KIRUOGIK 16:27 - BUKUIT NE TILIIL Sireet ne Dutero Kanon

²⁷ Ki nyiitaat piik koyooto: ki mi yooto kiptainik tugul che po Philistiik, ak ki mi koot parak murenik ak kwonyiik olo po eliphuusyek somok che kigeerei Samson kourereni.

Bukuit Ne Tilil

²⁷ Ki nyiitaat piik koyooto: ki mi yooto kiptainik tugul che po Philistiik, ak ki mi koot parak murenik ak kwonyiik olo po eliphuusyek somok che kigeerei Samson kourereni.

BUKUIT NE TILIL

²⁷ Ki nyiitat murenik ak gotab kor goyoto; ak kimi yoto kiptainik tugul che bo Pilistik; ak kimi got barak murenik ak gotab kor olo bo elfusiek somok che kigeerei Samson kourereni.

KIRUOGIK 16:27 Referencias Cruzadas

2 SAMUEL 11:2

Kingo it koskoleny eng' pesyet age, kong'eet `Daudi eng' itogunnyi ak kowendote kootap laitoryat parak. Ye kingo mi parak, kogeer kwony ne ki karaaran kot kounegei.

NG'ATUTIK 22:8

Ye iteech koot ne leel, itegel koot parak iyiem kotuiyo si meipchi koong'ung' korotiik, ngo chirkwin chii eng' olooto.

JOSHUA 2:8

Ye kitom koruiyo segeik, kotogosta kwonyooto kwo ole mi icheek eng' koot parak,

KIRUOGIK 16:26

Ki leenji `Samson lakweet ne kinamoti euut, “Metoo asabsap tolochik che tonone koot, si atiegei.”

KIRUOGIK 16:28

Ki kuur `Samson Kamuktaindet ne Toroor koleenji, “Ee Kiptaiyat Kamuktaindet ne Toroor, asaain ale ibwaata ak igimita ra kityo, ee Kamuktaindet, si ayaaktochigei mugetuut eng' Philistiik agobo konyekyuk tuwai.”

KIRUOGIK 9:51

Ago ki miitei irimeet ne kiim eng' nganasanooto, ak kimwechi olooto murenik tugul ak kwonyiik kobooto icheek tugul che po nganaseet. Kigerchigei icheek koot oriit ak kotogosta kwo koot parak.