KAITOSYEK 16:14 - BUKUIT NE TILIIL Sireet ne Dutero Kanon

¹⁴ Kosiir nooto koma imutyech emet ne nyiitaat cheego ak komi kumyat eng' chaang'indo ama igoonech poroteetap mbareenik ak che po sabibuk. Tos ngiroo ko ki piik acheek che king'ale? Ma kibwane!”

Bukuit Ne Tilil

¹⁴ Kosiir nooto koma imutyech emet ne nyiitaat cheego ak komi kumyat eng' chaang'indo ama igoonech poroteetap mbareenik ak che po sabibuk. Tos ngiroo ko ki piik acheek che king'ale? Ma kibwane!”

BUKUIT NE TILIL

¹⁴ Ak koboto noto ko ma imutyech emet ne nyiitat chego ak kumik, ama igonech boratetab mbarenik ak che bo sabibuk: tos imache ibalu konyekab bichu? Magibwane.

KAITOSYEK 16:14 Referencias Cruzadas

KOMONG'U 22:5

“Ngo yage chiito tennyi mbareetap chiito age anan ko mbareet ne po sabibuk, kogeerchin chiitap ko po mbareet tuguukyik che myachen che po mbareennyi, ak logoegap keetikyik che korooron.

KOMONG'U 23:10

“Igoole mbareeng'ung' kenyiisyek lo ak iges ruratennyi,

KOMONG'U 23:11

ago mete eng' kenyiit ne po tisap kotep komuuny. Niito ko si kobiit konyoor turoonik kibananogap piiguk, ak koam tyong'igap timiin che ituuchi pichooto. Iyae ko uu nooto eng' mbareeng'ung' ne po sabibuk ak eng' mbareeng'ung' ne po keetiigap mseituni che punu mwanik.

KOMONG'U 3:17

Ak kaatil ale, Amutwok otogosu omang'une nyalildap Misiri, agoi oit emetap Kanaanik, Hitik, Amorik, Perisik, Hibik, ak Jebusik, emet ne nyiitaat cheego ak komi kumyat eng' chaang'indo.”

KOMONG'U 3:8

Kachooruge anyun si kobiit asar icheek eng' eunegap Misiriik, ak amutu icheek kotogos komong' eng' emonooto koba emet ne myee ne paraa. Emet ne nyiitaat cheego ak komi kumyat eng' chaang'indo; emetap Kanaanik, Hitik, Amorik, Perisik, Hibik, ak Jebusik.

ATEPTAP LAWIK 20:24

Ago ki amwaiwok aleenjok, ‘Onyabani emennywa, ak agoonok kobunjook emonooto nyiitaat cheego ak komi kumyat eng' chaang'indo.’ Aa Kamuktaindet ne Toroor Kamuktaindeng'wong', ne ki atabaanenak pororyosyek.

KAITOSYEK 13:27

Ki mwachi `pichooto Musa koleenji, “Kigeit emet ne ki iyooktech keebe, ak eng' iman ko nyiitaat cheego, kumyat ak logoek; chu anyun logoegap emonooto.

KAITOSYEK 14:8

Ngot kobaibai Kamuktaindet ne Toroor eng' acheek, komutech anyun keebe emonooto ak kogoonech emonooto nyiitaat cheego ak komi kumyat eng' chaang'indo.

KAITOSYEK 20:5

Amu nee si omoong'wech ketogosu eng' Misiri, omutwech kebwa oli ya? Kooret ne ma pitye peek, anan logoegap mogoonik, anan sabibuk, anan logoek che eecheen, ama mi peek che keei.”

KIRUOGIK 16:21

Ki nam `Philistiik ineendet ak kobol konyekyik ak ki imut ineendet kwo Gaza. Kirate ineendet sirimwegap sugunonik, ak koyai ineendet kong'aiso eng' korgoreet.

1 SAMUEL 11:2

Ak ki leenji `Nahas Amonindet icheek, “Ayae arorutyonooto kobootok eng' ng'olyoondoni ale kebalu konyekwok tugul che po tai si ande koek teweernateet eng' Israel tugul.”