KAITOSYEK 28:14 - BUKUIT NE TILIIL Sireet ne Dutero Kanon

¹⁴ Ingoek kagoochinoikwak che keei litaisyek aeng' che po divaik eng' kiruk age tugul, litait agenge ak kebeberyat eng' mengit age tugul, ak litait agenge eng' aarwet ne mengit age tugul. Niito kagoochinet ne kebeelei ne po arawetap age tugul eng' kenyiit.

Bukuit Ne Tilil

¹⁴ Ingoek kagoochinoikwak che keei litaisyek aeng' che po divaik eng' kiruk age tugul, litait agenge ak kebeberyat eng' mengit age tugul, ak litait agenge eng' aarwet ne mengit age tugul. Niito kagoochinet ne kebeelei ne po arawetap age tugul eng' kenyiit.

BUKUIT NE TILIL

¹⁴ Ak ingoek kagochinoikwak che keei kebebertab hin ne bo divaik eng’ kiruk, ak kebeberta agenge eng’ somok ne bo hin eng’ mengit, ak kebeberta agenge eng’ ang’wan ne bo hin eng’ aruet: nito kagochinet ne kebeelei ne bo arawetab age tugul ne bo kenyit.

KAITOSYEK 28:14 Referencias Cruzadas

EZRAH 3:5

Ye kingo pata kogoito kagoochinet ne kibeelei ne po kotugul, kagoochinoik che po ye kaleel arawet, che po igoorwek tugul che po Kamuktaindet ne Toroor che ki king'at, che ki kitabaan ak che po chii tugul ne ki igoochin Kamuktaindet ne Toroor kagoochinetap chamyet.

ISAIAH 1:13

Amatata oibu kagoochinoik che ma tilei kiy; aweche nyamdutik che kibeelei. Ma amuuchi amuita agobo igoorwegap arawet ne kaleel ak sabato, ak kuursetap tuiyosyek - yaitwogichooto, kobooto tuiyetap kaming'inetapkei.

JEREMIA 48:35

Ageesu kogeny eng' Moab, mwaei Kamuktaindet ne Toroor, ineendet ne igoitoi koroseek eng' ole toroor, ak ineendet ne peeljin nyamdutik kanamonikyik.

EZEKIEL 46:4

Ak kagoochinet ne kibeelei ne igoitoi pounindet kogoochin Kamuktaindet ne Toroor eng' peetuutap sabato, ko aarek lo che libwoben che po keechiir, kobooto mengit ne libwoop;

JOEL 1:13

Ogermenegei kuniok ak oteeiye, okweek tisiik; owaach, okweek kiboitinigap kaptisisyet; obwa, osyep kuniok kemout komugul, okweek kiboitinigap Kamuktaindennyu! Ka kiet kagoochinetap peek che ng'ootiin ak kagoochinet ne kieei eng' kootap Kamuktaindeng'wong'.

KAITOSYEK 15:5

Ingoito anyun litait agenge ne po divaik kobunji kagoochinet ne kieei, chop chooto kobooto kagoochinet ne kibeelei anan ko tiseiywot, si kigoito kobooto aarwet age tugul ne po keechiir.

KAITOSYEK 15:9

ingogoito anyun kobooto kirgooto kagoochinetap peek che ng'ootiin che po keruutik somok che ki kiburukto mwaita ne po litaisyek aeng'.

KAITOSYEK 28:13

eng' aarwetap keechiir age tugul, ogoite keruutyet agenge ne po peek che ng'ootiin, che kiburuktoi mwaita koek kagoochinetap peek. Niito kagoochinet ne kibeelei, ne po nyamdutyet ne anyiny, kagoochinet kigoochin Kamuktaindet ne Toroor ne punei maat.

KAITOSYEK 28:15

Kigoitoi nooto ketesyin kagoochinet ne kibeelei kotugul kobooto kagoochinet ne kieei, kwesta agenge kobunji kagoochinetap tengekto eng' Kamuktaindet ne Toroor.

KAITOSYEK 28:7

Ingoek kagoochinennyi ne keei litait agenge eng' aarwet ne mengit age tugul. Oroong'jini Kamuktaindet ne Toroor eng' ole-tiliil kagoochinonooto kieei che ng'woneen.

KAITOSYEK 29:18

Kobooto kirugichooto, mengichik ak che po aarek, ogoite kagoochinennywa ne po peek ak kagoochinoikwak che kieei ko uu koiitennywa ak ko uu ng'atuutyet.