KAITOSYEK 28:2 - BUKUIT NE TILIIL Sireet ne Dutero Kanon

² “Ng'at piigap Israel ileenji: ‘Oriip si ogoono eng' peetuusyekwok che nyoljin, kagoochinennyu, amitwogikyuk che po kagoochinoikyuk che punei maat, koek nyamdutik che anyiny eng' anee.’

Bukuit Ne Tilil

² “Ng'at piigap Israel ileenji: ‘Oriip si ogoono eng' peetuusyekwok che nyoljin, kagoochinennyu, amitwogikyuk che po kagoochinoikyuk che punei maat, koek nyamdutik che anyiny eng' anee.’

BUKUIT NE TILIL

² Ng’at lagokab Israel ilenji, Orib si ogona eng’ betusiekwok che nyoljin, kagochinennyu, amitwogikyuk che bo kagochinoikyuk che bunei mat, che bo nyamdutik che anyiny eng’ ane.

KAITOSYEK 28:2 Referencias Cruzadas

TAUNET 8:21

Kingo ng'uuchi `Kamuktaindet ne Toroor anyinyindo kobun kaptisiisyo, kotil ineendet eng' muguleldanyi kole, “Ma achube ng'wony kogeny agobo chii amu yaacheen kabwaatutigap muguleldap chii kobooch koming'in. Ma abare tuguuk tugul che saptos kogeny agoi ko uu ye ki ayai.

1 ATEPTAP PEETUUSYEK 23:31

ak kogoochi Kamuktaindet ne Toroor kagoochinoik tugul che kibeelei eng' sabatoisyek ak ye kaleel arawet, ak eng' igoorwek che ki king'at, eng' koiitennywa ko uu ng'atuutyet ne ki king'at agobo icheek, eng' peetuusyek tugul eng' taitap Kamuktaindet ne Toroor.

2 ATEPTAP PEETUUSYEK 23:18

Ak ki ng'at Jehoiada poisyonigap kootap Kamuktaindet ne Toroor koboi tisiik, Lawiik, che kiga kopchei Daudi eng' kootap Kamuktaindet ne Toroor, si kogoitoi kagoochinoik che kibeelei che po Kamuktaindet ne Toroor, ko uu ye ki kisir eng' ng'atuutigap Musa, si koboiboitu ak kotyendos, ko uu ng'atuutyetap Daudi.

2 ATEPTAP PEETUUSYEK 31:3

Ki ng'at laitoryat agine kebeberta ne po tuguukyik koek kagoochinoik che kibeelei, kagoochinoik che kibeelei karon ak koskoleny, kagoochinoik che kibeelei che po sabatoisyek, che po ye kaleel arawet, ak che po igoorwek che ki king'at, ko uu ye ki kisir eng' ng'atuutigap Kamuktaindet ne Toroor.

EZRAH 3:2

Yeityo kotonon anyun `Jeshua weeriitap Josadak ak tupchosyekyik tisiik, kobooto Zerubabel weeriitap Shealtiel, ak tupchosyekyik, ak koteech kaptisisyet ne po Kiptaiyat Kamuktaindetap Israel, si kogoitoe kagoochinoik che kibeelei ko uu ye siraat eng' Ng'atuutyetap Musa chiitap Kamuktaindet.

EZRAH 3:3

Nga ki tinyei; amu ki tinyei kaiyweisyet amu piigap emotinwek alak, ko ki inde kaptisisyet ole tebee ak kogoochi Kamuktaindet ne Toroor kagoochinoik che kibeelei, karon ak koskoleny eng' kaptisisyonooto.

NEEMIA 10:34

Ki kiseer acheek parbareek, kobooto tisiik, Lawiik ak piik, agobo kagoochinetap kweenik, si kobiit keip kobwa kootap Kamuktaindennyo, ko uu kooriigap kwanisyekyok, eng' peetuusyek che ki king'at eng' kenyiit age tugul, si kebeel eng' kaptisisyetap Kamuktaindet ne Toroor, Kamuktaindennyo, ko uu ye siraat eng' Ng'atuutik.

TIENWOGIKAL 81:3

Oguut iryageet ko kaleel arawet, ye kagoeet arawet, eng' peetuunnyo ne po igoorto ne oo.

KOMONG'U 23:15

Yai igoortap magatiinik che ma kinde mermereek. Iame eng' peetuusyek tisap magatiinik che ma kinde mermereek ko uu ye ki ang'atiin eng' peetuut ne ki kiaror eng' arawetap Abib; amu arawanooto ne ki omang'une Misiri. Amat konyo chii tainnyu ak euut puch.

KOMONG'U 29:18

Beel mengoto komugul eng' kaptisisyet: niito ko kagoochinet ne kibeelei ne po Kamuktaindet ne Toroor; nyamdutyet ne anyiny, kagoochinet ne kigoochin Kamuktaindet ne Toroor kobunei maat.

EZEKIEL 16:19

Ki inde tainnywa kogeny amitwogikyuk che ki agoonin, peek che ng'ootiin che tambulul, ak mwanik, ak kumyat, che ki abaenen, ki inde tainnywa koek nyamdutyet, ak ki tebi ko uu nooto; mwaei Kiptaiyat Kamuktaindet ne Toroor.

EZEKIEL 20:41

Ataachok ko uu nyamdutyet ne anyiny, ye amutwok omang'une pororyosyek, ak ayumak omang'une emotinwek ole ki kiseerchok; ak aegu ne itabaanat eng' okweek kogeerei pororyosyek.

