KIRUOGIK 10:6 - BUKUIT NE TILIIL Sireet ne Dutero Kanon

⁶ Ki yai piigap Israel yaityet kogeny eng' taitap Kamuktaindet ne Toroor. Ki oot `icheek Baalik ak Astarot, ak kanamonigap Syria ak che po Sidonik, kanamonigap Moab ak che po Amonik ak che po Philistiik. Ki meto `icheek Kamuktaindet ne Toroor ak mata koot ineendet.

Bukuit Ne Tilil

⁶ Ki yai piigap Israel yaityet kogeny eng' taitap Kamuktaindet ne Toroor. Ki oot `icheek Baalik ak Astarot, ak kanamonigap Syria ak che po Sidonik, kanamonigap Moab ak che po Amonik ak che po Philistiik. Ki meto `icheek Kamuktaindet ne Toroor ak mata koot ineendet.

BUKUIT NE TILIL

⁶ Ak kiyai lagokab Israel yaitiet kogeny eng’ taitab Jehovah, ak kiot Baalik, ak Astarot, ak kanamonikab Suria, ak kanamonikab Sidon, ak kanamonikab Moab, ak kanamonikab lagokab Amon, ak kanamonikab Pilistik; ak kimeto Jehovah, mata koot inendet.

KIRUOGIK 10:6 Referencias Cruzadas

1 LAITORINIK 11:33

Ayaei ko uu nooto amu ki kobagakta ineendet ak kogutung'ji Astoret kanamwet ne kwondo ne po Sidonik, Kemos kanamwetap Moab ak Milkom kanamwetap lagogap Ammon; ama wendote ortinwekyuk, koyai ne myee eng' tainnyu, ak koriip ng'atuutikyuk ak kirwoogutikyuk, ko uu ye ki yai Daudi kwandanyi.

1 LAITORINIK 11:5

Amu ki isup `Solomon Astoret, kanamwet ne kwondo ne po Sidonik, kobooto Milkom ne kiwechei ne po Amonik.

1 LAITORINIK 11:7

Kiteekyi anyun Solomon Kemos ne kiwechei ne po Moabik ole toroor, eng' tulweet ne mi taitap Jerusalem, ak kiteekyi Molek ne kiwechei ne po lagogap Ammon.

1 LAITORINIK 16:31

Ki keer ineendet ko ki it ne ming'in kowendote tengekwogigap Jeroboam weeriitap Nebat ak kwo anyun kotun Jesebel cheptap Etbaal laitoryatap Sidonik, ak kwo koot Baal ak kogutung'ji.

2 LAITORINIK 17:16

Ki meto icheek ng'atuutik tugul che po Kamuktaindet ne Toroor Kamuktaindennywa, ak koyachigei moek aeng' che po kanamonik che ki kitany ak ki yai Asera. Kigutung'ji icheek tuguuk tugul che po kipsengwet, ak koot Baal.

2 LAITORINIK 23:13

Ki ing'wanit laitoryat komoswek che torooreen che ki mi taitap Jerusalem, che ki mi eutap tai ne po tulweetap ng'emisyet, ne kiga teekyi Solomon laitoryatap Israel Astoret ne kiwechei ne po Sidonik, kobooto Kemos ne kiwechei ne po Moab, ak Milkom ne kiwechei ne po lagogap Ammon.

2 ATEPTAP PEETUUSYEK 28:23

Amu kieng'ji tiseiywek kamuktaigap Damasko, che kibar ineendet; ak ki le, “Amu toreti kamuktaigap laitorinigap Syria icheek, aeng'jini anyun agane icheek, si kobiit kotoreta.” Ago ki ek chooto che king'em ineendet ak Israel tugul.

TIENWOGIKAL 106:36

Ki oot icheek kanamonikwak, che ki ek mesteet eng' icheek.

ISAIAH 23:4

Ililan, ee Sidon, amu kagong'alaal nyanjet, irimeetap nyanjet kole: “Tom anyooru ng'wanindo anan asigisye, tomo abai murenik anan pergeinik.”

JEREMIA 2:13

Ki koyai piikyuk yaitwogik aeng': ki kometo anee ne aa kondametutap peek che saptos, ak kobaljigei keriingonik, keriingonik che ki koterogis, che ma imuuchi kotebee peek.

JEREMIA 2:20

Amu ki airii choging'ung' eng' peetuusyek che po keny, ak ang'etii anooguk ak ki imwa ile, “Maotin,” amu ki ing'uruuge eng' tulweet age tugul ne kooi ak eng' keetit age tugul ne tuon, iyae kugoinatet.

