KAITOSYEK 8:12 - BUKUIT NE TILIIL Sireet ne Dutero Kanon

¹² Ye ibata, kogonoor `Lawiik eunekwak metowegap kirugichooto, igoite inyee age kobunji kagoochinetap tengekto ak kobunji age kagoochinet ne kibeelei si koyai kagaigaet agobo Lawiik.

Bukuit Ne Tilil

¹² Ye ibata, kogonoor `Lawiik eunekwak metowegap kirugichooto, igoite inyee age kobunji kagoochinetap tengekto ak kobunji age kagoochinet ne kibeelei si koyai kagaigaet agobo Lawiik.

BUKUIT NE TILIL

¹² Ak kogonoor Lawik eunekwak metowekab kirugichoto; ak igoite inye age kobunji kagochinetab tengekto, ak kobunji age kagochinet ne kibeelei, si koyai kagaigaet agobo Lawik.

KAITOSYEK 8:12 Referencias Cruzadas

KOMONG'U 29:10

“Ketu anyun kirgit konyo taitap emait ne kituiyechin. Ingogonoor Aron ak weeriikyik eunekwak metitap kirgooto.

ATEPTAP LAWIK 1:4

Ingogonoor eunnyi metitap kagoochinonooto kibeelei si ketaach nooto ak keyai kagaigaet agobo ineendet.

ATEPTAP LAWIK 14:22

Ibu kora cheptugenik aeng', anan aarek aeng' che po toriitik, ko uu ye imuuchi konyoor, ak kobunji age kagoochinetap tengekto, kobunji age kagoochinet ne kibeelei.

ATEPTAP LAWIK 16:11

“Yeityo kogoito Aron eito ne po kagoochinetap tengekto, ne nenyi ineegei, ak koyachigei kagaigaet, ak koonnyi, ak koeny kirgooto po kagoochinetap tengekto ne nenyi ineegei.

ATEPTAP LAWIK 16:21

ak kogonoor Aron eunekyik tuwai metitap kweata sabei, kong'aany tengekwogik tugul che po piigap Israel, ak pistoennywa tugul, kong'ururi artanooto; ak kogesenji chooto metitap kweata, ak kogoochi chiito ne kagochopkei kokweri kwo surkwen;

ATEPTAP LAWIK 16:6

“Igoitoi Aron kirgit kai, ni ko po kagoochinetap tengekto, ne nenyi ineegei, ak koyachjigei kagaigaet, ak koonnyi.

ATEPTAP LAWIK 4:15

Ingogonoor poisyegap tuiyet eunekwak metitap kirgooto, yeityo kebar kirgooto eng' taitap Kamuktaindet ne Toroor.

ATEPTAP LAWIK 4:20

ak koyachi kirgooto ko uu ye ki yachi kirgit ne po kagoochinetap tengekto. Eng' niito anyun koyae tisiindet kagaigaet agobo icheek ak kenyochigaat.

ATEPTAP LAWIK 4:35

Ak kobut mwanikyik tugul ko uu ye kibutei mwanigap keechiiryet ne po tiseiywotap kagoochinoigap kaalyeet. Ingobeel tisiindet chooto eng' kaptisisyet ak konde paragutap kagoochinoigap Kamuktaindet ne Toroor che punei maat. Eng' niito, koyaei tisiindet kagaigaet agobo ineendet amu tengektanyi ne koyai, ak kenyochigaat.”

ATEPTAP LAWIK 4:4

Ingoget kirgooto konyo kurgeetap emait ne kituiyechin eng' taitap Kamuktaindet ne Toroor ak kogonoor eunnyi metitap kirgooto, yeityo koeny eng' taitap Kamuktaindet ne Toroor.

ATEPTAP LAWIK 5:7

“Ago ngo ma imuuchi koal aarwet ne punu akweet, koip anyun cheptugenik aeng' anan ko aarek aeng' che po toriitik, koipchi Kamuktaindet ne Toroor koek kagoochinennyi ne po chalwogoto kogoyai. Po age kagoochinetap tengekto, ko po age kagoochinet ne kibeelei.

ATEPTAP LAWIK 8:14

Kingo pata, koget kirgit ne po kagoochinetap tengekto ak ki igonoor Aron ak weeriikyik eunekwak metitap kirgooto po kagoochinetap tengekto.

ATEPTAP LAWIK 8:15

Ki eeny `Musa kirgooto ak kotaach korotiik, yeityo koile korotichooto kuinoigap kaptisisyet eng' mornennyi. Ki ianyiny kaptisisyet, ak kotumji korotiik kaptisisyet keel ak kotabaan, koyai tisiisyet agobo nooto.

ATEPTAP LAWIK 8:18

Ki kweri mengitap kagoochinet ne kibeelei, ak kogonoor Aron ak weeriikyik eunekwak metitap mengoto.

ATEPTAP LAWIK 8:34

Tuguuk che kageyai rani, ko uu nooto kagong'at Kamuktaindet ne Toroor keyai, si keyai tisiisyet agobo okweek.

ATEPTAP LAWIK 9:7

Ki leenji `Musa Aron, “Ui kaptisisyet ak igoite kagoochineng'ung' ne po tengekto, kagoochineng'ung' ne kibeelei, ak iyachigei tisiisyet ak iyachi piik ak icheek. Igoite kagoochinet ne po piik ak iyai tisiisyet agobo icheek, ko uu ye ki ng'at Kamuktaindet ne Toroor.”

KAITOSYEK 6:14

yeityo kogoochi kagoochinennyi Kamuktaindet ne Toroor; mengit agenge ne ma siirei kenyiit agenge ne libwoop koek kagoochinet ne kibeelei, subeendo agenge ne libwoop ne po keechiir ne ma siirei kenyiit agenge koek kagoochinetap tengekto ak mengit agenge ne libwoop kobunji kagoochinoigap kaalyeet.

KAITOSYEK 6:16

“Igoitoi tisiindet tuguuchooto eng' taitap Kamuktaindet ne Toroor ak kogoito kagoochinet ne po tengekto ak kagoochinet ne kibeelei.

KAITOSYEK 8:13

“Ye imut Lawiik koba taitap Aron ak taitap weeriikyik, igoochi `icheek Kamuktaindet ne Toroor koek kagoochinet ne kiongoi.

KAITOSYEK 8:8

Yeityo koget icheek kirgit ne neran ak kagoochinennyi ne po peek che ng'ootiin che tambuluul che ki kiburukto mwaita, ak igetu kirgit age ne neran kobunji kagoochinetap tengekto.

HEBRANIK 9:22

Ak eng' Ng'atuutyet ko uu keele, kitiliili tuguuk tugul eng' korotiik, ak ngo ma mi tumdaetap korotiik koma mi nyoetap kaat.