KIRUOGIK 11:1 - BUKUIT NE TILIIL Sireet ne Dutero Kanon

¹ Ki nyiganeet ne kiim ak ko po lugeet Jephta Gileadindet. Ki sich `Gilead Jephta ago kamennyi ko ki chepkugoniot.

Bukuit Ne Tilil

¹ Ki nyiganeet ne kiim ak ko po lugeet Jephta Gileadindet. Ki sich `Gilead Jephta ago kamennyi ko ki chepkugoniot.

BUKUIT NE TILIL

¹ Ki nyiganet ne kim Jepta Gileadindet, ago ki weritab chepkugoniot: ak kisich Gilead Jepta.

KIRUOGIK 11:1 Referencias Cruzadas

2 LAITORINIK 5:1

Naaman ko ki kiptaiyatap lugeet, ki chiito ne oo ak ko konyitot, eng' taitap kiptaiyandennyi, laitoryatap Syria. Kiga kogoochi Kamuktaindet ne Toroor Syria katerteeret eng' ineendet. Ki chiito ineendet kogeny ne kiim ak ko nyigan, ago ki tinyei mogondosaik.

HEBRANIK 11:32

Ara nee anyun age neta amwae? Amu mayama poroindo ngot amwa agobo Gideon, Barak, Samson, Jephtha; ak agobo Daudi ak Samuel ak maotik:

KIRUOGIK 10:18

Kimwachigei piik, pounigap Gilead, kole, “Ng'oo ne tau kobaregei ak lagogap Ammon? Egu ineendet ne oo eng' tugul che menyei Gilead.”

KIRUOGIK 11:2

Ki sich `osotyotap Gilead weeriik, ak kingo kagoeegitu weeriichooto, koon Jephta kwo komanda, koleenji ineendet, “Mesiche kiy eng' kootap abba, amu ii weeriitap kwondo age.”

KIRUOGIK 6:12

Ak ki mong'ji ineendet malaikaiyatap Kamuktaindet ne Toroor ak koleenji, “Mi Kamuktaindet ne Toroor kobooten, inyee chiito ne ii kiim ak ko ii nyigan!”

1 SAMUEL 12:11

Ki iyook `Kamuktaindet ne Toroor Jeru-baal, Bedan, Jephta ak Samuel ak kosarwok eng' eunegap puunikwok eng' komosta age tugul ak ki omeng'iisye eng' kaalyeet.