KIRUOGIK 16:18 - BUKUIT NE TILIIL Sireet ne Dutero Kanon

¹⁸ Kingo keer Delila kole kagomwachi ineendet tugul che ki mi muguleldanyi, koyookto keguur kiptainigap Philistiik, koleenji, “Obwa otogosu anyun ra, amu kagomwaiwo tugul che mi muguleldanyi.” Ki togos anyun kiptainigap Philistiik kobwonji kwonyooto koibu fedhaisyek.

Bukuit Ne Tilil

¹⁸ Kingo keer Delila kole kagomwachi ineendet tugul che ki mi muguleldanyi, koyookto keguur kiptainigap Philistiik, koleenji, “Obwa otogosu anyun ra, amu kagomwaiwo tugul che mi muguleldanyi.” Ki togos anyun kiptainigap Philistiik kobwonji kwonyooto koibu fedhaisyek.

BUKUIT NE TILIL

¹⁸ Ak kingogeer Delila kole kagomwachi inendet tugul che kimi muguleldanyi, koyokto keguur kiptainikab Pilistik, kolenji, Obwa otogosu anyun ra, amu kagomwawa tugul che mi muguleldanyi. Kitogos anyun kiptainikab Pilistik kobwanji kwonyoto, koibu fedaisiek.

KIRUOGIK 16:18 Referencias Cruzadas

1 LAITORINIK 21:20

Ki leenji `Ahab Elijah, “Kainyoorwo, punyondennyu?” Ki wol kole, “Ee, kaanyoorun! Amu kaialdegei iyai yaityet eng' taitap Kamuktaindet ne Toroor.

TIENWOGIKAL 62:9

Iman puch piik che nyerootiin, ak kiplembechonik piik che taagunotiin. Ma ing'eeti kiit ne kigeeree nyigiisindo, wisisen icheek tugul kosiir kabuuset.

KALEWANAIK 18:8

Uu tuguuk che anyiny ng'aleegap chaamindet, ak pendi moet.

KAITOSYEK 22:7

Ara ki pa anyun poisyegap Moab ak che po Midian koibei eng' eunekwak kagoochinoigap ng'oorset. Ki it kap Balaam, ak ki mwachi ng'aleegap Balak.

MATAYO 26:15

ak kole, “Nee ne ogoono si ande ineendet eunekwok?” Kigamanji ineendet fedhaisyek sosom.

EPESOEK 5:5

Amu ongen niito iman ole, ma mi chii ne soksei, anan chiitap simdo, anan ne kasei myat, nooto ne saaei kanamonik, ma mi eng' chu ne nyooru poroteet eng' laitornatetap Kristo ak Kamuktaindet.

1 TIMOTEO 6:10

Amu chametap silingisyek ko tigityot agenge ne po yaitwogik alak tugul. Kigong'asyigei piik alage kot kometo kayaneet ak ki kotorgei eng' aragenosyek che chaang'.

KIRUOGIK 16:17

Ara ki mwachi tugul che ki mi muguleldanyi koleenji, “Tomo kicher metinnyu ole kigoi; amu ki aegu Nasaretindetap Kamuktaindet kobooch ami moetap kamennyu. Ngot kicher metinnyu, kowendi anyun kimnateennyu eng' anee, anyaluli ak aigei chii tugul.”

KIRUOGIK 16:19

Ki igoochi `kwonyooto Samson koru eng' kutung'oikyik, ak kiguur chiito age konyo kocher kaletutichooto tisap po suumeekyik. Ki toi kwonyooto konyaliil ineendet amu kiga kwo kimnateennyi eng' ineendet.

KIRUOGIK 16:5

Ki togos kiptainigap Philistiik kobwa ole mi kwonyooto ak koleenji ineendet, “Igaigai ineendet, si inai ole mi kimnatoninyi oo, ak ole kimuuchi kiterterte ineendet, si kobiit kerat ineendet kinyalil; si kogoonin age tugul eng' acheek fedhaisyek pogolusyek taman ak agenge.”