KAITOSYEK 6:5 - BUKUIT NE TILIIL Sireet ne Dutero Kanon

⁵ “Amat kocher metinnyi eng' peetuusyekyik tugul che po kayosyennyi ne po katabaanet, agoi kogeskei peetuusyechooto che itabaanjinegei Kamuktaindet ne Toroor. Ingotiliilit anyun ineendet ak ingobiityo suumeekyik koechegitu.

Bukuit Ne Tilil

⁵ “Amat kocher metinnyi eng' peetuusyekyik tugul che po kayosyennyi ne po katabaanet, agoi kogeskei peetuusyechooto che itabaanjinegei Kamuktaindet ne Toroor. Ingotiliilit anyun ineendet ak ingobiityo suumeekyik koechegitu.

BUKUIT NE TILIL

⁵ Amat kocher metinnyi eng’ betusiekyik tugul che bo kayosiennyi ne bo katabanet, agoi kogesgei betusiechoto, che itabanjinegei Jehovah. Ingotililit inendet anyun ingobityo sumeekyik kogoegitu.

KAITOSYEK 6:5 Referencias Cruzadas

EZEKIEL 44:20

Ma icheru metowekwak, anan kobagaakta suumeekwak kogoeegitu; tilei kityo konwagitu.

KAITOSYEK 6:4

Eng' peetuusyekyik tugul che po katabaanennyi kotee kota ko Nasaretindet, ko monyolu koam kiy age tugul ne punu sabibuk, kong'etee tenderigap logoechooto agoi peerik.

POISYONIGAP CHE KIYOKTOI 18:18

Ak kingo kagotebi Paulo peetuusyek che chaang', kobagaakta `ineendet tupchosyek ak kobun moinget kwo Syria, kobooto Prisila ak Aquila. Eng' Kenkrea ko ki kicherchi metit, amu kiga koarorta kiy eng' kayasyoet.

KIRUOGIK 13:5

Amu imanachi iman ak isich weeriit. Ma kicheru suumeekyik, amu egu lakwanooto Nasiritindet ne po Kamuktaindet kobooch komi moo. Ak kotoi ineendet kosar Israel eng' eunegap Philistiik.”

KIRUOGIK 16:17

Ara ki mwachi tugul che ki mi muguleldanyi koleenji, “Tomo kicher metinnyu ole kigoi; amu ki aegu Nasaretindetap Kamuktaindet kobooch ami moetap kamennyu. Ngot kicher metinnyu, kowendi anyun kimnateennyu eng' anee, anyaluli ak aigei chii tugul.”

KIRUOGIK 16:19

Ki igoochi `kwonyooto Samson koru eng' kutung'oikyik, ak kiguur chiito age konyo kocher kaletutichooto tisap po suumeekyik. Ki toi kwonyooto konyaliil ineendet amu kiga kwo kimnateennyi eng' ineendet.

1 SAMUEL 1:11

Ki yai kayasyoet kole, “Ee Kamuktaindet ne Toroor ne po lugoosyek, ngot igeer nyalildap cheptong'ung' ne otwoget ak ibwaata ak ko meutye cheptong'ung' ne otwoget, ak igoochi weeriit, agoochini anyun weeroto Kamuktaindet ne Toroor eng' peetuusyekyik tugul kotee kosabei, ama kicheru suumeekyik.”