochi che kang'et eng' Lawiik, weeriigap Merari, eng' pororyetap Zebulun, Rimono kobooto emotinwekyik che kiyagisye, Tabor kobooto emotinwekyik che kiyagisye.

SEKARIA 14:10

Kiwolei emet tugul koigei Arabah, kobooch Geba agoi Rimon murot tai ne po Jerusalem; ak kieeti, ak komeny oldanyi, kobooch ormariichetap Benjamin, agoi komostap ormariichet ne po tai, agoi ormariichetap luuita, kobooch teekseet ne kooi ne po Hananel, agoi komoswegap laitoryat ole kitue sabibuk.

JOSHUA 15:32

Lebaot, Silim, Ain ak Rimon. Nganasochooto tugul ko ki tiptem ak sogool kobooto kokwatinwekwak.

KIRUOGIK 20:44

Ki pek piik eliphuusyek tamanu ak sisiit che po Benjamin, chuuto tugul ko ki murenik che nyigoonen.

KIRUOGIK 20:46

Ki pek anyun eng' peetuunooto piik eliphuusyek tiptemu ak muut che po Benjamin che ki tinyei rotoogap chok, chuuto tugul ko ki murenik che nyigoonen.

KIRUOGIK 21:13

Ki iyookto tuiyet komugul piik koba kong'alaalji lagogap Benjamin che ki mi rwandetap Rimon oriit, ak komwachi icheek kaalyeet.