KAITOSYEK 18:8 - BUKUIT NE TILIIL Sireet ne Dutero Kanon

⁸ Ki leenji `Kamuktaindet ne Toroor Aron, “Kaagoonin riipseet ne po konunoikyuk che kinamjin parak, tuguuk tugul che itabaanatiin che po piigap Israel. Kaagoonin inyee ak weeriiguk tuguuchooto, amu kailset, koek ng'atuutyet ne po agoi.

Bukuit Ne Tilil

⁸ Ki leenji `Kamuktaindet ne Toroor Aron, “Kaagoonin riipseet ne po konunoikyuk che kinamjin parak, tuguuk tugul che itabaanatiin che po piigap Israel. Kaagoonin inyee ak weeriiguk tuguuchooto, amu kailset, koek ng'atuutyet ne po agoi.

BUKUIT NE TILIL

⁸ Ak kilenji Jehovah Aron, Keero, kaagonin ripset ne bo konunoikyuk che kinamjin barak, tuguk tugul che itabanotin che bo lagokab Israel, kiagonin ak weriguk tuguchoto amu kaiilset, koek ng’atutiet ne bo agoi.

KAITOSYEK 18:8 Referencias Cruzadas

2 LAITORINIK 12:16

Ki ma keibu kobwa kootap Kamuktaindet ne Toroor robiinik che po kagoochinoigap chalwogik, ak che po kagoochinoigap tengekto; ki po tisiik.

2 ATEPTAP PEETUUSYEK 31:4

Ki ng'at kogeny piik che ki menyei Jerusalem kogoito kebeberta ne punjin Tisiik ak Lawiik, si kobiit kogoochigei ng'atuutyetap Kamuktaindet ne Toroor.

2 ATEPTAP PEETUUSYEK 31:5

Ak kingo kasak ng'atuutyet eng' emet, kogoito piigap Israel eng' chaang'indo tongoanigap peek, che po divaik, mwanik, kumyat, ak che po rurateet tugul ne po emet; ak ki ip kebebertap taman ne po tuguuk tugul eng' chaang'indo.

KOMONG'U 28:43

Ilaachi Aron ak weeriikyik tuguuchooto ye pendi emaitap oriit, anan ye riikyin kapkorosuut si kobiit kobois eng' ole-tiliil si ma nam icheek tengekto, ak kobek. Egu niito ng'atuutyet eng' ineendet ak eng' iyotennyi ne piitu let.

KOMONG'U 29:21

Ye ibata inam korotiik che mi kaptisisyet parak ak mwaita ne kiilse, ak iise Aron ak ngoroikyik, ak iise weeriikyik ak ngoroikwak. Si kitabaan ineendet ak ngoroikyik, ak weeriikyik ak ngoroikwak.

KOMONG'U 29:28

Punjin chooto Aron ak weeriikyik koek ng'atuutyet ne po agoi eng' piigap Israel, amu niito kebebertap kagoochinet ne kagitabaan, ak koek nooto kagoochinet ne kinamjin parak ne punu lagogap Israel eng' tiseiywegap kagoochinoikwak che po kaalyeet. Niito anyun ko kagoochinennywa ne kagitabaanji Kamuktaindet ne Toroor.

KOMONG'U 29:29

“Tuun punjin weeriikyik ngoroichooto itabaanatiin che po Aron, ilaachi icheek si ki ili kitoroorchin poisyonooto tiliil.

KOMONG'U 40:13

Yeityo ilaakyi Aron ngoroik che ki kitabaan ak iil ineendet ak itabaan, si kobiit koboisyeiwo eng' tisiisyet.

KOMONG'U 40:15

ak iil icheek ko uu ye ki iil kwandanywa, si kobiit koboisyeiwo eng' tisiisyet. Egu kailsennywa ne ki ili icheek tiseinateet ne po agoi eng' ibinwekwak tugul.”

ISAIAH 10:27

Ak eng' peetuunooto, koistoegei tigikyeng'ung' lautyennyi, ak koistoegei kaating'ung' choginnyi, ak keng'em chogit amu kaiilet.” Kagotogosta ineendet kwo eng' Rimmon,

ATEPTAP LAWIK 21:10

“Ineendet ne tisiindet ne oo eng' che tupcho, ne ki kiroong'ji mwaita ne ki ilse metinnyi ne ki kitabaan kolaach ngoroik, ko mat koyaat metinnyi, anan kogereer ngoroikyik.

ATEPTAP LAWIK 23:20

Ak koongoi tisiindet chooto kobooto magatiinik che po tongoanik koek kagoochinet ne kiongoi eng' taitap Kamuktaindet ne Toroor, kobooto mengichichooto aeng'. Tiliilitu eng' Kamuktaindet ne Toroor amu tisiindet.

ATEPTAP LAWIK 6:16

Amei Aron ak weeriikyik che kong'etune chooto. Kiamei ama kinde mermereek eng' komosta ne tiliil; amei eng' seremutap emait ne kituiyechin.