JEREMIA 32:23

ak ki pwa, konam kobunji; ago ma kas iit kuting'ung', ama isup ng'atuutiguk; ma yai kiy age tugul eng' chooto tugul ki ing'atyi icheek koyai: koigoochi anyun yaityoni tugul konyonji icheek.

EZEKIEL 27:16

Ki chemung'araindeng'ung' Syria, amu chaang'indap tuguugap musoknateng'ung': kiyae mung'aaret sumaragdoisyek, ak ngoroik che arusen ne piriir, ak ngoroik che ki kinde lelesta, ak katanit ne karaaran, ak tuguuk che piriireen che mi ngeguut, ak koik che piriireen si konyoor tuguuguk.

NG'ATUTIK 13:6

“Ngo kaigain eng' ung'oot ng'eetap kamenng'ung' anan weeriing'ung' anan cheptong'ung' anan osotyondeng'ung' ne ichame anan chorweng'ung' ne ichame ko uu ye ichame saboondang'ung' koleenjin, ‘Ngebe keoot kanamonik alak’ che ki ma ingen inyee anan kwanisyeguk,

NG'ATUTIK 13:8

Ko ameyanji anan igasyi. Ama, ye igeer, iriiree anan ibagaakte anan iuny.

NG'ATUTIK 31:16

Yeityo koleenji `Kamuktaindet ne Toroor Musa, “Keero, neegit si iru kobooto kwanisyeguk. Ago ye iru, kong'eetyo pichu koibotkei ak kanamonik che po pororyosyek alak che po emet ole pendi kotebee kwenunnywa, kobagaakta ak kobut kayomisennyu ne ki kiyomiske ak icheek.

NG'ATUTIK 31:17

Ye ai ko uu nooto kolalei anyun nereeknatennyu eng' peetuunooto agobo icheek ak abagaakte, auny togeennyu ak kiwong' icheek. Pwaanjin icheek yaitwogik ak nyalilwogik che chaang' ak kole eng' peetuunooto, ‘Tos ma pwanjech yaitwogichu amu ma mi Kamuktaindennyo kobootech?’

NG'ATUTIK 32:15

Ago kiner Jesurun, ak kotyaris, kiner, kinyigiisitu ak koakwait eng' amitwogik. Yeityo kobagaakta anyun Kamuktaindet ne ki yai icheeget, ak kosas Rwandetap ne yetunennyi.

JOSHUA 13:31

Kibooto kebebertap Gilead, Astarot, Edrei, nganasook che eecheen che po laitornatetap Og eng' Bashan. Ki punji chuuto lagogap Makir weeriitap Manasseh kebebertap lagogap Makir ko uu ortinwekwak.

KIRUOGIK 10:5

Kime anyun Jair ak ki kitupchi Kamon.

KIRUOGIK 11:24

Tos meibe kobunjiin ne kigoonin Kemos kamuktaindeng'ung'? Nooto anyun, age tugul ne oonei Kamuktaindet ne Toroor, Kamuktaindennyo eng' tainnyo, kename chooto kobunjech.

KIRUOGIK 13:1

Ki yai piigap Israel yaityet kogeny eng' taitap Kamuktaindet ne Toroor, ak ki inde `Kamuktaindet ne Toroor icheek eutap Philistiik kenyiisyek artam.

KIRUOGIK 16:23

Ki iyumgei `kiptainigap Philistiik koboiboitu ak kogoochi korosyot ne oo Dagon kamuktaindennywa. Amu ki mwa kole, “Kagonde `kamuktaindennyo Samson punyondennyo eunekyok.”

KIRUOGIK 3:7

Ki yai ne ya piigap Israel eng' taitap Kamuktaindet ne Toroor, koutye ineendet kamuktaindennywa ak koot Baalik ak Aserot.

KIRUOGIK 4:1

Ki yai piigap Israel yaityet kogeny eng' taitap Kamuktaindet ne Toroor ye kingo kagome Ehud.

KIRUOGIK 6:1

Ki yai piigap Israel yaityet eng' taitap Kamuktaindet ne Toroor; ak ki inde `Kamuktaindet ne Toroor icheek eunegap Midian kenyiisyek tisap.

KIRUOGIK 8:33

Ak ye kingo pata meetap Gideon, koweek kogeny piigap Israel, koibotkei ak Baalik, ak koyai Baal-berit koek kamuktaindennywa.

1 SAMUEL 5:2

Ki ip Philistiik moingonooto po Kamuktaindet ak konde kootap Dagon, ole neegitee Dagon.