KAITOSYEK 27:21 - BUKUIT NE TILIIL Sireet ne Dutero Kanon

²¹ Ingotonon ineendet eng' taitap Eleazar tisiindet, si koteepchi ineendet kandoiset eng' taitap Kamuktaindet ne Toroor eng' kirwoogetap Urim. Eng' ng'olyoondennyi ko mandoi ak kaweeksei ineendet ak piigap Israel, agot tuiyet komugul.”

Bukuit Ne Tilil

²¹ Ingotonon ineendet eng' taitap Eleazar tisiindet, si koteepchi ineendet kandoiset eng' taitap Kamuktaindet ne Toroor eng' kirwoogetap Urim. Eng' ng'olyoondennyi ko mandoi ak kaweeksei ineendet ak piigap Israel, agot tuiyet komugul.”

BUKUIT NE TILIL

²¹ Ak kotonon inendet eng’ taitab Eleasar tisiindet, si koteepchi inendet kandoiset eng’ taitab Jehovah eng’ kiruogetab Urim: mandoi eng’ ng’olyondennyi, ak komong’u eng’ ng’olyondennyi, inendet ak lagokab Israel tugul, agot tuiyet komugul:

KAITOSYEK 27:21 Referencias Cruzadas

2 SAMUEL 21:1

Ki piit rubeet eng' peetuusyegap Daudi, eng' kenyiisyek somok che ki isubegei. Kingo cheeng' `Daudi togetap Kamuktaindet ne Toroor kole Kamuktaindet ne Toroor “Po Saulo ak koonnyi ne po korotiik ng'olyoondoni, amu ki par Gibeonik.”

EZRAH 2:63

Ak ki leenji Tirsata icheek, ma nyooljin koam tuguuk che tiliileen miising', kot kobiit tisiindet ne tinyei Urim ak Tumim.

NEEMIA 7:65

Ki ng'at `Tirsata icheek kole manyolji koam tuguuk che tiliileen miising', kot kobiit tisiindet ne tinyei Urim ak Tumim.

KOMONG'U 28:30

Inde ngoryonooto po tegeet ne po kirwooget Urim ak Tumim si kotebee chooto muguleldap Aron ye mandoi taitap Kamuktaindet ne Toroor. Eng' nooto anyun koibei Aron kirwoogetap piigap Israel eng' muguleldanyi eng' taitap Kamuktaindet ne Toroor kotugul.

ATEPTAP LAWIK 8:8

Ki ilaakyi ineendet ngoryeetap tegeet ak konde ngoryonooto Urim ak Tumim.

MALAKI 2:7

Amu kanyool koriip kutitap tisiindet naet, ak kocheeng' piik ng'atuutyet eng' ng'aleekyik; amu ineendet ko chiito ne iyooktoi Kamuktaindet ne Toroor ne po lugoosyek.

KAITOSYEK 27:17

ne imuuchi komuti koba saang', ak komutu kobwa kaa, si ma igei tuiyetap Kamuktaindet ne Toroor keechiirek che ma tinyei mestowot.”

KAITOSYEK 27:2

Ki pa icheek kotononso eng' taitap Musa, Eleazar tisiindet, kirwoogik, ak tuiyet komugul eng' kurgeetap emait ne kituiyechin, ak kole,

KAITOSYEK 27:20

Ak inde ineendet kebebertap teegistang'ung', si kobiit kogas iit ineendet tuiyet komugul ne po piigap Israel.

KAITOSYEK 27:22

Ki yai Musa ko uu ye ki ng'at `Kamuktaindet ne Toroor ineendet. Ki imut Joshua kotonon eng' taitap Eleazar tisiindet ak eng' taitap tuiyet komugul.

KAITOSYEK 27:5

Ara ki ip anyun Musa ng'aleekwak koba taitap Kamuktaindet ne Toroor.

NG'ATUTIK 31:3

Kamuktaindet ne Toroor Kamuktaindeng'ung' ineendet ne landoi kondoenen si kobar pororyosyechu mi taing'ung' ak inam icheek. Landoi Joshua kondoenen ko uu ye ki mwa Kamuktaindet ne Toroor.

NG'ATUTIK 33:8

Ki mwa ni `Musa agobo Lawi, “Ki igoochi Tumim neng'ung' ak Urim neng'ung', kiboityong'ung' ne tiliil, Ne ki ityem eng' Massah, Ak ki oborye ak ineendet eng' peegap Meribah;

JOSHUA 9:14

Ki am icheek amitwogigap pichooto ama teep ng'olyoo kobun kutitap Kamuktaindet ne Toroor.

KIRUOGIK 1:1

Kingo pata meetap Joshua, koteepse `piigap Israel Kamuktaindet ne Toroor kole, “Ng'oo ne tai ne togostoi si kobargei ak Kanaanik agobo acheek?”

KIRUOGIK 20:18

Ki ng'eetyo piigap Israel kotogosta Bethel, ole kiteebe Kamuktaindet kiit ne kanyool koyai. Ak ki le, “Ng'oo ne sip kotogostoi koba kobargei ak lagogap Benjamin?” Ak ki le Kamuktaindet ne Toroor, “Judah ne indoi.”

KIRUOGIK 20:23

(Ki togosta piigap Israel koba koriiryo eng' taitap Kamuktaindet ne Toroor agoi koskoleny, ak ki teebe `icheek Kamuktaindet ne Toroor kole, “Awe kogeny ayai lugeet ak lagogap Benjamin tupchennyu?” Ak ki le Kamuktaindet ne Toroor, “Togoste obargei ak ineendet.”)

1 SAMUEL 14:19

Ye kita kong'alaaljin `Saulo tisiindet, koeet polateet kotesak eng' nganaseetap Philistiik. Amu nooto anyun koleenji `Saulo tisiindet, “Iste eung'ung'.”

1 SAMUEL 23:9

Ago ki nai Daudi kole chobei `Saulo yaityet agobo ineendet. Ki leenji Abiathar tisiindet, “Ibu ephod konyo yu.”

1 SAMUEL 28:6

Ye kingo leen koteebe `Saulo Kamuktaindet ne Toroor, koma kowolji `Kamuktaindet ne Toroor eng' karwotitaosyek anan eng' Urim, anan eng' maotik.

1 SAMUEL 30:7

Ki leenji `Daudi Abiathar tisiindet, weeriitap Ahimelek, “Asoomin iibwo ephod konyo yu.”