ATEPTAP LAWIK 6:18

Amei chooto age tugul ne muren eng' lagogap Aron ak koek nooto ng'atuutyet ne po agoi eng' ibinwekwok eng' kagoochinoigap Kamuktaindet ne Toroor che kigoochin kobun maat. Kiy age tugul ne tiinyei ko tiliilitu.”

ATEPTAP LAWIK 6:20

“Ni kagoochinetap Aron ak weeriikyik, ne igoochin Kamuktaindet ne Toroor eng' peetuut ne ki ili ineendet. Egu niito kagoochinet ne po kotugul; keruutyet agenge ne po peek che ng'ootiin che tambulul kigoitoi kebeberta age karon ak kigoito niin age koskoleny.

ATEPTAP LAWIK 6:26

Tisiindet ne igoitoi kagoochinetap tengek ko amei kebeber eng' nooto. Ki amei eng' komosta ne itabaanat eng' seremutap emait ne kituiyechin.

ATEPTAP LAWIK 7:14

Igoitoi magatyat agenge eng' chooto kobun kagoochinet age tugul, koek kagoochinet ne kitoroore Kamuktaindet ne Toroor, punjin magatyandanooto tisiindet ne piitee korotiigap kagoochinoigap kaalyeet.

ATEPTAP LAWIK 7:28

Ki ng'alaalji `Kamuktaindet ne Toroor Musa koleenji,

ATEPTAP LAWIK 7:6

Amei mureno age tugul eng' tisiik panyechooto; ki amei eng' komosta ne tiliil. Tiliil niito miising'.

ATEPTAP LAWIK 8:30

Ki inem Musa kebebertap mwaata ki ilse ak kebebertap korotiik che ki mi kaptisisyet ak koisee Aron ak ngoroikyik, ak weeriikyik ak ngoroikwak. Ki ianyiny Aron ak ngoroikyik, weeriikyik ak ngoroikwak.

KAITOSYEK 18:9

Egu cheguuk tuguuchooto eng' che tiliileen miising', che kita kibeelei: kiy age tugul ne koonu icheek, che ibwo, ngo kagoochinennywa age tugul ne po peek, konunennywa age tugul ne po tengekto, anan agot age tugul ne po kachililutyet, ko punjinin inyee ak weeriiguk.

KAITOSYEK 5:9

Punjin tisiindet kagoochinoik tugul che tiliileen che po piigap Israel che igoochin icheek ineendet.

1 KORINTOEK 9:13

Tos mongen ole icheeget che poisyei agobo tuguuk che tiliileen koamei tuguuk che po Hekaluut, ak icheeget che riibei kaptisisyet kotinyei kebebertanywa kobooto kaptisisyet?

NG'ATUTIK 12:11

Egu anyun ole leweni Kamuktaindet ne Toroor Kamuktaindeng'wong' konde kainennyi kotebee, ole oibe koba tugul che ang'atook; kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak ak kaarortaosyekwok tugul che oarorchini Kamuktaindet ne Toroor.

NG'ATUTIK 12:6

oibe kagoochinoikwok che kibeelei, tiseiywekwok, kebeberwekwok, kagoochinetap eunekwok ne kinamjin parak, kaarortaosyekwok, kagoochinoigap chamyet ak che twatei tuukwok ak keechiirekwok.

NG'ATUTIK 18:1

Ki ng'alaalji Musa piigap Israel Koleenji, “Ma nyooru kebeberta anan poroteet kobooto Israel tisiik, ooreet komugul ne po Lawi. Amei kagoochinoigap Kamuktaindet ne Toroor che punei maat kigoochin ak porotennyi.

NG'ATUTIK 26:13

Yeityo imwa eng' taitap Kamuktaindet ne Toroor Kamuktaindeng'ung' ile, ‘Kaanemu eng' koonnyu tuguuk che itabaanatiin agoochi agine Lawindet, toondet, ne ma tinyei sigiik ak mosoget, ko uu ng'atuutyeng'ung' tugul ne ki ing'ata. Ma abistoe ng'atuutiguk alak tugul, ama autye.

HEBRANIK 1:9

Ichame imanda ak iweche tengekto; eng' nooto anyun, ki koiilin Kamuktaindet, ineendet Kamuktaindeng'ung' eng' mwaitap poiboiyet kosiir siritoiguk.”

1 JOHANA 2:20

Ak ki kiilak eng' Ineendet ne Tiliil, ak ongen okweek tugul.

1 JOHANA 2:27

Ak okweek anyun, komenyok kaiilet ne ki onyooru eng' ineendet, ak manyol koneetak chii; ago ko uu ye ineetook kaiilennyi agobo tuguuk tugul, ak ko po iman, ma lembech, ak ko uu ye ki konetak, omeny ineendet.