KIRUOGIK 20:1 - BUKUIT NE TILIIL Sireet ne Dutero Kanon

¹ Ki manda anyun piigap Israel tugul, kobooch Dan agoi Beer-sheba, kobooto emetap Gilead, ak ki iyumgei tuiyet koigei chiichak, ki iyumgei eng' taitap Kamuktaindet ne Toroor eng' Mispa.

Bukuit Ne Tilil

¹ Ki manda anyun piigap Israel tugul, kobooch Dan agoi Beer-sheba, kobooto emetap Gilead, ak ki iyumgei tuiyet koigei chiichak, ki iyumgei eng' taitap Kamuktaindet ne Toroor eng' Mispa.

BUKUIT NE TILIL

¹ Kimanda anyun lagokab Israel tugul, ak kiiyumgei tuiyet koigei chichak, koboch Dan agoi Beer-seba, koboto emetab Gilead, koyumjigei Jehovah eng’ Mispa.

KIRUOGIK 20:1 Referencias Cruzadas

2 SAMUEL 19:14

Kiwelel mugulelwegap piik tugul che po Judah, ko uu ne po chiito agenge, ak ki iyookto kemwachi laitoryat keleenji, “Myee iweigei kobooto otwogiguk tugul.”

2 SAMUEL 2:9

Ki inde ineendet koek laitoryat koboi Gilead, Ashurik, Jezreel, Ephraim, Benjamin ak koboi Israel tugul.

2 SAMUEL 24:2

Ak ki leenji `laitoryat Joab kiptaiyatap lugeet ne ki mi ak ineendet, “Ui punoote pororyosyek tugul che po Israel, kobooch Dan agoi Beer-sheba ak oiit piik si kobiit anai ole tee koiitennywa.”

2 SAMUEL 3:10

Autoi laitornatet eng' kootap Saulo ak alumde ng'echereetap Daudi kolaitoran eng' Israel ak Judah kobooch Dan agoi Beer-sheba.”

1 LAITORINIK 5:5

Ara kaabegechi ateekyi koot kainetap Kamuktaindet ne Toroor Kamuktaindennyu, ko uu ye ki mwachi `Kamuktaindet ne Toroor abba Daudi, koleenji, ‘Tuun teekyin kainennyu koot weeriing'ung' ne tuun andoi kotebee ng'echerennyu ne po laitornatet, kogeerin.’

2 LAITORINIK 25:23

Kingo kas kiptainik tugul che po lugoosyek, icheeget ak piikwak, kole kogoyai laitoryatap Babilon Gedalia koek pounindet, kobwa ole mi Gedalia eng' Mispa, chooto ko ki Ishmael weeriitap Netania, Johanan weeriitap Karea, Seraiah weeriitap Tanumet Netopatindet, ak Jaasania weeriitap Maakatindet, kobooto piikwak.

1 ATEPTAP PEETUUSYEK 21:2

Ki leenji Daudi Joab ak pounigap piik, “Oba ak oiit Israel kong'etee Beer-sheba agoi Dan, yeityo obwa omwaiwo si anai koiitennywa.”

2 ATEPTAP PEETUUSYEK 30:5

Kogimit anyun ng'atuutyet kole kemwaita eng' Israel tugul, kobooch Beer-sheba agoi Dan, kole kobwa koboiboiyenji paska ne po Kamuktaindet ne Toroor, Kamuktaindetap Israel eng' Jerusalem; amu ki tomo koriibei piik che chaang' ko uu nooto ko uu ye ki kisir.

EZRAH 3:1

Kingo it arawetap tisap ye kiga komeng'iis piigap Israel eng' nganasookwak, koyumjigei piik Jerusalem ko uu chiichak.

NEEMIA 11:27

ak eng' Hasar-sual, eng' Beer-sheba ak nganasookyik,

NEEMIA 8:1

Ki iyumgei piik tugul ko uu chiichak eng' komosta ne paraa ne ki mi taitap ormariichetap peek. Ki leenji `pichooto Ezrah siriindet koip kitabuutap ng'atuutigap Musa, che kiga kong'atyi Kamuktaindet ne Toroor Israel.

JEREMIA 40:6

Ki wo anyun Jeremiah kap Gedalia weeriitap Aikam eng' Mispa, ak komeng'iis kobooto ineendet eng' kwenutap piik che kiga ng'et eng' emet.

KAITOSYEK 32:1

Ki tinyei akwotisyek che chaang' miising' lagogap Reuben ak lagogap Gad. Ye kingo keer emetap Jaser ak emetap Gilead kole emet ne nyoljin akwotisyek,

KAITOSYEK 32:40

Ki igoochi `Musa Makir weeriitap Manasseh, Gilead ak ki meny olooto.