EZEKIEL 45:17

Ak koek poisyetap pounindet kagoochinoik che kibeelei, ak kagoochinoik che po peek che ng'ootiin, ak kagoochinoik che kieei eng' igoorwek, ak eng' ye kaleel arawet, ak eng' sabatoisyek, eng' igoorwek tugul che ki king'at che po kootap Israel: chobei ineendet kagoochinetap tengekto, ak kagoochinetap peek che ng'ootiin, ak kagoochinet ne kibeelei, ak kagoochinoik che po kaalyeet, si koyai kagaigaet agobo kootap Israel.

ATEPTAP LAWIK 1:13

Ago ingoun tuguugap ke ak keelyek eng' peek. Ingogoito tisiindet panyeek tugul ak kobeel eng' kaptisisyet. Niito ko kagoochinet ne kibeelei, kagoochinet ne punei maat, nyamdutyet ne anyiny eng' Kamuktaindet ne Toroor.

ATEPTAP LAWIK 1:17

Yeityo kogereer kopcheune aeng' kebebaikyik amat koobeesyo. Ingobeel tisiindet chooto eng' kaptisisyet eng' kweenik che mi ma. Niito kagoochinet ne kigoitoi kebeel, kagoochinet ne punei maat, nyamdutyet ne anyiny eng' Kamuktaindet ne Toroor.”

ATEPTAP LAWIK 1:9

Ago ingoun eng' peek tuguugap ke kobooto keelyekyik ak kobeel tisiindet kirgooto komugul eng' kaptisisyet. Niito ko tiseiywot ne kibeelei, kagoochinet ne punei maat, nyamdutyet ne anyiny eng' Kamuktaindet ne Toroor.

ATEPTAP LAWIK 21:6

Egu che tiliileen eng' Kamuktaindennywa, amat koreeny kainetap Kamuktaindennywa. Amu igoitoi icheek kagoochinoik che punei maat, che po Kamuktaindet ne Toroor, chooto amitwogigap Kamuktaindennywa. Egu anyun icheek che tiliileen amu nooto.

ATEPTAP LAWIK 21:8

Itiliil ineendet anyun amu nooto, amu ineendet ne igoitoi amitwogigap Kamuktaindeng'ung'; ingotiliilit anyun ineendet eng' inyee, amu anee Kamuktaindet ne Toroor ne atiliilok, ko aa tiliil.

ATEPTAP LAWIK 3:11

Peelei chooto tisiindet eng' kaptisisyet koek amitwogigap kagoochinet ne kigoochin Kamuktaindet ne Toroor kobunei maat.

MALAKI 1:12

Ago ong'waniti ye omwae ole, Murwon meesetap Kamuktaindet ne Toroor, ak ko sasootin logoekyik, agot amitwogikyik.

MALAKI 1:7

Ogoitoi magatiinik che murwonen eng' kaptisisyennyu ak omwae oleen, “Ki kimurwonden ano?” Ye omwae oleen sasaat meesetap Kamuktaindet ne Toroor.

KAITOSYEK 15:24

Ko ngo lel chii ama nai tuiyet, kogoitoi anyun tuiyet komugul kirgit ne neran kobunji kagoochinet ne kibeelei ak koek nyamdutyet ne anyiny eng' Kamuktaindet ne Toroor, kobooto kagoochinennyi ne po peek ak kagoochinennyi ne kieei ko uu ng'atuutyet. Igoitoi kora tuiyet kwesta agenge ne po kagoochinet agobo tengekto.

KAITOSYEK 15:3

ak omach ochopchi Kamuktaindet ne Toroor kagoochinet ne punei maat, ngo kagoochinet ne kibeelei anan tiseiywot, si kobiit ogesu kayasyoet anan kagoochinet ne po chamyet anan eng' igoorwek che ki king'at, si oyachi Kamuktaindet ne Toroor nyamdutyet ne anyiny ne po tuuga anan ko ne po neego,

KAITOSYEK 15:7

ak igoite kagoochinet ne kieei ne po litait agenge ak kebeberyat ne po divaik koek nyamdutyet ne anyiny eng' Kamuktaindet ne Toroor.

KAITOSYEK 28:1

Ki mwachi `Kamuktaindet ne Toroor Musa koleenji,

KAITOSYEK 29:39

“Ogoochini Kamuktaindet ne Toroor chuuto eng' igoorwekwok che ki king'at. Chuuto che kitesyin kaarortaosyekwok ak kagoochinoikwok che ogoitoi eng' chamyet, kagoochinoikwok che kibeelei, kagoochinoikwok che po peek, kagoochinoikwok che kieei ak kagoochinoikwok che po kaalyeet.”

KAITOSYEK 9:13

Ago chiito ne tiliil ne ma miitei rutoito ama riip paska, king'etoi eng' piikyik, amu ma igoito kagoochinetap Kamuktaindet ne Toroor eng' peetuunnyi ne ki king'at. Ibei chiichooto ineegei kergong'yet ne nyoljin tengektanyi.

KAITOSYEK 9:7

ak ki leenji `pichooto ineendet, “Ki ng'woneen amu muustap chiito. Amu nee si keetenech kigoite kagoochinetap Kamuktaindet ne Toroor kobooto piigap Israel eng' peetuut ne ki king'at?”

2 KORINTOEK 2:15

Amu kinyamdutyet ne anyiny ne po Kristo eng' Kamuktaindet, eng' icheek che kisaru, ak eng' icheek che lustos;

EPESOEK 5:2

ak obendate chamyet, ko uu ye ki chamaak Kristo agine, ak kogoitogei agobo acheek, koek kagoochinet ak tiseiywot eng' Kamuktaindet ne ng'uu ne nyamdut.

PILIPIK 4:18

Ago atinye tuguuk tugul, ak che siirtoot: aa piyong'ot, amu ki ataach eng' Epaphroditus tuguuk che kibunwok, che po ng'uunet ne nyamdut, korosyot ne taagaksei, ne iboiboi Kamuktaindet.