KIRUOGIK 2:17 - BUKUIT NE TILIIL Sireet ne Dutero Kanon

¹⁷ Nga no, koma kas iit icheek kirwoogikwak kora. Ki isubot kamuktaik alak koibotkei ak kong'uruuk eng' tainnywa. Kimasta kochaakta kobagaakta ooreet ne kibunei kwanisyekwak, che kigase iit ng'atuutigap Kamuktaindet ne Toroor; ma yai icheeget ko uu nooto.

Bukuit Ne Tilil

¹⁷ Nga no, koma kas iit icheek kirwoogikwak kora. Ki isubot kamuktaik alak koibotkei ak kong'uruuk eng' tainnywa. Kimasta kochaakta kobagaakta ooreet ne kibunei kwanisyekwak, che kigase iit ng'atuutigap Kamuktaindet ne Toroor; ma yai icheeget ko uu nooto.

BUKUIT NE TILIL

¹⁷ Ago ma kas it kiruogikwak kora, amu kiisubot kanamonik koibotgei, ak kong’urukyi: kimasta kochakta kobagakta oret ne kibunei kwanisiekwak, kogas it ng’atutikab Jehovah; ago ma yai icheget ko u noto.

KIRUOGIK 2:17 Referencias Cruzadas

TIENWOGIKAL 106:39

Ki murwoniitu anyun eng' poisyonikwak, ak ki yai ibeetapkei eng' poisyonikwak.

TIENWOGIKAL 106:43

Ki sar icheek konyil che chaang', ago ki ek ngelelik eng' ng'olyoonnywa, ak ki kiyai konyeratitu eng' tengektonywa.

TIENWOGIKAL 73:27

Amu keero, petos icheeget che looen eng' inyee: Amu ki ing'em icheek tugul che ki isup ibeetapkei koistoenengei.

KOMONG'U 32:8

Kagosip komasta kometo ooreet ne kiga ang'atyi. Kagoyachigei kanamwet ne po moita ne ki kitaany, ak kogutung'ji, ak kagoeng'ji tiseiywot, ak koleen, ‘Kanamoniguk chu, inyee Israel, che ki imutun imang'une emetap Misiri.’ ”

JEREMIA 3:6

Kimwaiwo anyun Kamuktaindet ne Toroor eng' peetuusyegap Josiah laitoryat koleenjo: “Tos ki igeer nooto ki yai Israel, ole kigogetyigei let, ole kitogosta tulweet age tugul ne kooi ak kwo kelutap keetit age tugul ne tuon, ak koyai kugoinatet eng' olooto?”

JEREMIA 6:16

Mwaei Kamuktaindet ne Toroor kole, otononie eng' ortinwek ak ogeerte, oteep ortinwek che po keny, ole mi ooreet ne myee, ak obendate nooto, si osich kamuung'et eng' saboonwekwok. Ago ki wol kole, “Ma kibendote ortinwechooto.”

HOSEA 2:2

Oteechi kamenng'ung', oteechi amu ineendet koma ko osotyonnyu, ama aa manong'otyonnyi. Ingometo kugoinatosyekyik che mi togeennyi, ak ingometo ibeetapkei nooto mi tegeennyi.

ATEPTAP LAWIK 17:7

Si mata koeng'ji oik tiseiywekwak kogeny, che kocham kosuboti koibegei tugul. Egu ng'olyoondoni ng'atuutyet ne po koigeny eng' icheek eng' ibinwekwak tugul.

AMOS 2:4

Mwaei Kamuktaindet ne Toroor ko uu ni: Amu pistaosyekyik somok, ee agot ang'wan, ko ma aweechi pireet ne abire Judah amu kogoesyo ng'atuutigap Kamuktaindet ne Toroor, ama riip kayomisutikyik. Kigogoochi icheek lembechek che ki isubi kong'etee kwanisyekwak komaasta.

GALATYEK 1:6

Akwong'e amu oistoige ochoktoi eng' ineendet ne kiguurok eng' myeeindap Kristo, obe ye mi logoiywek che myach che teer;

NG'ATUTIK 31:16

Yeityo koleenji `Kamuktaindet ne Toroor Musa, “Keero, neegit si iru kobooto kwanisyeguk. Ago ye iru, kong'eetyo pichu koibotkei ak kanamonik che po pororyosyek alak che po emet ole pendi kotebee kwenunnywa, kobagaakta ak kobut kayomisennyu ne ki kiyomiske ak icheek.

NG'ATUTIK 31:18

Aunye iman togeennyu peetuunooto amu yaitwogik tugul che ki yai amu kaweektagei koot kanamonik.”

NG'ATUTIK 9:12

“Ki leenjo Kamuktaindet ne Toroor, Ng'eet choortegei ak ichakte, amu kagongelelso piiguk che ki imutuu eng' Misiri. Ko matyanit, ko kagomasta eng' ooreet ne ki ang'at ak koyachigei kanamwet ne kitaanyi.”

NG'ATUTIK 9:16

Ogeero, ki ageer ale ki oyachi Kamuktaindet ne Toroor Kamuktaindeng'wong' tengekto amu ki otang'jigei itoondap moita. Ki omaste ochakte omete ooreet ne king'ataak Kamuktaindet ne Toroor.

JOSHUA 24:24

Koleenji `piik Joshua, “Kiboisyechini Kamuktaindet ne Toroor, Kamuktaindennyo ak kegas iit kutinnyi.”

JOSHUA 24:31

Kiboisyechi Israel Kamuktaindet ne Toroor eng' peetuusyek tugul che po Joshua ak eng' peetuusyek tugul che po poisyek che kita komi ko kagome Joshua, che ki ingen poisyet tugul ne po Kamuktaindet ne Toroor ne kiga koyai agobo Israel.

KIRUOGIK 2:7

Kiboisyechi `piik Kamuktaindet ne Toroor eng' peetuusyek tugul che po Joshua, ak eng' peetuusyek tugul che po poisyek che kita komi ko kagome Joshua, che kiga kogeer poisyet tugul ne oo ne ki yai Kamuktaindet ne Toroor koyachi piigap Israel.

KIRUOGIK 8:33

Ak ye kingo pata meetap Gideon, koweek kogeny piigap Israel, koibotkei ak Baalik, ak koyai Baal-berit koek kamuktaindennywa.

1 SAMUEL 12:12

Ago ye kingo keer `Nahas laitoryatap lagogap Ammon konyonjook obargei, oleenjo, ‘Achicha, agoi kenyooru laitoryat ne poiywech nga Kamuktaindet ne Toroor Kamuktaindeng'wong' ko laitoryandeng'wong'.’

1 SAMUEL 12:17

Kasarta ne po kesisyetap nganuuk ni. Aguure Kamuktaindet ne Toroor si koyook tuleet ak ropta, si onai ak ogeer ole oo tengektong'wong' ne ki oyai eng' taitap Kamuktaindet ne Toroor amu ki osoomjigei laitoryat.”

1 SAMUEL 12:19

Koleenji `piik tugul Samuel, “Saa igaigai Kamuktaindet ne Toroor Kamuktaindeng'ung' agobo otwogiguk si ma kibegu, amu kogetesyi tengekwogikyok tugul yaityoni, kesoomjigei laitoryat.”