KAITOSYEK 4:14 - BUKUIT NE TILIIL Sireet ne Dutero Kanon

¹⁴ Yeityo konde paragunnyi tuguukyik tugul che kiboisyee eng' kaptisisyonooto, tereenik, kariik che sogotiin, kechigosyek che eecheen ak taabook che mengeechen. Ingotuge tuguuchooto tugul magatogap mengichigap peek ak korooch keetiikyik che ki ibe.

Bukuit Ne Tilil

¹⁴ Yeityo konde paragunnyi tuguukyik tugul che kiboisyee eng' kaptisisyonooto, tereenik, kariik che sogotiin, kechigosyek che eecheen ak taabook che mengeechen. Ingotuge tuguuchooto tugul magatogap mengichigap peek ak korooch keetiikyik che ki ibe.

BUKUIT NE TILIL

¹⁴ ak konde tugukyik tugul baragunnyi che kiboisie eng’ kaptisisionoto, terenik, ak karik che sogotin, ak kechigosiek che eechen, ak tabok che mengechen, tuguk tugul che bo kaptisisiet; ak kotuge tukchoto tugul magatokab mengichikab beek, ak korooch ketikyik che kiibe.

KAITOSYEK 4:14 Referencias Cruzadas

2 ATEPTAP PEETUUSYEK 4:19

Ak ki yai Solomon tuguuk tugul che ki mi kootap Kamuktaindet, kapkorosutap thahabu, ak mesosyek che ki tebee magatiinik che itabaanatiin;

KOMONG'U 27:1

“Teech kaptisisyet eng' keetiigap chebitoik koek koindo mitainik aeng' ak robo ak koek tebeesindo mitainik aeng' ak robo. Aechin komoswek tugul ang'wanu che po kaptisisyonooto ak ingoek koindo ne po tononennyi mitait agenge ak robo.

KOMONG'U 27:3

Min tereenikyik che ki ibe oreek ak kechigosyekyik che eecheen, taabookyik che mengeechen, kariik che sogotiin ak taabookyik alak che ki ibe maat. Yae tuguuchu tugul sugunonik.

KAITOSYEK 4:13

Ingoram anyun oreek eng' kaptisisyet ak kotumda ak koitoe paragunnyi angeet ne aruus ne piriir.

KAITOSYEK 4:15

Ye kagogees Aron ak weeriikyik poisyet ne po tuugeetap ole-tiliil ak tuguuk tugul che po ole-tiliil, ak ye kotoi nganaseet panda, ko ingobwa anyun weeriigap Kohat koip; ago amat kotwa kiy eng' tuguuk che tiliileen si ma pek icheek. Tuguuchuuto che laei anyun weeriigap Kohat eng' emait ne kituiyechin.

KAITOSYEK 4:6

ak kooliige magatogap mengichigap-pei, ak kotuge angeet ne buluu, yeityo korooch keetiikyik che ki ibe.