JOSHUA 15:38

Dilan, Mispe ak Jokteel,

JOSHUA 17:1

Ni ko kebeberta ne ki ibutyi eng' parbaryat pororyetap Manasseh; amu kitaita ne po Joseph. Ko uu Makir, ne kitaita ne po Manasseh, kwandap Gilead, ko amu kichii ne po lugeet, ko ki kigoochi ineendet Gilead ak Bashan.

JOSHUA 18:26

Mispe, Kepira ak Motsa,

JOSHUA 22:12

koyumgei tuiyet komugul ne po piigap Israel eng' Shiloh kole koba kobargei ak pichooto.

JOSHUA 22:9

Ki week anyun lagogap Reuben, lagogap Gad ak kebebertap pororyetap Manasseh, koba eng' ole mi piigap Israel komanda eng' Shiloh, ne mi emetap Kanaan koba emetap Gilead, emet ne nenywa, ne kiga konam kobunji ko uu ng'atuutyetap Kamuktaindet ne Toroor eng' eutap Musa.

JOSHUA 4:13

Ki landa piik olo po eliphuusyek artam che po lugeet eng' taitap Kamuktaindet ne Toroor, agoi warengetap Jeriko.

KIRUOGIK 10:17

Ki iyumgei anyun lagogap Ammon ak koba koteech Gilead. Ki iyumgei piigap Israel ak icheek ak koteech Mispa.

KIRUOGIK 11:11

Ki wo Jephta anyun kobooto poisyegap Gilead, ak ki yai `piik ineendet koek pounindet ak kiptaiyat ne pou icheek. Ki mwa Jephta ng'aleekyik tugul eng' taitap Kamuktaindet ne Toroor eng' Mispa.

KIRUOGIK 11:34

Ye ki nyo koweeksei Jephta koonnyi eng' Mispa, ogeero, ki mong' cheptonyi kotorook ineendet kotinyei sugutisyek che mengeechen kotyenonu. Ki lakweennyi nooto ne ineegei, amu ki ma kotinyei weeriit anan chepto age.

KIRUOGIK 18:29

Kiguure icheek nganasanooto Dan, komwaitae Dan kwandanywa, ne kiga kisikyi Israel. Ago ki kainetap nganasanooto eng' tai ko ki Lais.

KIRUOGIK 20:11

Koyumjigei anyun tugul che po Israel nganasanooto, konamgei icheek koek agenge.

KIRUOGIK 20:18

Ki ng'eetyo piigap Israel kotogosta Bethel, ole kiteebe Kamuktaindet kiit ne kanyool koyai. Ak ki le, “Ng'oo ne sip kotogostoi koba kobargei ak lagogap Benjamin?” Ak ki le Kamuktaindet ne Toroor, “Judah ne indoi.”

KIRUOGIK 20:2

Ki iyomechigei tuiyet taitap Kamuktaindet, kirwoogik tugul che punu pororyosyek tugul che po Israel, piik eliphuusyek pogol ang'wan che punei keelyek, che tinyei rotoogap chok.

KIRUOGIK 20:26

Yeityo kotogosta lagok tugul che po Israel, ak piik tugul agoi koit Bethel. Ki riiryo, ak kotebi ng'wony eng' taitap Kamuktaindet ne Toroor, ak korugutkei peetuunooto agoi koskoleny, ak ki igoito kagoochinoik che kibeelei ak kagoochinoigap kaalyeet eng' taitap Kamuktaindet ne Toroor.

KIRUOGIK 20:8

Ki ng'eetyo piik tugul koigei chiichak kole, “Ma wendi koweechigei chii age tugul eng' acheek emainnyi, anan koonnyi.

KIRUOGIK 21:5

Ki le piigap Israel, “Mi ng'oo eng' ortinwek tugul che po Israel ne ma nyo kotogos tuiyet ole mi Kamuktaindet ne Toroor?” Amu kiga yai kayasyoet ne oo agobo ineendet ne ma nyo kotogos ole mi Kamuktaindet ne Toroor eng' Mispa, kole, “Kibarei ineendet iman.”

1 SAMUEL 10:17

Ki kuur `Samuel piik koyumgei eng' taitap Kamuktaindet ne Toroor eng' Mispa,

1 SAMUEL 3:20

Kobooch Dan agoi Beer-sheba ko ki nai Israel tugul kole Samuel iman ko maotyotap Kamuktaindet ne Toroor.